Shoqtyǵy bıik sheberler shoǵyry shahmattan ótken álem chempıonatynda altyn júldeni jeńip aldy

Elimizge Polshanyń Krakov qalasynan qýanyshty habar kelip jetti. Osy kúnderi sharshy taqta aldynda kópshiliktiń kóz­aıy­myna aınalyp júrgen bal­ǵyn qyzdarymyz shahmattan ót­ken álem chempıonatynda altyn júldege ıe boldy. Munda eki dúrkin álem chem­pıony Jansaıa Ábdimálik taǵy da jeńimpaz atansa, Ásel Serikbaı, Bıbisara Asaýbaeva tuńǵysh ret bas júldeni jeńip aldy. Al ja­qyn­da ǵana grossmeısterlik ball­dy ıelengen Dınara Sádýa­qaso­va 6,5 upaımen kúmis medaldi moınyna taqty. Álem chempıony atanǵan qar­shadaı úsh qyzymyz toǵyz týr­dyń bárinde jaqsy óner kór­setti. Birde-bireýinde jeńil­gen joq. Jansaıa men Ásel bir-bir partııalaryn ǵana teń oı­na­dy. Al Ánel Altaıbek, Dıana Asaýbaeva, Ramazan Jalmahanov pen Rınat Ámirjanov ta sharshy taqta ústinde úlken sheberlik kórsetip, qola júldeni je­ńip aldy. Sóıtip, koman­da­lyq esepte qazaqtyń balǵyn shah­matshylary bas júldege qol jetkizdi. Osy tusta joǵaryda atalǵan ul-qyzdarymyzdyń komandaǵa qosqan úlesi qomaqty ekenin aı­tý kerek. Ásirese, boılary ús­telge áreń jetetin qyzdary­myz­dyń saǵattar boıy aıaqta­ry­nyń ushymen turyp-aq álem chem­pıony atanady degen jergilikti sheberlerden aılasyn asyrtyp ketkeni – bir aýyz sóz­ben jetkizýi kúrdeli úlken eńbek. Ulttyq quramanyń jas she­berleriniń bul jetistikteri osy­men bitpeıtini sózsiz. О́ıt­keni, aramyzda elimizdiń atyn shyǵaratyn balǵyn shah­mat­shylardyń úlken shoǵyry ósip keledi.