Qazaqstan Respýblıkasy Úkimetiniń qaýlysy №146

2011 jylǵy 17 aqpan          №146      Astana, Úkimet Úıi Qazaqstan Respýblıkasy Úkimetiniń 2006 jylǵy 5 sáýirdegi № 248 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Aýyz sýmen jabdyqtaýdyń balamasyz kózi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen aýyz sý berý jónindegi qyzmetterdiń qunyn sýbsıdııalaý erejesin bekitý týraly» Qazaqstan Respýblıkasy Úkimetiniń 2006 jylǵy 5 sáýirdegi № 248 qaýlysyna (Qazaqstan Respýblıkasynyń PÚAJ-y, 2006 j., № 12, 113-qujat) mynadaı ózgerister engizilsin: kórsetilgen qaýlymen bekitilgen Aýyz sýmen jabdyqtaýdyń balamasyz kózi bolyp tabylatyn sýmen jabdyqtaýdyń erekshe mańyzdy toptyq jáne oqshaý júıelerinen aýyz sý berý jónindegi qyzmetterdiń qunyn sýbsıdııalaý erejesinde: 2-tarmaqtyń úshinshi abzasyndaǵy «jáne (nemese) kommersııalyq múddelerin» degen sózder alyp tastalsyn; 5-tarmaqtaǵy «olar úshin belgilengen sý tutyný lımıti sheginde» degen sózder «eldi mekenderdegi bir turǵynǵa belgilengen ortasha táýliktik úlestik sý tutyný sheginde» degen sózdermen aýystyrylsyn; 6-tarmaqta: birinshi abzasta: memlekettik tildegi mátini ózgerissiz qaldyrylsyn; «tıisti qarjy jylyna arnalǵan bıýdjettik baǵdarlama ákimshisiniń shyǵystary quramynda» degen sózder «tıisti qarjy jyldaryna» degen sózdermen aýystyrylsyn; úshinshi abzastaǵy «jáne úıge ortaq (biryńǵaı)» degen sózder «biryńǵaı» degen sózben aýys­tyrylsyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri    K.MÁSIMOV.