Ulttar uıymy ókilimen áńgime

Keshe Parlament Senatynyń Tóraǵasy Qaırat Mámı BUU Balalar qorynyń Qazaqstan Respýblıkasyndaǵy О́kili Hanaa Sıngerdi qabyldady, dep habarlady Parlament Senatynyń baspasóz qyzmeti. Kezdesý barysynda Q.Mámı IýNISEF-tiń Qazaqstandaǵy qyz­metin joǵary baǵalap, den­saýlyq saqtaý jáne bilim berý salala­ryn­daǵy balalardy áleý­mettik qorǵaý júıesin jetildirý jó­nin­degi BUU Balalar qo­rynyń baǵ­darlamasyn júzege asyrýǵa eli­mizdiń múddeliligin bildirdi. – «Qazaqstan men IýNISEF ózara is-qımyldyń zor áleýe­tine ıe», – dedi Tóraǵa jáne ol balalar quqyqtaryn qorǵaý, tárbıe­leý men oqytý úshin ja­ǵ­daıdy qamtamasyz etý sala­syndaǵy zań­namalardy jetildirý jónindegi BUU Balalar qo­rynyń shara­la­ryna Senat belsendi qatysyp kele jatqanyn atap ótti. Qazaqstanda bıyl táýelsiz­dik­tiń 20 jyldyǵy atap ótiletinin aıta kelip, Q.Mámı derbes ór­kendeýdiń alǵashqy jyldarynan bastap elimizde adam quqy men bostandyǵyn qamtamasyz etý má­selelerine erekshe nazar aýda­ry­lyp kele jatqanyna toqtaldy. – «Prezıdent N.Nazarbaevtyń basshylyǵymen júzege asqan áleý­mettik-ekonomıkalyq jáne qoǵamdyq-saıası reformalardyń báriniń negizinde osy stra­te­gııa­lyq basymdyqtar bar», – dedi Tóraǵa. H.Sınger jetkinshek ur­paq­tyń quqyqtary men múddelerin qorǵaý jónindegi Qazaqstandaǵy belsendi jumystardy atap óte kelip, kishi kórsetkishter zertteýin uıymdastyrý men júrgizýge jár­demdeskeni úshin Senatqa alǵys aıtty. Mundaı zertteý júrgizilgen TMD men Shyǵys Eýropadaǵy jalǵyz el Qazaqstan bolǵanyn atap óte kelip, H.Sınger qory­tyndy baıandamanyń tusaý­ke­se­rin joǵarǵy palata qabyr­ǵa­syn­da ótkizýdi usyndy. Kezdesý barysynda jastar saıasatynyń máseleleri de tal­qy­landy. Qazirgi kezde «Jastar saıa­saty týraly» zań jobasy ázir­lenýde. Q.Mámı atap ót­kendeı, qujat jurtshylyq ara­synda, ási­rese, jastar or­tasynda jan-jaq­ty talqylanýy kerek. Tóraǵanyń aıtýynsha, zań jastardyń laıyq­ty ómiri, olardyń ózin kórsete alýy, eldiń qoǵamdyq-saıası ómi­rine belsendi qatysýy úshin jaǵdaı jasaý tıis.