Q.Toqaev qyzmetine resmı kiristi

24 mamyrda elimizdiń belgili memleket qaıratkeri, Parlament Senatynyń burynǵy tóraǵasy, qazirgi tańda BUU Bas hatshy­sy­nyń orynbasary, Jenevadaǵy Eýropa bólimshesiniń Bas dırek­to­ry Qa­sym-Jomart Toqaev Qarýsyzdaný konferensııasynyń Bas hatshysy – BUU Bas hatshysynyń Qarýsyzdaný konferensııasyndaǵy Jeke ókili qyzme­tine resmı túrde kiristi, dep habarlady QR SIM-iniń baspasóz qyzmeti. Qarýsyzdaný konferensııa­sy­nyń qalyptasqan erejesine sáı­kes atalǵan jaýapty qyzmetke BUU Bas hatshysynyń usynysy negizinde jáne Qarýsyzdaný kon­ferensııasy músheleriniń tolyq qoldaýymen taǵaıyndalatyny belgili. Halyqaralyq qoǵamdas­tyq­tyń qarýsyzdaný, onyń ishinde ıadro­lyq qarýsyzdaný  jóninde kelis­sóz­der júrgizý úshin balamasy joq jalǵyz kópjaqty forýmy Qarýsyzdaný konferensııasy ekeni belgili. Ol 1978 jylǵy BUU Bas Assambleıasynyń qarýsyzdaný jó­nindegi alǵashqy arnaıy ses­sııa­synyń sheshimimen 1979 jyly qurylǵan. Qazirgi kezde bul kon­ferensııaǵa 66 memleket múshe jáne Qazaqstan 1999 jylǵy 5 ta­myzdan beri onyń quramynda. Osy rette, Qarýsyzdaný kon­fe­rensııasy Bas hatshysynyń min­deti atalǵan forýmnyń jumy­syna jáne onyń sheńberinde tal­qylanatyn máselelerge, sondaı-aq delegasııalarǵa jan-jaqty qol­ǵabys kórsetý bolyp tabylady. Jańa taǵaıyndalǵan Bas hat­shy Q.Toqaev óz sózinde halyq­ara­lyq qoǵamdastyq 14 jyldan beri konferensııanyń kún tárti­bindegi máseleler boıynsha naq­ty kelissózder kútetinin aıryq­sha atap ótti. Sondaı-aq ol óz qyzmetiniń QK úshin óte sheshýshi kezeńge dóp kelgenin moıyndaı otyryp, konferensııa múshe­le­ri­n uıymnyń bedelin saqtap qalý úshin tize qosyp jumys ja­saýǵa shaqyrdy. Qarýsyzdaný konferen­sııa­sy­nyń aımaqtyq toptarynyń aty­nan sóz alǵan elshiler Bas hat­shynyń konferensııanyń jumy­syn jan­dan­dyrý maqsatyndaǵy syndarly usy­nys-pikirlerine ár­kez ashyq ekendikterin málimdedi. Qytaı, Reseı, Belarýs jáne Ońtústik Koreıa elderiniń ókilderi Qazaqstannyń ıadrolyq qa­rý­­syz­daný salasyndaǵy qadam­da­ryn jo­ǵary baǵalaı kelip, Q.To­qaev­tyń Qazaqstandaǵy bir­qatar jaýapty memlekettik qyzmetterde bolǵan kezinde ekijaqty qarym-qatynastardy damytýǵa súbeli úles qosqanyn da atap kórsetti. Osy saltanatty sessııada kóp­tegen delegasııalar osyndaı jaýap­ty qyzmetke qazaqstandyq ókildiń taǵaıyndalýyna elimizdiń ábden laıyqty ekendigin bildirip, ózderi­niń quttyqtaýlaryn jetkizdi.