Qazaqstan Respýblıkasy joǵary oqý oryndarynda jáne tehnıkalyq jáne kásibı bilim berý mekemelerinde oqýǵa Sara Alpysqyzynyń bilim grantyn taǵaıyndaý týraly ereje

Osy Erejege Qazaqstan Respýblıkasy joǵary oqý oryndarynda nemese tehnıkalyq jáne kásibı bilim berý mekemelerinde oqý úshin Sara Alpys­qyzynyń bilim grantyn taǵaıyndaý tártibin belgileıdi. 1. Jalpy erejeler 1.1. Sara Alpysqyzynyń bilim granttary jetim balalarǵa, qamtamasyz etilmegen kópbalaly otbasy balalaryna (tórt nemese odan da kóp birge turatyn kámeletke tolmaǵandar), asyraýshysynan aıyry­lyp, ata-anasynyń biriniń qamqorynda qalǵan balalarǵa áleýmettik kómek kórsetý maqsatynda derbes taǵaıyndalady jáne ony arnaıy eksperttik komıssııa sheshedi. 1.2. Qujattardy qabyldaý jáne konkýrs ótkizý merzimderi. Qujattardy qabyldaý men konkýrstyń birinshi kezeńi oblys ortalyqtarynda 2011 jylǵy 15 maýsym-20 shilde aralyǵynda ótedi. Konkýrstyń ekinshi kezeńi 1 tamyzdan bastap «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵynda (Almaty qalasy, Bostandyq aýdany «Daryn-1» yqshamaýdany, 47 úı) ótkiziledi. Qazaqstan Respýblıkasynyń barlyq aımaqta­ryna taratylatyn merzimdik basylymdarda jarııa­lanady. 1.3. Sara Alpysqyzynyń bilim granttary Qa­zaqstannyń ár oblysyn: joǵary oqý oryndarynda oqýǵa – 1 grant, tehnıkalyq jáne kásibı bilim berý mekemelerinde oqýǵa – 3 grant esebinen qamtıdy. 1.4. Sara Alpysqyzynyń bilim granttary ǵylym­nyń myna baǵyttary: - bilim; - óner; - jaratylystaný jáne tehnıkalyq ǵylymdar; - gýmanıtarlyq ǵylymdar boıynsha joǵary oqý oryndarynda nemese tehnıkalyq jáne kásibı bilim berý mekemelerinde bilim alý úshin konkýrstyń negizde bir ret taǵaıyndalady. 2. Qujattardy qabyldaý tártibi 2.1. Konkýrsqa qatysýǵa joǵary, arnaıy nemese kásibı bilimi joq mynadaı sanatty adamdar jiberiledi: jetim balalar: Bul sanatty úmitkerlerdiń bilim granttaryn alýǵa qajetti qujattar: - úmitkerdiń (qamqorshynyń nemese ata-ana­synyń) bilim grantyn taǵaıyndaý týraly ótinishi; - jeke kýáliginiń kóshirmesi; - memlekettik úlgidegi jalpy orta bilim týraly qujattyń notarıýs rastaǵan kóshirmesi; - Ulttyq biryńǵaı testileý nemese keshendi testileý sertıfıkaty; - ata-anasynyń qaıtys bolýy týraly kýáliktiń nemese ata-ana quqyǵynan aıyrylýy týraly sot sheshiminiń notarıýs rastaǵan kóshirmesi; - asyrap alý nemese qamqorlyqqa alý (bolǵan jaǵdaıda) týraly sot sheshiminiń kóshirmesi; - jergilikti áleýmettik qorǵaý organynyń usynys haty; - balanyń balalar úıinde tárbıelenýin ras­taýshy anyqtama; - balanyń oqý jetistikterin rastaıtyn sońǵy 2 jyldyń úlgerý tabeli; - tárbıelenýshiniń jeke minezdemesi; qamtamasyz etilmegen kópbalaly otbasy bala­lary (tórt nemese odan da kóp birge turatyn ká­meletke tolmaǵandar), asyraýshysynan aıyry­lyp, ata-anasynyń biriniń qomqorynda qalǵan balalar; qamtamasyz etilmegen otbasy balalary, atap aıtsaq: • memlekettik