Jasyl alańda – jas qazaq

Keshe elimizde Dúnıejúzi qa­zaqtarynyń IV quryltaıy aıa­synda máni men mańyzy jaǵy­nan aıtarlyqtaı shara ótti. Astandaǵy Qajymuqan Mu­ńaıt­pasuly atyndaǵy Orta­lyq stadıonda tuńǵysh ret qu­ryltaıǵa qatysýshylar ara­syn­da fýtboldan týrnır uı­ymdastyryldy. Týrızm jáne sport mınıstr­liginiń uıymdastyrýymen ótken bul sporttyq sharaǵa keshegi qıyn-qystaý kezde shet el asýǵa májbúr bolǵan qandastarymyz­dyń urpaqtary ishinen Eýropa qazaqtarynyń birikken komanda­sy, Reseı, О́zbekstan, Mońǵolııa, Qytaı, Túrkııadaǵy aǵaıyndar­dyń quramalary men Qazaqstan­nyń jas aıaqdopshylary qaty­syp, baq synasty. Týrnırdiń ashylý saltana­tyn­da Dúnıejúzi qazaqtary qaý­ymdastyǵy Tóraǵasynyń oryn­ba­sary Talǵat Mamashev, Qazaq­stan Respýblıkasy Prezıdenti Ákimshiliginiń Ishki saıasat bólimi meńgerýshisiniń orynbasary Áli­bek Asqarov, Týrızm jáne sport mınıstrligi Sport isteri jó­nin­degi komıtetiniń tóraǵasy Elsııar Qanaǵatov pen basqa da azamattar fýtbol jarystarynyń máni men mańyzyn, olardyń qazaq jastary arasynda dostyq qarym-qatynas­ty, baýyrmaldyq pen yntymaq­tas­tyqty qalyptastyratynyn aı­typ, qazirgi kezde mundaı týrnırler Eýropa qazaqtarynyń kishi quryl­taıy kezinde ótkizi­letinin atap ótti. Odan ári sport merekesinde «Saryarqa» ulttyq aspaptar ansambli men «Erkes» balalar ujymynyń qatysýymen konsertter qoıylyp, dástúrli ulttyq sport túrlerinen oıyndar kór­se­tildi. Onda asyq atý, toǵyz­qumalaq, qazaq kúresin quryltaı qonaqtaryna nasıhattaý maqsa­tyn­da ulttyq oıyndardyń erejeleri qazaq jáne aǵylshyn tilderinde taratylyp berildi. Osy kezde Elsııar Qanaǵatov bola­shaq­ta tek fýtbol ǵana emes, basqa da sport túrlerinen jarystar ót­kizý josparlanyp otyrǵanynan habardar etti. Osy týrnırdiń jartylaı fı­nalynan bastap qatysqan Qa­zaq­stan quramasy shırek fınalda Túrkııa qazaqtarynyń aldyn oraǵan ońtústiktegi kórshi eldegi aǵaıyndardan jeńilis tapty. Sóı­tip, eki kezdesýde qarsy­las­ta­ryn utqan О́zbekstan qazaqtary fınalǵa joldama aldy. Al olardyń qarsylasy Reseı men Eýropa komandalary arasynda ótken oıynda anyqtaldy. Bul matchta Reseıdiń Omby, Saratov, Orynbor, Altaı ólkesi men basqa da qazaqtar tyǵyz qonystanǵan aımaqtarynan quralǵan komanda eýropalyq baýyrlarynan 2:0 ese­bimen basym tústi. Osy oı­yn­da alǵash ret 11 metrlik aıyp do­by berildi. Ony Azamat Jumatov oryndady. Úshinshi oryn úshin ótken kezdesýde Qazaqstan qu­ra­masy Eýropa komandasyn 2:0 esebimen jeńip, qola júldege ıe bolsa, asa qyzyqty jáne tar­tym­dy negizgi ýaqyttaǵy esep 1:1 bolyp aıaqtalǵan fınalda Reseı qurama­sy О́zbekstandaǵy aǵaıyn­da­ryn 11 metrlik penaltıde jeńip ketti. Sóıtip, tańerteńnen keshke deıin sozylǵan alǵashqy týrnır máresine jetip, jeńimpaz ben júldeger komandalar uıym­dasty­rýshylar tarapynan baǵaly syılyqtarǵa ıe boldy. Osy týrnırdiń úzdik shabýylshysy bolyp Eýropa komandasynyń múshesi Emre Zalyn atansa, úzdik qaqpashy ataǵyna Nursultan Rús­tembekov (Reseı), úzdik qorǵaýshy ataǵyna Darhan Kósherbaev (Qa­zaqstan) ıe boldy. Al jarystyń eń úzdik oıynshysy bolyp Rýslan Ábishev (О́zbekstan) tanylsa, Mehmet Álper Kalkan (Túrkııa) jeńiske degen jigerliligi úshin dıplomymen marapattaldy. Dastan KENJALIN.