KEShE...

...INDET OShAǴYNDA BOLDY Aqjaıyq aýdanyna qarasty Tináli aýylyndaǵy iri qara men qoı-eshki maldary aýsyl aýrýyna shaldyqty. Atap aıtqanda, munda sońǵy derekter boıynsha, 552 bas iri qara men 1642 bas qoı-eshki joı­yldy. Qazir 64 tútini bar Ti­nálide tuıaq serper túlik qalmaǵan. Keshe indet oshaǵynda Batys Qa­zaqstan oblysynyń ákimi Baq­tyqoja Iz­mu­ham­betov bolyp, tur­ǵyndarǵa tó­men­degi jáıtti má­limdedi: – Úkimettiń 2003 jylǵy qaý­ly­syna sáıkes, aýsyl aýrýyna tap bol­ǵan iri qara úshin 40 myń teńgege tarta, usaq malǵa 8 myń teńgeden astam qarjy bólinýge tıis. Alaıda biz turǵyndar talap­taryna oraı, Úkimet pen tıisti mınıstrlikterge osy ótemaqyǵa qo­symsha ústemeaqy qosý jóninde usynystar bildirdik. Respýblıka­lyq qarjy komıssııasy bul usy­nystarymyzdy maquldady. Qaýip tolyq seıildi dep aıtýǵa áli erte. Juqpaly aýrýdyń ok­rýg aýmaǵyndaǵy Alqap jáne Keń­túbek qystaqtaryna da jetkeni aıtylýda. Aýsyl Ońtústik Qazaq­stan oblysynan keldi degen uı­ǵa­rym jasalyp otyr. Buǵan deıingi tártip boıynsha, indet tabylǵan núk­tede aýrý maldar ǵana joıy­lyp, qalǵany egilýden ótetin. Endigi jerde Qazaqstan, Reseı jáne Belarýs memleketteri arasyn­daǵy Keden Odaǵy talabyna sáıkes, indet oshaǵy aýmaǵyndaǵy barlyq mal tolyǵymen joıylmaq. Temir QUSAIYN. Batys Qazaqstan oblysy. * * * ...«MEN QAZAQShA BILEMIN» BAIQAÝY BASTALDY «Men qazaqsha bilemin» baı­qaýyn jyl saıyn Z.Qabdolov atyndaǵy jáne «Alshy» qorlary birlesip uıymdastyryp keledi. Osy baıqaýǵa «Teńizshevroıl» birlesken kásiporny da qarjylaı qoldaý kórsetýden shettegen emes. Keshe atalǵan baıqaýdyń bıylǵy saıysy bastalǵany jarııa etildi. Osyǵan oraı uıymdastyrý­shy­lar baıqaýdyń maqsaty men shart­taryn tanystyrdy. Professor Qa­dir Júsiptiń pikirinshe, memlekettik tildi ózge ult jastarynyń arasynda keńinen nasıhattaý úshin sharalardy kóbirek ótkizgen jón. Al «Teńizshevroıl» ókili Gúlnar Aıt­janova aldaǵy ýaqytta da memlekettik tildiń qoldanys aıa­syn keńeıtý jáne ony nasıhattaý úshin demeýshilikti jalǵasatynyn jetkizdi. Joldasbek ShО́PEǴUL. Atyraý oblysy. * * * ...HAS ShEBERDIŃ SAPARY AIаQTALDY Karate-dodan «Marıoshıkaı» halyqaralyq uıymynyń prezıdenti, JKF boıynsha 7-dan, JKMO boıynsha 8-dan ıegeri Sasakı Tashıatsý Qyzyljar óńirinde bolyp, karado-de jáne shotokanmen aınalysatyn jastardy birneshe kún boıy jattyqtyrýǵa ýaqyt taba bildi.Semınarlar ótkizip, endi ǵana qanat jaıa bastaǵan kúrestiń qyry-syryna qanyqtyrdy. Bul Kúnshyǵys eli oǵlanynyń Qazaqstanǵa atbasyn  tiregen   tuń­ǵysh  sapary ári  ýaqytynyń ty­ǵyz­dyǵyna  qaramastan,  ózimen bir­ge kelgen japonııalyq senseı jáne Sibir men Qıyr Shyǵys boı­ynsha odaqtyń bas bapkeri  Mıron Kvon ekeýi Astana men Temirtaýdan jáne Soltústik Qazaqstan obly­sy­nan jınalǵan  karateshi­lerdi sheberlikterimen tamsan­dyrdy. Már­te­beli meımandar jas sport­shy­lardyń aıaq alysyna joǵary baǵa berdi. О́mir ESQALI. Soltústik Qazaqstan oblysy.