Prezıdentke degen eń joǵary senim deńgeıi jastar arasynda tirkeldi – 91,4%. Bul úrdis senim sıpatynyń sapalyq ereksheligin kórsetedi. Jas býyn memleket tarpynan usynylatyn bilim granttary, túrli baǵdarlamalar, sıfrlyq qyzmetter jáne ózge de qoldaý tetikterin jıi paıdalanady. Sonymen qatar búgingi jastar eldiń qarqyndy damý kezeńinde qalyptasyp keledi, bul jaǵdaı Prezıdentke degen senim deńgeıine de yqpal etpeı qoımady.
Prezıdentke degen joǵary senim deńgeıi qala turǵyndary (86,9%) men aýyl halqy (86,7%) arasynda da anyq baıqalady. Degenmen senimniń mán-mazmuny ártúrli. Aýyl turǵyndary memleketpen ınfraqurylymdyq jobalar, áleýmettik baǵdarlamalar men tólemder arqyly tikeleı baılanys ornatsa, qala turǵyndarynyń senimi júıeli ózgeristerdi qabyldaýmen jáne olardyń nátıjelerin baǵalaýmen kóbirek baılanysty.
Erler de, áıelder de Prezıdentke joǵary deńgeıde senim bildiredi. Soǵan qaramastan, áıelder arasyndaǵy senim deńgeıi erlermen salystyrǵanda 3,8 paıyzǵa joǵary.
Bilim deńgeıi turǵysynan júrgizilgen taldaý Prezıdentke degen senim kórsetkishinde eleýli aıyrmashylyqtardy anyqtaǵan joq. Respondentterdiń bilim deńgeıine qaramastan, bul kórsetkish turaqty túrde joǵary deńgeıde saqtalyp otyr.
Zertteý nátıjeleri kórsetkendeı, azamattardyń satyp alý qabileti artqan saıyn Prezıdentke degen senim deńgeıi de ósedi. Bul ekonomıkalyq jaǵdaıdy oń baǵalaý men Memleket basshysynyń júrgizip otyrǵan saıasatyn qoldaý arasyndaǵy ózara baılanysty ańǵartady.
Osylaısha, alynǵan derekter Prezıdentke degen senimniń turaqty sıpatqa ıe ekenin jáne onyń bilim deńgeıine táýeldi emestigin, qala men aýyl turǵyndary arasynda aıtarlyqtaı aıyrmashylyq baıqalmaıtynyn, sondaı-aq barlyq jas toptarynda joǵary ekenin kórsetedi. Bul óz kezeginde eldi damytý saıasatyna júıeli qoǵamdyq qoldaýdyń bar ekenin aıǵaqtaıdy.
Áleýmettanýlyq saýalnama QSZI tapsyrysy boıynsha 2026 jylǵy 10 sáýir men 10 mamyr aralyǵynda júrgizildi. Iriktemelik jıyntyq kólemi – 8 000 respondent. Saýalnamaǵa 18 jastan asqan, elimizdiń 17 oblysy men respýblıkalyq mańyzy bar 3 qalasynyń – Astana, Almaty jáne Shymkenttiń turǵyndary qatysty.
