Birligi jarasqan berekeli elmiz

 Beı­bit­shilik pen turaqtylyq – kún saıyn­ǵy eńbekpen qorǵap, nyǵaıtýdy qajet etetin jalpyhalyqtyq jetistik», dep atap ótkendeı, táýel­siz Qazaqstan búginde ózin tatý­­lyq pen kelisimniń mekeni retinde dálel­dep, beıbit ómirdiń besigine aınalyp otyr.

Memleketimizde Qazaqstandy Otanym dep qabyldaǵan ár túrli ult ókilderiniń ózara dostyq pen tatýlyqta ómir súrýine barlyq jaǵdaıdy jasaýda. Ár ultqa óz ana tilin meńgerip, salt-dástúri men ádet-ǵurpyn jańǵyrtýda jáne mádenıeti men ádebıetin damy­týda qamqorlyq kórsetilip, jumystardy jetildirilý ústinde. Sondaı-aq, túrli etnos ókilderi de elimizdiń damýy jolynda eńbek etip, ıgi bastamalardyń basy-qasynan tabylýda. Sonyń ishinde, Qazaqstanda turyp jatqan ázerbaıjan ulty da elimizdiń birligi men damýyna óz úlesterin qosýǵa atsalysýda.

«Namýs» ázerbaıjan etnomá­denı bir­lestigi 2001 jyldyń 6 ta­myzynda quryl­ǵan bolatyn. Bú­gingi kúnde bizdiń birlestik Qa­ra­ǵandy oblystyq Qazaqstan hal­qy Assambleıasymen tyǵyz qa­rym-qatynasta jumys jasaýda. Bir­les­tik ázerbaıjan ulty­nyń ǵa­na emes, basqa da ulttar men ulys­­tar­dyń tarıhyn, mádenıetin, ti­lin, salt-dástúrin bilýde mańyz­dy ról atqarady. О́ńir boıynsha «Na­mýs» qoǵamdyq birlestiginiń Te­mir­­taý, Saran jáne Shahtınsk qala­­laryn­da fılıaldary jumys isteıdi.

Birlestik ja­nynda mem­le­ket­tik jáne ázerbaıjan tilin oqytatyn sy­nyp­tar uıym­d­­as­ty­ryl­ǵan. Tý­ǵan tildi úı­rený ázer­baıjan ulty­nyń salt-dás­tú­rin, má­denıetiniń saq­talýy men da­mýy­­na dáneker bo­lary sózsiz.

Bolashaq bilim­di jastardyń qo­lynda ekeni anyq. Elbasy bıylǵy «Qazaq­stan­nyń Úshinshi jańǵyrýy: jahan­dyq básekege qabilettilik» Joldaýynda «IT-bilimdi, qarjylyq saýattylyqty qalyptastyrýǵa, ultjandylyqty damytýǵa basa kóńil bólý kerek», dep aıqyndap ótti. Sol sebepti, bir­­lestik jastarmen jumysqa erek­­she kóńil bóledi. Olarmen El­basy Joldaýynda atap kórset­ken bilim, ǵylym salalary jáne úsh­tildi oqy­tý boıynsha tanymdy, taǵy­lym­dy kezdesýler jıi ótkizilip turady.

Oblystyq Qazaqstan halqy Assambleıasy atynan memlekettik organdar jáne mekemelermen birlesip jumys jasaıdy. Sonymen qatar, birlestik qoǵamdyq kelisim men azamattyq beıbitshilikti ny­ǵaıtý, oblysymyzda turyp jatqan etnostardyń dástúrlerin, mádenıetin nasıhattaý maqsatyn­daǵy túrli is-sharalardy uıym­das­­tyrýda. Birlestiktiń basty maq­saty – Qazaqstan halqy Assamb­­leıasynyń negizgi usta­nymy bolyp tabylatyn tatý­lyq pen ult­aralyq kelisimdi nyǵaıtý­ǵa atsalysý.

Memleketimizdiń ajyramas bólshegi retinde ázerbaıjandar birligi jarasqan berekeli elimiz­diń bolashaǵyna ózindik úle­s­in qosýdy qasıetti boryshy sa­naı­dy jáne Qazaqstan hal­qy Assambleıasynyń XXV mereıtoı­lyq sessııasymen quttyqtaıdy.

Gıýlaga Vekıl-oǵly RZAEV,

«Namýs» ázerbaıjan ulttyq-mádenı qoǵamdyq birlestiginiń tóraǵasy, oblystyq Qazaqstan halqy Assambleıasynyń múshesi

Qaraǵandy oblysy