Taǵzym etip, gúl shoqtaryn qoıdy

 Dúnıejúzi qazaqtarynyń 4-shi quryltaıyna shekara asyp, alys-jaqyn shetelden at arytyp, atajurtyna degen saǵynyshtaryn arqalap kelgen qandastarymyz keshe elordadaǵy «Otan qorǵaýshylar» monýmentine baryp, gúl shoqtaryn qoıdy. Gúl shoqtaryn qoıý rásimi aıaqtalǵan soń, Otany úshin ot keshken jaýynger bozdaqtardyń rýhyna bir sát únsizdik jarııalanyp, artynan Qazaqstannyń ánurany oryndaldy. Biz monýment alańynda orna­lasqan «Máńgilik alaý» aldynda bir-birimen arqa-jarqa áńgime­lesip, shat-shadyman kúı keshken qonaqtardyń arasynan keıbir qandastarymyzdy sózge tartyp, Qazaqstanǵa degen jyly lebizderi men atameken topyraǵyn bas­qan sáttegi áserlerimen bólisý­lerin suraǵan edik. О́zin О́mirhan Altyn dep tanystyrǵan qandasymyz quryl­taıǵa Germanııanyń Mıýnhen qa­la­synan arnaıy kelgenin aıtty. Kezinde Mıýnhendegi Azattyq radıosynda jýrnalıst bolyp qyzmet atqarǵan áriptesimiz eken. Quryltaıǵa birinshi ret qatysýy emes. Munyń aldyndaǵy jyl­dar­da Astana, Túrkistan qalala­ryn­da ótken quryltaılarǵa qa­tyssa, bıylǵy jylǵy quryl­taıǵa Eýropanyń Danııa, Gollandııa, Shvesııa, Fransııa, Uly­brıtanııa sekildi elderinen bar­lyǵy 45 adam arnaıy delegat bolyp kelipti. «Árbir quryltaıdyń ózindik ereksheligi bar ǵoı. Kelgen saıyn kóńilimizdi shattyq sezimi kernep turady. Otanǵa, atajurtqa degen saǵynyshymyz orasan. Men As­ta­naǵa ótken jyly kelgen edim. Bul qala jyl saıyn emes, aı sa­ıyn ózgerip turady eken», – dedi О́mirhan aǵamyz áserimen bólisip. О́mirhan Altyn bizben áńgime­sinde shettegi qazaqtar úshin kóshi-qon, qandastardyń kelip-ketýi, sheteldegi qazaqtar men Qa­zaqstandaǵy qazaqtar arasyn­da­ǵy túrli saladaǵy baılanys má­selelerine aıryqsha nazar aý­da­rylsa degen tilegin de jetkizdi. «Árıne, álemge tarydaı sha­shy­lyp ketken qazaqtardyń óziniń jergilikti jaǵdaıyna baıla­nys­ty týyndaǵan, búginge deıin sheshilmegen máseleleri bar. Quryl­taıda solar talqylansa deımiz», – dedi ol. Endi bir qandasymyz – Moń­ǵolııa­nyń Baıanólgıı qalasynan kelgen Sıez Qazezuly. «Mońǵo­lııa­dan kelgen azamattardyń ara­synda túrli sala ókilderi bar. О́zim dárigermin. Qazaqstanǵa osy­dan 10 jyl buryn jolym tús­ken bolatyn. Bir baıqaǵanym, osy jyldar ishinde elimiz kór­keıipti. Astananyń ádemiligi de kóz tartady. Biz alysta jatsaq ta, elimiz úshin qýanyp júremiz. El ishinde úlken sharalar atqa­ry­lyp jatyr ǵoı. Bolashaqta dú­nıe­júzi qazaqtarynyń rýhyn kóterý jaǵy nazardan tys qal­masa eken deımiz. Otbasyma kelsem, bir balam Amerıkada, ekinshi balam Qytaıda oqyp jatyr. Olar bolashaqta Qazaqstanǵa kelýi ábden múmkin», – dedi S. Qa­zezuly. «Otan qorǵaýshylar» monýmenti aldyna jınalǵan qandas­tarymyzdyń arasynda jastar­dyń qarasy da edáýir kórindi. Solardyń arasynan Gollan­dııa­nyń astanasy Amsterdam qala­sy­nan kelgen Ábýbákir Zengın men Ilııas Chokgýlen degen eki jas­ty kezdestirip, áńgimege tart­tyq. Ekeýi de Qazaqstanǵa birinshi ret kelipti. Ábýbákir áýejaıda qyzmet etse, Ilııas kompıýterlik tehnologııa mamandyǵy boıynsha oqıtyn stýdent eken. «Bizdiń Qazaqstanǵa kelgimiz keledi, eldi áli de kórgimiz keledi. Atajurtqa keler aldynda vıza alýda biraz qınaldyq. Sondyqtan, osy máse­le ońaılatylyp, sheteldegi elshi­likterdiń bizge qaraılasqanyn qalaımyz», – dedi Á.Zengın. Bir atap óterligi, Arqa tósine jınalyp, qazaq jerindegi qara­kóz baýyrlarymen qaýyshqan qandastarymyzdyń júzinen tarıhı Otanyna degen ystyq sezimderi erekshe baıqalyp turdy. Shara sońynda olar «Otan qorǵaýshylar» monýmenti al­dynda estelikke sýretke túsip jatty. Láıla EDILQYZY.