adrestik áleýmettik kómek alýǵa quqyly otbasy balalary; • memlekettik adrestik áleýmettik kómek almaı­tyn, otbasynyń bir múshesiniń kirisi kún kóris mınımýmy shamasynan tómen otbasy balalary. Bul sanatty úmitkerlerdiń bilim granttaryn alýǵa qajetti qujattar: - úmitkerdiń (ata-anasynyń) bilim grantyn taǵaıyndaý týraly ótinishi; - jeke kýáliginiń nemese týý týraly kýáliginiń kóshirmesi; - memlekettik úlgidegi jalpy orta bilim týraly qujattyń notarıýs rastaǵan kóshirmesi; - Ulttyq biryńǵaı testileý nemese keshendi testileý sertıfıkaty nemese kiris emtıhandarynyń nátıjesi (9-synyp negizinde tapsyrýshylarǵa); - otbasy músheleriniń kirisi týraly anyqtama; - jumyssyzdyq týraly anyqtama; - memlekettik adrestik áleýmettik kómek alýyn rastaıtyn, bolmasa otbasynyń bir múshesiniń kirisi kún kóris mınımýmy shamasyn anyqtaıtyn qujat; - jergilikti áleýmettik qorǵaý organynyń usynys haty; - balanyń oqý jetistikterin rastaıtyn sońǵy 2 jyldyń úlgerý tabeli; - tárbıelenýshiniń jeke minezdemesi. 2.2. Úmitkerlerdiń konkýrsqa qatysý sharttary: 1) jalpy orta bilim týraly qujattyń ortasha baly 4,50-ten (5,0-diń) kem bolmaýy; 2) Ulttyq biryńǵaı testileý nemese keshendi testileýde, shyǵarmashylyq emtıhandarda (shyǵarma­shylyq mamandyqtaryna tapsyratyndar úshin) jınaǵan balynyń arnaıy nusqaýlyqta belgilengen ótý balyna sáıkes kelýi. 3. Sara Alpysqyzynyń bilim grantyn ta­ǵaıyndaý úshin úmitkerlerdi irikteý tártibi 3.1. Konkýrsqa qatysýǵa osy Erejelerdiń shart­taryna sáıkes keletin, kórsetilgen adamdardy kon­kýrsqa jiberý týraly mindetti jazbasha habarlanǵan adamdar jiberiledi. Konkýrs eki kezeńnen turady. 3.2. Birinshi kezeń úmitker turatyn jerde (oblys ortalyǵynda) ótedi. Birinshi kezeńde konkýrsqa qatysý úshin tapsy­rylǵan qujattardyń osy Erejelerde kórsetilgen sharttarǵa sáıkestigin tekserý boıynsha sarap­tamashy top jumystaryn uıymdastyrý arqyly júrgiziledi. Qujattar osy sharttarǵa sáıkes kelmegen jaǵdaıda úmitker ekinshi kezeńge jiberilmeıdi. Saraptamashy top oblystyq bilim basqarmalary qyzmetkerlerinen turady. Osy Erejelerde kór­setilgen sharttarǵa sáıkes iriktelip alynǵan qujattar (ár oblystan 10 úmitkerden artyq emes) Qazaqstan Respýblıkasy Bilim jáne ǵylym mınıstrligi RMQM «Bóbek» ulttyq ǵylymı-praktıkalyq, bilim berý jáne saýyqtyrý ortalyǵyna usynylady. 3.3. Ekinshi kezeń Almaty qalasyndaǵy «Bóbek» ulttyq ǵylymı-praktıkalyq, bilim berý jáne saýyqtyrý ortalyǵynda ótedi. 3.4. Ekinshi kezeń úmitkerlerdiń tańdap alǵan mamandyǵynyń beıini boıynsha emtıhan nemese shyǵarmashylyq emtıhan tapsyrýy jáne táýelsiz saraptamalyq komıssııa múshelerimen derbes áńgimelesýi, portfolıosyn qorǵaýy arqyly júzege asyrylady. 3.5. Táýelsiz saraptamalyq komıssııa músheleri úmitkerlerdiń eki kezeń nátıjeleri boıynsha qol jetkizgen jetisteri boıynsha ár oblystan 4 grant ıegerin anyqtaıdy. 