Qar bıyl óte kóp túskendikten, tasqynnyń ekpini tym qatty. Joramaldaǵydan da asyp tústi. Syıymdylyǵy 693 mıllıon tekshe metrdi quraıtyn Sergeev sý qoımasyna eki esege artyq sý jınaldy. Aqmola oblysynan kelgen mol sý asa jaısyzdyq týdyrýda. Qajetti barlyq sharalardy qoldanýdyń arqasynda Shal aqyn men Esil aýdandarynda jaǵdaı turaqtandandy.
«Úsh kúnniń ishinde Esil ózeniniń arnasyndaǵy sý 1 metr 70 santımetrge kóterildi. Kóterilgen sý deńgeıiniń bıiktigi sonshalyq, Bylǵary zaýyty yqsham aýdanyndaǵy jańa bógetten 10 santımetr asyp ketti. Eski bógettiń uzyndyǵy – 1 shaqyrym 700 metr. Ony kóterýmen aınalysyp jatyrmyz. О́zen arnasynda ornalasqan turǵyn úılerdi tasqyn sýdan qorǵaý úshin bógettiń uzyndyǵyn 4 shaqyrymǵa deıin uzartatyn bolamyz», – dedi aımaq basshysy. Qazirgi basty mindet kent turǵyndaryn qaýipsiz jerge kóshirý ekendigin atap aıtty.
Múlikterdi de, turǵyndardy da qaýipsiz orynǵa tasymaldaıtyn qaıyq ta, tehnıka da, adam kúshi de jetkilikti. Alaıda, keıbir turǵyndardyń kóshkisi kelmeıtin jekelegen oqıǵalar kezdesip qalady
«Men ýchaskelik ınspektorlarmen birlese otyryp, túni boıy kezekshilik atqaryp shyqtym», – deıdi Natalıa Chorba.
Mamandardyń aıtýynsha, sý tasqynynyń sharyqtaý shegi áli aıaqtalmaǵan. Ekinshi tolqyn keledi dep kútilýde.
Shuǵyl sheshimder qabyldaý úshin Petropavl aýmaǵynda tótenshe jaǵdaı rejimi jarııalandy. Sóıtip, barlyq kúsh-jiger adamdarǵa kómektesýge, jekelegen máselelerdi dereý sheshýge, qarjylyq jaǵynan qamtamasyz etýge baǵyttalǵan.
О́mir ESQALI,
«Egemen Qazaqstan»
Soltústik Qazaqstan oblysy
