Basqarýshylar rezervi tolyǵa tústi

Keshe Prezıdent janyndaǵy Memlekettik basqarý akade­mııa­­syn­da Memlekettik saıasat­tyń ult­tyq mektebin (MSUM) bitirýshilerge dıplom tapsyrý saltanaty boldy. Akademııanyń quramyndaǵy MSUM Prezıdent N.Nazar­baev­tyń 2009 jyl­ǵy Jarlyǵymen ashylǵan edi. Onyń mindeti – saıası memlekettik qyzmetker­lerdiń rezervin daıyndaý. Onda oqıtyn­dar­dyń qyzmeti mınıstrlikter de­par­tamentteriniń dırektory nemese dırektordyń orynbasary qyzme­ti­nen tómen bolmaıdy. Oqý ornyn bıyl bitirgender AQSh-tyń Dıýk ýnıversıtetinde úsh aılyq tá­limdemeden ótti. Atalǵan ýnıversıtet álemdik joo-lar reıtıngi boıynsha 13-shi orynda. Qa­zaq­stan­dyq qyzmetkerler osy ýnı­ver­sıtettiń dıplomdaryn aldy. Aıta ketetin jáıt, oqý baǵdar­lama­sy qazaqstandyq jergilikti basqarý organdarynda óndiristik tájirıbeden ótýdi de qarastyrǵan. Sóıtip, bolashaq basqarýshylar álemdik jáne otandyq tájirıbe­lerdi salystyra otyryp, ekeýin de birden qamtıdy. Akademııa mektebiniń álemdik al­dyńǵy qatarly ýnıversıtettermen yn­ty­maqtastyq ornatýy El­basy N.Nazarbaevtyń tapsyrma­sy­na sáıkes iske asyrylǵan. Ol oqý úderisterin to­lyq aýqymda ınternasıonaldandyryp, halyq­aralyq akkredıtasııa alýdy jú­zege asyrady. Dıplom tapsyrý saltanatyna Prezıdent Ákimshiligi Basshy­sy­nyń oryn­basary B.Baıbek, AQSh-tyń Qazaqstan­daǵy dıploma­tııa­lyq mıssııasynyń basshysy Dj.Ordveı, AQSh Stenford atyn­daǵy ýnıversıteti memlekettik saıa­sat mektebiniń dekany Dıýk Brıýs, osy ýnıversıtettiń Halyq­aralyq damý ortalyǵynyń atqarý­shy dırektory Dıýk Djonatan Abels jáne basqalar qatysty. Jaqsybaı SAMRAT.