Balany kedenshi qutqardy

Qarabalyq kentiniń turǵyny Olga Murtazına  eki jasar ba­la­­syn enesine qaldyryp ketedi. Ájesi qasynda otyrǵan nemeresinen áp-sátte kóz jazyp qala­dy. Qoldy-aıaqqa turmaıtyn  búl­dir­shin dalaǵa shyǵyp ketip,  kóp qa­batty úıdiń janyndaǵy qazy­lyp tastalǵan kanalızasııa qudyǵyna túsip ketedi. «Qaı­raq» keden beketiniń qyzmetkeri Rýslan Temirbaev oqıǵa ornyna jaqyn jerde toqtap turǵan mashına ishinde otyryp, jan­ushyrǵan daýystan selt ete qa­lady. Ol áıeldiń daýsy shyqqan jerge júgirip keledi de, qu­dyqqa sekirip túsip, sý  túbine ket­ken balany alyp shy­ǵady. Sýǵa shashalsa da, tunshyǵa qoı­maǵan bala  aman qalady. – Alǵashynda mende balany aman alyp qalý kerek degen ǵana oı boldy. Qudyqtyń qaýipti ekenin sońynan ǵana baryp túsindim, men de eki balanyń ákesimin ǵoı...– deıdi Rýslan. Bir qyzyǵy, dárigerler  dereý aýrýhanaǵa jetkizilgen kishkentaı  Tımýrdyń eshqandaı jaraqat al­maǵanyn, densaýlyǵynyń qa­lyp­ty ekenin anyqtady. Názıra JÁRIMBETOVA. Qostanaı oblysy, Qarabalyq aýdany.