Patrıottyq ánder baıqaýy

«Nur Otan» halyqtyq-demokratııalyq partııasy Mańǵystaý oblystyq fılıaly men oblystyq máde­nıet basqarmasy birlese uıymdastyrǵan «Táýelsiz Qazaqstanymdy ánge qosamyn!» atty patrıottyq ánder baıqaýy joǵary deńgeıde ótti. Jas urpaqtyń sanasyna ǵasyrlar boıy armandap,  qol jetkizgen táýelsizdigimizdiń qadir-qasıetin óner tilimen jetkizýdi maqsat etken ıgi shara este qalarlyqtaı bolýmen qatar, osy taqyrypqa arnap jazylǵan biraz ásem ánderdi ómirge ákeldi. Qazaqstannyń eńbek sińirgen qaıratkeri, belgili sazger-dırıjer R.Madreevtiń aıtýynsha, bul baıqaýdyń nátıjesinde ánshiler sheberlikterin shyńdap, jergilikti sazgerler qatary da kóbeıe túsken. Mýzykany árlep, nárlep jetkizýde de jetistikter baıqalypty. Sonyń bir dálelindeı, sazgerler nomınasııasy boıynsha el ara­synan kelgen B. Nádirov birinshi, S. Nurǵojaev ekinshi oryndy ıemdenipti. Taǵy  bir qýanyshty jaıt, sazgerler arasynan júldeger atanǵandar qataryna T.Úsenova, A.Ábdirazaqova, M.Baljanova sııaqty qyz-kelinshekter qosylǵan. Vokal nomınasııasy boıynsha bas júldege B.Retbaev, birinshi-ekinshi oryndar Á.Bólekbaev pen T.Jaqypov, A.Berikke buıyrypty. El Táýelsizdiginiń 20 jyldyǵyna arnalǵan óner baıqaýyna qatys­qan­dardyń bári de arnaıy syılyqtarǵa ıe bolyp, alǵys hattarmen marapattaldy. Jolaman BOShALAQ. Aqtaý.