Túlep ushqan túlekter

Eńseli elordamyzdyń mektepterin bıyl 3650 túlek bitirip shyqty. Olardyń arasynan 99 oqýshy «Altyn belgige» laıyq­tyǵyn dáleldese, 64 túlek erekshe attestatqa ıe boldy. Al 125 túlek halyqaralyq jáne res­pýb­lıkalyq baıqaýlardyń je­ńimpazy retinde tanylyp, olar qa­zir­diń ózinde memlekettik grant­qa qol jetkizip otyr. Osyndaı bıik belesten kóringen elordalyq oqýshylardyń arasynan shyqqan júzden júırikterge arnalǵan sal­tanatty rásim «Qazaqstan» orta­lyq konsert zalynda ótip, qala ákimi Imanǵalı Tasmaǵambetov mektep bitirýshi ul-qyzǵa sát sapar tiledi. On bir jyl boıy bilim nári­men sýsyndatqan altyn uıalary­men qoshtasý ońaı emes. Dese de, aldaryńyzda ómirdiń dańǵyl da, dara joly jatyr. Búgin jas astanalyqtardyń jańa tolqyny ózderiniń alǵashqy eń mańyzdy bilim týraly qujattaryn alyp otyr. Osy oqıǵamen sizderdi shyn júrekten quttyqtaımyn! Elimiz Táýelsizdiginiń 20 jyl­dyǵy qarsańynda bul erekshe mazmunǵa ıe, degen Imanǵalı Nurǵalıuly Nelson Mande­lanyń «Men – óz taǵdyrymnyń ámirshisimin. Men – óz armanym­nyń kapıtanymyn» degen sózin dáıekke keltirdi. «Ol kisi kózi tirisinde uly tulǵaǵa aınaldy. О́ıtkeni, ol óz armanyn taýyp, ony gýmanıstik jolmen júzege asyrdy. Armanyna ár adamǵa túsi­nikti ıdealıstik quraldardyń kómegimen qol jetkizdi. Sondyq­tan sizderge eshqashan armandary­ńyzdan bas tartpańyzdar degim keledi. Árkimniń óz armany bar. Tek arman ǵana sizderdi tabysqa jeteleıdi», – dedi ol. Budan keıin  bıyl úzdik kór­set­kishke jetkenderdi marapattaý rásimderi jalǵasyn tapty. «Ana tili juldyzy» nomınasııasy bo­ıynsha er balalarǵa arnalǵan qazaq-túrik lıseıiniń túlegi Ábiken Ámire, «Shabyt jul­dy­zy» nomınasııasy boıynsha №60 mektep-lıseıdiń túlegi Áıgerim Ospanova, «Kóshbasshy juldy­zy» nomınasııasy boıynsha №38 mektep-lıseıdiń túlegi Ysqaq Áset, taǵy basqalar baǵaly syılyqtarǵa ıe boldy. Mektep túlekteriniń atynan Aıdyn Ahanov jaýapty sóz alyp, ózderine jasalyp otyrǵan iltı­pat­qa rızashylyǵyn bildirse, qa­zaq­tyń aıtýly ánshi qyzy, Qazaq­stannyń halyq ártisi Roza Rym­baeva «Mektep valsin» oryndady. Súleımen MÁMET