3.6. Konkýrstan (kezeńniń birinen) ótpegen úmit­ker aǵymdaǵy jylda ekinshi ret konkýrsqa qatysý úshin qujattaryn qaıta tapsyra almaıdy. 3.7. Konkýrs jeńimpazy joǵary oqý oryndary­men nemese tehnıkalyq jáne kásibı bilim berý mekemelerimen oqýdy uıymdastyrý týraly shartqa otyrady. 3.8. Konkýrs jeńimpazy osy Erejeniń 3.7-tarmaqshasynda kórsetilgen shartqa mezgilinde otyrmasa, sol sııaqty shart boıynsha óz mindetterin oryn­damasa nemese durys oryndamasa, Sara Al­pysqyzynyń bilim granty boıynsha júrgizilgen konkýrs jeńimpazy quqyǵynan aıyrý týraly másele qoıylady. 3.9. Shart jasalǵannan keıin konkýrs jeńimpazy Qazaqstan Respýblıkasynyń joǵary oqý oryndarynda nemese tehnıkalyq jáne kásibı bilim berý mekemelerinde oqý úshin joldamamen qamtamasyz etiledi jáne qarjy aýdarylady. 4. Arnaıy saraptamalyq komıssııa 4.1. Sara Alpysqyzynyń bilim grantyn ta­ǵaıyndaý boıynsha sheshimdi arnaıy qurylǵan komıssııa qabyldaıdy jáne ol hattamamen rásim­deledi. Komıssııa májilisi hattamasynyń kóshirmesi komıssııada qaralǵan qujattarmen birge bilim grantyn taǵaıyndaý týraly buıryqqa tirkeledi. Komıssııa májilisi Qazaqstan Respýblıkasynyń joǵary oqý oryndary men tehnıkalyq jáne kásibı bilim berý mekemelerine qabyldaýdyń Tıptik erejelerindegi stýdentter qataryna qabyldaý úshin belgilengen merzim ishinde júrgiziledi. 4.2. Sara Alpysqyzynyń bilim grantyn taǵa­ıyndaý boıynsha komıssııa Qazaqstan Respýblıkasy Bilim jáne ǵylym mınıstrligi RMQM «Bóbek» ulttyq ǵylymı-praktıkalyq, bilim berý jáne saýyqtyrý ortalyǵynyń basshy jáne ákimshilik quramynan, ǵalymdardan jáne óner qaırat­kerlerinen qurylady. 4.3. Komıssııa quzyryna: - Sara Alpysqyzynyń bilim grantyn taǵaıyndaý jónindegi materıaldardy qaraý; - Sara Alpysqyzynyń bilim grantyn taǵaıyndaý jáne/nemese taǵaıyndamaý týraly sheshim qabyldaý; - Sara Alpysqyzynyń bilim grantynan aıyrý týraly másele kóterý; - granttyń mólsherin anyqtaý enedi. Bilim grantyn taǵaıyndaý týraly sheshim qabyldaý beıindi keńestik-saraptamalyq komıs­sııanyń usynymdaryn eskere otyryp, negizgi quramnan turatyn komıssııa músheleriniń daýys berýi arqyly júzege asyrylady. Daýys teń bolǵan jaǵdaıda komıssııa tóraǵasynyń daýysy sheshýshi ról atqarady. 4. Qorytyndy erejeler 4.1. Sara Alpysqyzynyń bilim grantyn alýǵa túsken qujattar men arnaıy eksperttik komıssııa jumysynyń qorytyndylary «Bóbek» ulttyq ǵylymı-praktıkalyq, bilim berý jáne saýyqtyrý ortalyǵynyń muraǵatynda 5 jyl boıy saqtalýy kerek. 4.2. Osy Erejelerge ózgertýler men tolyq­tyrýlar týraly usynystar Qazaqstan Respýblı­kasynyń qoldanystaǵy zańnamalarynda belgilengen tártipke sáıkes engiziledi jáne qabyldanady. 4.3. Osy Ereje jáne oǵan engiziletin ózgertýler men tolyqtyrýlar bekitilgen sátten bastap iske qosylady. 4.4. Osy Ereje sharttarymen rettelmegen máse­leler Qazaqstan Respýblıkasynyń qoldanystaǵy zańnamalarynyń erejelerine sáıkes sheshilýi kerek.