Sırııadaǵy tolqýlar saldarynan kóz jumǵan adamdar sany 1000-nan asty. 10 myńnan astam adamdy bılik tutqynǵa alǵan. Sırııa quqyq qorǵaýshylary ózderinde 1100 qurbandyqtyń tizimderi bar ekenin málimdep otyr.
Batys elderi Sırııa basshylyǵyna qarsy sanksııalardy birinen keıin biri engizip jatyr. 9 jáne 23 mamyr kúnderi Eýroodaq óz aýmaǵyna kirýge tyıym salynǵan 13 sırııalyq sheneýniktiń tizimin jarııalady. Olardyń arasynda prezıdent Bashar Asad ta bar. 18 mamyrda mundaı sanksııany AQSh ta engizgen edi. Barlyǵynyń esep-shottary jabylǵan.
IEMENDE TYNYShTYQ ORNAR SYŃAI JOQ
Iemen búlikshileri el astanasy Sana qalasyndaǵy memlekettik aqparat agenttigin basyp aldy. Búlikshilerdiń qolynda sondaı-aq Yemenia áýe kompanııasy da turǵan kórinedi.
El prezıdenti Alı Abdýlla Salehqa adaldyǵyn tanytyp otyrǵan úkimet áskerlerimen qaqtyǵys Sana qalasynda 23 mamyrda bastalǵan edi. Sońǵy 2-3 kún bederinde kem degende 49 búlikshi qaza tapsa, 15 úkimettik kúshterdiń áskeri kóz jumǵan. Jappaı úkimetke qarsy áreketter Iemende ústimizdegi jyldyń qańtarynda bastalǵan bolatyn.
JAÝAPKERShILIKTI «TALIBAN» MOINYNA ALDY
Keshe Pákstannyń Peshavar qalasynda lańkestik áreket jasaldy. Polısııa ýchaskesine rólinde jankeshti otyrǵan, jarylǵyshtar toltyrylǵan kólik baryp soǵyldy. Sońǵy málimet boıynsha, kem degende eki adam qaza taýyp, 20-dan astamy jaraqat alǵan.
«Talıban» buǵan deıingilerdi qosa alǵanda, 3 lańkestik áreketke jaýapkershilikti óz moınyna aldy. Atap aıtqanda, 13 mamyr kúni eldiń soltústik-batysynda qatarynan eki jarylys jasalyp, solardyń saldarynan 98 adam qaza tapqany belgili. Talıbter óz áreketterin Ýsama ben Ladenniń ólimine kek qaıtarýdamyz dep túsindiredi.
EKS-PREMERGE TAǴYLǴAN AIYP KО́P
Ýkraınanyń eks-premeri Iýlııa Tımoshenkoǵa Reseımen gaz kelisim-sharty isi boıynsha aıyp taǵyldy. Ýkraına bas prokýrorynyń birinshi orynbasary Renat Kýzmınniń málimdeýinshe, tergeý aıaqtalǵan jáne Tımoshenko bıligin asyra paıdalandy, memleketke asa iri kólemde shyǵyn ákeldi dep aıyptalǵan.
Kýzmınniń sózine qaraǵanda, memleketke satqyndyq jasady degen turǵydaǵy aıyp joq. Endi Tımoshenko is materıaldarymen tanysýy tıis. 23 mamyrda Pechora soty bas prokýratýranyń málimdemesine oraı Tımoshenkony ustaý týraly qaýly qabyldaǵan edi. Biraq bas prokýratýra ázirshe burynǵy premerdi tutqyndaýǵa sanksııa bermeı otyr.
JARTY ǴASYRDAǴY ASA KÚShTI QURǴAQShYLYQ
Qytaı búginde sońǵy 50 jyldan bergi eń kúshti qurǵaqshylyqty bastan keship jatyr. Elde sý qoımalary men kúrish plantasııalary keýip qalýymen qatar, Iаnszy ózeni boıyndaǵy álemdegi eń úlken GES jumysyna da qater tónip turǵandaı.
Qurǵaqshylyqqa jyl basynan beri jańbyrdyń asa az mólsherde jaýýy sebep bolyp otyrsa kerek. Qurǵaqshylyq ortalyq provınsııalardaǵy 10 mıllıon adamdy sharpysa, 30 sáýirden beri shamamen 700 keme qaırańdap qalǵan. Osy aralyqta el bıligi azyq-túlik taýarlarynyń baǵasyn qymbattatpaýǵa bar kúsh-jigerlerin jumsap jatyr.
TEMIR JOL DIVERSANTTARY SOTTALDY
О́zbekstanda temir jolda dıversııa jasaýǵa árekettengen bir top adamǵa qatysty úkim shyǵaryldy. Olardy sot kináli dep taýyp, túrli merzimge bas bostandyqtarynan aıyrdy.
Quqyq qorǵaý organdarynyń derekterine qaraǵanda, ótken jyldyń kókteminde birneshe adamnan quralǵan top temir joldyń bir ýchaskesinde relsterdiń bekitkishterin bosatyp jatqan kezderinde qolǵa túsken eken. Endi sot sheshimi boıynsha aıyp taǵylǵandar jeti jyl men on eki jyl aralyǵyndaǵy ýaqyttaryn túrmede ótkizetin bolady.
QYSQA QAIYRYP AITQANDA:
Soltústik Koreıa kósemi Kım Chen Ir óziniń arnaýly brondy poıyzymen Qytaı astanasy Pekınge keldi. Ol Qytaı basshylyǵymen kezdesip, kelissóz júrgizetin kórinedi. Áńgime naqty qaı baǵytta órbıtini ázirge belgisiz.
Italııada asa qatty izdestirilip júrgen neapolıtan mafııasy basshylarynyń biri Djýzeppe Del’Akvıla tutqyndaldy. Ol túrli qylmystyq áreketter jasaýmen qatar, júzden astam adamnyń qanyn moınyna júktegen qanisher sanalady.
AQSh-ta tornadolardyń «dáýiri» júrip tur. Sońǵysy úsh shtat – Oklahomany, Kanzas pen Arkanzasty soǵyp ótti. Kem degende 9 adam qazaǵa ushyrady degen málimet bar. Jalpy, jyl basynan beri tornadolardan 400-den astam adam opat bolǵan eken.
Avstrııanyń Amshtetten qalasynyń basshylyǵy ataqty nemis dıktatory Adolf Gıtlerdi qalanyń qurmetti azamaty tiziminen óshirip tastaý týraly sheshim qabyldady. Ekinshi dúnıejúzilik soǵystan keıin eldiń kóptegen qalalary Gıtlerdi qurmetti azamat tiziminen syzyp tastaǵan bolatyn.
Reseılikterdiń kópshiligi Sergeı Mıronovtyń Federasııa Keńesinen shyǵaryp tastalýyna bizge báribir degendeı, beı-jaılyq tanytqan. Máselen, suraý salynǵandardyń 47 paıyzy Mıronov úshin esh bas qatyrmaıtyndyqtaryn málimdegen.
Islandııanyń Grımsvotn janartaýy keshegi kúnnen bastap báseń qylyq tanyta bastady. Eýropadaǵy júzdegen avıareısterdiń toqtatylýyna sebep bolǵan janartaý 21 mamyr kúni ot shasha bastaǵany belgili. Onyń aspanǵa atqan tútini men kúli 20 shaqyrym bıiktikke deıin kóterilgen bolatyn.
Internet materıaldary negizinde ázirlendi.
