Alǵashqy matchta Qazaqstan quramasy Avstrııa komandasymen kúsh synasyp, 3:2 esebimen jeńiske jetti.
Matchtyń birinshi kezeńi jerlesterimiz úshin oıdaǵydaı ótti. 9-mınýtta Naıdjel Doýs esep ashsa, araǵa alty mınýt salyp dýbl jasady. Ekinshi kezeńde avstrııalyqtar qarqyndaryn kúsheıtip, tarazy basyn teńestirip ketti. Aldymen, Konstantın Komarek 25-mınýtta esep aıyrmasyn qysqartsa, 38-mınýtta Tomas Raffl tablodaǵy kórsetkishti 2:2-ge jetkizdi. Degenmen, sońǵy bólikte Edýard Zankoves shákirtteri namysqa basyp, jeńisti enshiledi. 44-mınýtta Vladımır Markelov jeńisti shaıbanyń avtory atandy.
Osydan keıin otandastarymyz Ońtústik Koreıamen kezdesti. Biraq bul kezdesý sátti aıaqtala qoımady. Qorytyndy esep 2:5.
Kezdesýdiń 8-mınýtynda Qazaqstan quramasy sapynan Brendon Bochenskı esep ashsa, 16-mınýtta An Iın Hý tarazy basyn teńestirip ketti. Matchtyń kelesi bóliginde Naıdjel Doýs mergendigimen tanylyp, komandany alǵa shyǵarǵan edi. Alaıda, sońǵy kezeńde ońtústikkoreıalyqtardyń shabýylyna qarsylyq tanyta almaı, aınalasy alty mınýttyń ishinde tórt birdeı gol jiberip aldy. Olardy Aleks Plant (46, 50-mınýttar), Shın San Hýn (47-mınýt), Kım Kısýn (52-mınýt) saldy.
Jerlesterimiz Ońtústik Koreıada ketken eseni Polshadan qaıtarý úshin baryn saldy. Bul oıynda gol soǵylatyn múmkindikter bolǵanmen, jalǵyz ári jeńisti gol overtaım kezinde ǵana soǵyldy. Ony 62-mınýtta Kevın Dallmen saldy. Esep 1:0, ulttyq quramamyz jeńiske jetti.
Qazaqstan quramasy osydan keıin Ýkraınamen synǵa tústi. Tóreshiniń «á» degeninen alǵa umtylǵan Edýar Zankoves shákirtteri 4-mınýtta esep ashyp úlgerdi. Ony Naıdjel Doýs enshisine jazdy. Kezeńniń aıaqtalýyna sanaýly sekýndtar qalǵanda Marten Sen-Per basymdyqty arttyra tústi.
Otandastarymyz alǵashynda tegeýrindi kóringenmen, ekinshi kezeńde osaldyq tanytty. Bar-joǵy eki mınýtta eki birdeı shaıba jiberip aldy. 35-mınýtta Dmıtrıı Nımenko esep aıyrmasyn qysqartsa, birer mınýttan keıin Sergeı Babınes esepti 2:2-ge jetkizdi.
Úshinshi kezeńde jankúıerler jan alysyp, jan berisken oıynnyń kýási boldy. Qos komanda jeńiske jetý úshin aıanyp qalmady. Degenmen, bul tusta jerlesterimiz ústem bolyp, eki shaıba soǵyp ketti. 42-mınýtta Nıkıta Mıhaılıs Ýkraına qaqpasyn dál kózdese, 57-mınýtta Brendon Bochenskı sońǵy núkteni qoıdy. Qorytyndy esep 4:2.
Ýkraına quramasy osy jeńilisinen keıin dıvızıondaǵy ornyn saqtap qala almady. Olardyń enshisinde nól upaı. Osy sebepti kelesi jyly olar 1V dıvızıonyna túsedi.
Qazirgi ýaqytta Avstrııa 9 upaımen topta kósh bastap tursa, dál osyndaı upaımen Ońtústik Koreıa ekinshi keledi. Úshinshi orynda – Qazaqstan quramasy, enshisinde 8 upaı bar. Tórtinshi – Polsha (7 upaı), besinshi – Vengrııa (3 upaı), altynshy – Ýkraına (0 upaı)
Mundaı iri jarysta árbir oıynnyń mańyzy joǵary. Álem chempıonatynyń elıtalyq kezeńine topta birinshi jáne ekinshi oryn alǵan komandalar ǵana shyǵady.
Aıta keteıik, Qazaqstan quramasy osyǵan deıin álem birinshiligine segiz ret qatysqan (1998, 2004, 2005, 2006, 2010, 2012, 2014, 2016).
Bıyl álem chempıonaty Fransııa (Parıj) men Germanııa (Keln) elderinde 5-21 mamyr kúnderi ótedi. Búginge deıin mundaı iri jarysty Fransııa tórt ret ótkizse, Germanııada jeti márte uıymdastyrylǵan.
