Uıymdastyra bilgenniń utary kóp

О́tken jyldyń qýańshy­ly­ǵyn umyta qoımaǵan soltús­tik­qazaqstandyq dıqandar  kók­tem­gi dala jumystaryna bilek sybana kirisip, ylǵal saqtaýǵa erekshe mán berdi. Onyń ústine  astyq kólemi birshama ulǵaı­ty­lyp, 4 mıllıon 532 myń gek­tarǵa jetkizilip otyr. 1,5 mıllıon gektar súdigerdiń jyr­ty­lýy, 2 mıllıon gektar jerge qar toqtatylýy, aramshópterdi joıý maqsatymen 436 myń gektar alqapqa birneshe izdi óńdeý júrgizilýi – munyń bári 3,3 mıllıon gektar egistikke ylǵal saqtaý tehnologııasyn qol­daný­ǵa múmkindik beretin bolady. Oblystyq aýyl sharýashylyǵy basqarmasynyń mamandary bergen málimetterge qaraǵanda, qa­jetti 546 myń tonna tuqym sebý kondısııasyna jetkizilgen. Ja­nar-jaǵarmaıdyń 70 paıyzdan astamy ákelingen. Búginde kartop otyrǵyzý aıaqtalyp, maıly da­qyl­dar sebý bel ortadan aýǵan. Dándi daqyldar tuqymyn sińirý de qarqyndy júrgizilýde. Esil, M.Jumabaev, Qyzyljar aýdan­da­ry jarys kóshin bastap keledi. Aýyl sharýashylyǵy mınıstri  Asyljan  Mamytbekovtiń Qyzyljar óńirindegi alǵashqy ju­mys sapary jaýapty naýqan­nyń qyzǵan sátimen tuspa-tus keldi. Ol aldymen shalǵaıdaǵy Ǵ.Músirepov aýdanyna atbasyn tirep,  kóktemgi egis jumys­tary­nyń atqarylý barysymen tanysty. Agroqurylym jetekshilerimen kezdesip, aýyl sha­rýashylyǵyna qatysty máse­le­ler boıynsha pikirler alysty. Ǵ.Músirepov – aımaqtaǵy eń iri astyqty aýdan sanalady. Egistik alqap 733 myń gektardy qurasa, solardyń 40 paıyzyna dán sińirilgen. Ylǵal saqtaý tehnologııalarynyń 80 paıyzy  osy zamanǵy tehnıkalarmen at­qarylady. Mınıstr «Vest» JShS-niń egis tanaptaryn aralap, sapa máselesine basa nazar aýdardy. Sharýashylyq dırek­to­ry Samat  Tasmaǵanbetov 20 myń gektar alqapqa astyq ósi­riletinin, 9 sebý kesheni men 8 «K-700» traktory jumys istep jatqanyn, bıyl ylǵaldyń  mol­dyǵyn áńgimelep berdi. Byltyrǵy qýańshylyqtyń qatty áser etkenin jasyrǵan joq. El Táýelsizdiginiń mereıli toıy qar­sańynda Otanymyzdy mol as­tyq­pen qýantýǵa bel baılap otyr­myz. Qazirgi jaǵdaıǵa qara­ǵanda senim mol, dedi S.Tas­ma­ǵanbetov. A.Mamytbekov «Nejınka-Erke» serik­tes­tiginiń qyrmanynda bolyp, tuqym dárileý barysymen ta­nys­ty.  Dıqandardyń janar-jaǵa­r­maıǵa baılanysty qoıǵan saýal­daryna jaýap bere kelip, 354 myń tonna dızel otyny  belgilengen baǵamen berilgenin, alaıda  birqatar taýar óndirýshi­ler aı­nalym qarjy joqtyǵynan  kesteden qalyp qoıǵanyn, qazir jaǵdaıdyń rettelgenin, Sol­tús­tik Qazaqstan oblysyna  3 mıllıard teńge qarjy bosatyl­ǵa­nyn, mıneraldy tyńaıtqyshtar boı­ynsha da  problema bolmaı­ty­nyn jetkizdi. Oblys ákimi Serik Bilálov  kóktemgi  egis naý­qanyn ótkizýge Úkimet tarapynan barlyq múmkindiktiń jasalyp otyrǵanyn, Azyq-túlik kelisim-shart korpo­rasııasy arqyly 4  mıl­lıard teńge bólingenin, al tu­ty­nýshylar kooperatıvteri ar­qy­ly 2 mıllıard teńge qaras­ty­rylǵanyn jınalǵan­dar nazaryna saldy. Mınıstr A.Mamytbekov  Novoıshım  aýyldyq okrýginde or­na­las­qan «Álisher» fermerlik sha­rýashylyǵynda, Qyzyljar aýda­nyndaǵy «Zenchenko ı K» komandıttik seriktestiginde boldy. BAQ ókilderine bergen suhba­tynda  teriskeı óńirlerde kóktemgi egis jumystarynyń  uıymshyldyqpen atqarylyp jatqanyn atap kórsetti. О́mir ESQALI. Soltústik Qazaqstan oblysy.