Jetisý oblysynda ınternet-alaıaqtyqqa qarsy kúreste sıfrlyq quraldardy qoldaný júıeli tásilge aınalýda. Shottardy buǵattaý jáne aqshany qaıtarý boıynsha kezekti sátti keıs qadaǵalaý organy tańdaǵan strategııanyń tıimdiligin rastaıdy.
Osy strategııany iske asyrý aıasynda Qaratal aýdanynyń prokýratýrasy Ulttyq Banktiń «Antıfrod-ortalyǵy» platformasy arqyly jedel áreket etý algorıtmin engizýdi jalǵastyrdy. Bul jumystyń praktıkalyq nátıjesi – óńir turǵynyna 600 000 teńge kólemindegi qarajattyń qaıtarylýy boldy. Sáttiliktiń basty faktory – alaıaqtar urlanǵan aktıvterdi taratyp jiberýge tyrysqan shottar tizbeginiń qas-qaǵym sátte buǵattalýy.
«Atalǵan shara QR Qylmystyq kodeksiniń 190-baby 3-bóligi boıynsha sotqa deıingi tergep-tekserý barysynda qoldanyldy. «Antıfrod-ortalyǵy» júıesinde oqıǵany tirkeý naqty ýaqyt rejıminde aqsha qarajaty túsken banktik shottardy anyqtaýǵa jáne olarǵa der kezinde shekteý qoıýǵa múmkindik berdi», deıdi Qaratal aýdanynyń prokýrory, aǵa ádilet keńesshisi Qanat Nuhaev.
Jumystyń tıimdiligi naqty sandarmen rastalady
2025 jyly «Antıfrod-ortalyq» baǵdarlamasy aıasynda oblys prokýratýrasy 11,198 mln teńge somasyna kúdikti tranzaksııalardy buǵattady, onyń 5,3 mln teńgesi zańdy ıelerine qaıtaryldy, qalǵan aktıvter boıynsha jumys jalǵasyp jaty.
Jetisý oblysynyń prokýratýrasy eskertedi
Kıberqylmyspen kúreste ýaqyt faktory sheshýshi ról atqarady. Quqyq qorǵaý organdaryna ýaqtyly júginý jáne tranzaksııalar týraly málimetterdi usyný – qarajatty buǵattaý men qaıtarýdyń joǵary múmkindigine kepildik beredi.
Azamattardyń quqyqtaryn qorǵaý jáne ınternet-alaıaqtyqqa qarsy is-qımyl prokýratýra organdarynyń qadaǵalaý qyzmetindegi basym mindetter bolyp qala beredi.
