Respýblıkalyq aksııa aıasynda úsh ulttyq mýzeıdiń arnaıy baǵdarlamalary kópshilik nazaryna usynylady. 16 mamyr kúni aksııa Ábilhan Qasteev atyndaǵy Ulttyq óner mýzeıinde bastalady. Munda «Jeti qazyna» kórmesi ótip, mýzeı óz aýlasynda Open Air formatyndaǵy mádenı baǵdarlama usynady.
18 mamyr kúni Ulttyq mýzeıde skrıpkashy Nazym Mustafına gýmanoıd robot pen bıonıkalyq robot-ıttiń qatysýymen óner kórsetedi. Joba óner men zamanaýı tehnologııany ushtastyryp, tarıhı-mádenı murany jańa formatta tanytýdy kózdeıdi.
Mańǵystaýda ashyq aspan astyndaǵy arheologııalyq mýzeı salynady
Sol kúni Ulttyq ortalyq mýzeıinde qordaǵy jádigerlerdi saqtaý men tolyqtyrý baǵytyna basymdyq beriledi. «Mýzeıge syı» aksııasy aıasynda mádenıet, óner, sport jáne tarıhqa qatysty qundy jádigerler mýzeı qoryna tabystalady.
Aksııaǵa mýzeı-qoryqtar da qatysady. Baǵdarlamada tarıhı eskertkishterge arnalǵan túngi baǵyttar, teatrlandyrylǵan qoıylymdar, tarıhı kvester, jaryq jáne dybystyq kórinister, mýltımedııalyq jobalar men jasandy ıntellekt elementteri qamtylǵan.
Baǵdarlama aıasynda kelýshiler qolóner sheberleriniń kórmesin tamashalap, ulttyq oıyndarǵa qatysyp, dástúrli taǵamdardan dám tata alady. Sondaı-aq etnoaýyldarda rýhanı júzdesýler men kıiz úıdegi túngi shaı sekildi etnomádenı formattar uıymdastyrylady. Ashyq aspan astyndaǵy formattar, sonyń ishinde shatyrly lagerler men juldyzdy aspandy tamashalaý baǵdarlamalary da josparlanǵan.
