Úzdikterdi marapattady

Qyzylorda qalasynda «Al­tyn belgi» ıegerlerin marapat­taýǵa arnalǵan saltanatty shara ótti. Jıynǵa oblys ákimi Bolatbek Qýandyqov, oblystyq jáne qalalyq máslıhat depýtattary, bilim salasynyń ardagerleri men ata-analar qatysty. Bıyl Syrdyń boıynda «Al­tyn belgimen» mektep bitirgen túlekterdiń qarasy basym. Bul aımaqtaǵy bilim salasynyń biligin kórsetse kerek. Atap aıtar bolsaq, Janaqorǵan aýdany bo­ıynsha – 12, Shıeli aýdanynda – 17, Syrdarııa aýdanynda – 6, Ja­la­ǵash aýdanynda – 7, Qarmaqshy aý­danynda – 17, Qazaly aýda­nyn­da – 46, Aral aýdanynda – 27, Qy­zyl­orda qalasynda 43 oqýshy mek­­tepti «Altyn belgimen» bitirdi. Altyn uıalaryn altynmen bitirgen oqýshylar ortalyqqa jı­nalyp, altynnan alqa ta­ǵyndy. Osy arada aıta ketken abzal, bıylǵy UBT qorytyndysy bo­ıynsha Qyzylorda oblysynyń bilim uıymdarynyń ortasha kór­setkishi 90,5 balǵa jetti. «Altyn belgige» úmitker 301 oqýshynyń 207-si óz bilimderin dáleldep shyqty. Al «Úzdik attestatqa» 217 úmitker iriktelip shyqqan-tyn. Onyń 127-si «Úzdik attes­tat­qa» laıyqty baǵa jınady. Bıyl túrli pán baıqaýlary boıynsha 25 oqýshy grant ıegeri atanyp otyr. Atap aıtqanda, fızıka, matematıka, hımııa, ınformatıka, bıologııa, aǵylshyn tili pánderi boıynsha oqýshylar «Nazarbaev Ýnıversıtetiniń», «Sú­leı­man Demırel» ýnıversı­teti­niń, Ál-Farabı atyndaǵy Qazaq ulttyq ýnıversıtetiniń, KIMEP,  «Eýrazııalyq», Qorqyt Ata atyndaǵy Qyzylorda memlekettik ýnıversıtetteriniń, muny­men qo­sa Praga, Chehııa memleketterindegi, sondaı-aq «Petro Qazaqstan» baǵdarlamasy boıynsha Qytaı elindegi joǵary oqý oryn­dary­nyń grant ıegerleri atandy. Mu­ny­men qosa, bıylǵy jyly ob­lystyń mektep oqýshylary túr­li deńgeıdegi bilim báseke­lerinde jaqsy jetistikterge qol jetkizip, aımaqtyń bilim salasyndaǵy be­deliniń artýyna ózindik úles­terin qosty. Sonymen birge, oqý­shylar 2010-2011 oqý jy­lyn­da pándik olımpıada, ǵyly­mı joba jarystarynan shet memleketterde de úlken nátı­jege qol jetkizip, Chehııa, Grekııa, Kıpr, Túrkııa, AQSh, Reseı, Vengrııa, Ázerbaıjan elderinde oqýshylar «altyn», «kúmis», «qo­la» medal ıgerleri atanyp keldi. Bıyl oblysta 9150 oqýshy mektep bitirdi. Onyń 77,1%-y, ulttyq biryńǵaı  testileýge qa­tysýǵa ótinish bildirgen bolsa, 15 halyqaralyq ǵylymı joba jarystarynyń jeńimpazdary UBT-dan bosatyldy. О́ıtkeni, olar test tapsyrmaı-aq ózderi qalaǵan joǵary  oqý ornyna túsýge múmkindik alǵan. Aıtpaqshy, test nátıjesi bo­ıynsha 3 oqýshy 125 baldan jı­nady. Atap aıtqanda, Qazaly aýdanyndaǵy №249 mekteptiń túlegi Anar Kemal men Arman Aqbaeva jáne Qyzylorda qala­sy №9 kásiptik-tehnıkalyq lı­seıiniń oqýshysy Denıs Fadeevter úzdik kórsetkishpen kózge tústi. Erjan BAITILES. Qyzylorda.