«Dúnıejúzilik densaýlyq saqtaý uıymynyń anyqtamasy boıynsha qoǵamdyq densaýlyq saqtaý - bul qoǵam qabyldaıtyn, uıymdastyrylǵan is-qımyl arqyly aýrýlardyń aldyn alý, ómir súrýdi uzartý jáne densaýlyqty nyǵaıtý jónindegi ǵylym men tájirıbe», - dedi mınıstr. Onyń aıtýynsha Qazaqstannyń qoǵamdyq densaýlyq saqtaý modeli Dúnıejúzilik densaýlyq saqtaý uıymy aıqyndaǵan fýnksııalar negizinde júzege asyrylady. Olar:
- turǵyndardyń densaýlyǵy men turmys jaǵdaıyn epıdemıologııalyq qadaǵalaý;
- shuǵyl jaǵdaılardyń adam densaýlyǵy úshin qaýiptiligine mán berý, monıtorıng júrgizý;
- qaýipsiz qorshaǵan ortamen, eńbekpen, azyq-túlikpen qamtamasyz ete otyryp, densaýlyqty qorǵaý;
- strategııalyq basshylyq; bilikti kadrlarmen qamtamasyz etý;
- turaqty uıymdastyrý qurylymdarymen qamtamasyz etý;
- aqparattyq-túsindirý jumystary, kommýnıkasııa jáne áleýmettik jumyldyrý;
- zertteý sharalaryn damytý bolyp tabylady.
Mınıstrdiń aıtýynsha, Qazaqstanda medısınalyq shyǵyndardyń 95-96 paıyzy ınfeksııalyq emes sozylmaly aýrýlarǵa jumsalady. Onyń ishinde júrek-qan tamyr jáne qaterli isik aýrýlary, sozylmaly respıratorlyq aýrýlar, dıabet sekildi aýrýlarǵa bólinetin shyǵyndardyń ósýkeni baıqalady.
Sonymen qatar Densaýlyq saqtaý mınıstr 2016 jyly DDSU-men birlesip qoǵamdyq densaýlyq saqtaýdyń negizgi jedel qyzmetterine ózin-ózi baǵalaý júrgizilgendigi týraly aıtty. Bul qyzmettiń mindeti - halyqtyń densaýlyǵyn qorǵaý men nyǵaıtý.
