Astanada tańerteńgi jumysty bastaý ýaqytyn dıfferensıasııalaý boıynsha ákimdiktiń jospary ózge de sharalarmen qatar qala kóshelerin kólik keptelisinen aryltýǵa septigin tıgizýi tıis. Bul týraly Áset Isekeshev «Elorda Aqparat» medıa-resýrsyna bergen suhbatynda tolyq aıtyp berdi.
«Tájirıbe kórsetip otyrǵandaı, ortalyq kósheler boıynsha eń kóp trafık barlyǵy bir mezgilde balabaqshalarǵa, mektepke, jumysqa bara jatatyn 8.00-den 8.45-ke deıin baıqalady. Bul aǵyndy azaıtý úshin jumystyń bastalý ýaqytyn aýystyrý jóninde Úkimet qaýlysyn qabyldaýdy usynamyz. Mektepterde sabaqtardyń bastalý ýaqyty burynǵysha qalady - tańerteńgi 8-den bastap. Mınıstrlikter men ózge de ortalyq memlekettik organdardyń jumys ýaqytyn - 8.30-ǵa, JOO-lar men arnaıy orta bilim mekemeleriniń sabaqtaryn - tańerteńgi 10-ǵa, Halyqqa qyzmet kórsetý ortalyqtarynyń jumys kestesin sondaı-aq, tańǵy 10-ǵa aýystyrý usynylýda. Bul sharalardyń barlyǵy trafıkti durys uıymdastyrýǵa jáne kólikterdiń qala boıynsha anaǵurlym jaıly qozǵalysyn qamtamasyz etýge yqpalyn tıgizedi», - dep málim etti ákim.
