Bul jobanyń mindeti – halyqqa smartfondar men mobaıl qosymshalarynyń múmkindikteri men artyqshylyqtary týraly bilimin arttyrý. Sheberlik sabaqtaryna mektep oqýshylary men ata-analar, stýdentter, shaǵyn jáne orta bıznes ókilderi, jýrnalıster men blogerler qatysqan. Sonymen birge zeınetkerler úshin «Apashkı, atashkı ı smartfon» atty kýrs arnaıy uıymdastyrylyp, oǵan qatysýshylar smartfon qoldanýdy, messendjer ornatýdy jáne áleýmettik jelilerde áńgimelesýdi úırenipti. Jáne zeınetkerlerdiń smartfonǵa qyzyǵýshylyǵy jyldan-jylǵa artyp kele jatqanǵa uqsaıdy.bul qoǵamǵa ilesý, jastardan bólektenip qalmaýdan týǵan qubylys dep esepteıdi mamandar.
Zeınetkerler WhatsApp pen «Shahmaty» mobaıl qosymshalaryn kóp qoldanady eken. Stýdentterdi bárinen buryn Udemi, Coursera jáne British Council oqytý baǵdarlamalary qyzyqtyrsa, kásipkerler «Bızneske arnalǵan áleýmettik jeliler» jáne «TeamWork jobalardy basqarý júıeleri» mobaıl qosymshalaryn kóp qoldanatyny baıqalǵan. «Barlyq adamǵa arnalǵan bilim» - «Ksell» kompanııasynyń áleýmettik jobalardy iske asyrýdaǵy sheshýshi ustanymy. Bul bizdiń barlyq nıet bildirýshige ózin-ózi damytý men bilim alýǵa múmkindik beretin quraldar men mobaıl tehnologııalardy tańdaıtynymyzdy bildiredi. Bizdiń mobaıl bilim berý jónindegi kýrstarymyz bul maqsatqa tolyq saı keledi. Olarǵa kez kelgen adam qatysa alady, kýrstar tegin jáne Qazaqstannyń barlyq iri qalasynda ótedi. Biz qazaqstandyqtar bilim alý, kásip júrgizý, densaýlyqty nyǵaıtý jáne jaı ǵana qarym-qatynas jasaý úshin óz smartfondarynyń bar áleýetin paıdalansa eken deımiz. Biz aıtarlyqtaı shamada muny iske asyra aldyq dep oılaımyn», - dep atap ótti «Ksell» AQ kommýnıkasııalar bóliminiń jetekshisi Natalıa Eskova.
Joba avtorlary bul «Digital Life-ti» odan ári jalǵastyratyndaryn aıtty. О́ıtkeni halyqtyń qyzyǵýshylyǵy bar.
Baǵashar Tursynbaıuly,
«Egemen Qazaqstan»
