Jarys alańynda – jýrnalıster

Astanada Qazaqstan Jýrnalıster odaǵy qalalyq fılıa­ly­nyń uıymdastyrýymen shaǵyn fýtboldan BAQ ókilderi ara­synda belgili qalamger Ramazan Ahmetovti eske túsirýge arnal­ǵan týrnır ótti. Jyl saıyn astanalyq jýrnalıster arasynda dástúrge aı­nal­ǵan týrnırge «Egemen Qazaq­stan», «Kazahstanskaıa pravda», «As­tana aq­shamy», «Nur Astana» gazetteri, «Habar», «Astana» tele­arnalary, «Nur Medıa» holdıngi, Qazaq ra­dıosy men osy kezge deıin Alma­tyda shy­ǵyp turǵan «Sport kz» gazetiniń komandasy qatysty. Komandalar olımpııalyq jú­ıe boıynsha ózara kezdesip, jeń­gen­de­ri jartylaı fınalǵa joldama al­dy. Sóıtip, ózara kúsh sy­nas­qan ujymdar ishinen pleı-offqa shy­ǵyp, odan súrinbeı ót­ken «Sport kz» pen «Astana» tele­arna­synyń komandalary fınalda bas júldeni sarapqa saldy. Týrnırdegi alǵash­qy oıynynda «Ka­zahstan­kaıa pravda», odan keıin «Astana aq­shamy» men «Nur As­tana» ko­man­dalaryn ut­qan bel­gili sport jazýshysy Nesip Jú­nis­baıuly basqaratyn «Sport kz» gazetiniń ujymy bas júl­deni jeńip aldy. Úshinshi oryn­dy «Habar» tele­arnasy ıelendi. – Bizdiń osy týrnırdegi jeńis­ke jetkenimiz komandanyń uıym­shyl­dyǵynyń, alańda túsinise bil­­gen­di­gi­niń jáne jeńiske degen jiger­liligi­niń arqasy dep bilemin, – dedi ko­man­danyń kapıtany, «Sport kz» gazeti bas redakto­ry­nyń orynbasary Tóleýbek Qa­dyr­molla. – Al basqa komandalar ishinen bizge «Egemen Qa­zaqstan» men «Habar» komanda­larynyń oıyn órnegi unady. Rasy kerek, olardyń da biz sııaqty fı­nalǵa jetýge múmkindigi bar edi. Bi­raq, oıynnyń aty – oıyn. Alda taǵy jarystar bolady. Qarymta qaı­ta­rýǵa múmkindik týady. Al Jýrnalıster odaǵy qala­lyq fılıalynyń basshysy Maǵ­jan Sadyhanulynyń aıtýyn­sha, birneshe jyldan beri ótkizilip kele jatqan týrnır aldaǵy kezde de jal­ǵasatyn bolady. О́ıtkeni, onyń maqsaty – jýrnalıster ara­synda jeńimpazdy anyqtaý emes, eń bas­tysy, BAQ ókil­deri­niń dosty­ǵyn nyǵaıtý, fýtbol sııaqty mıllıon­da­ǵan jankúıer­lerdiń súıikti oıy­nyn áriptes­teri­niń arasynda nasıhattaý. Sýretti túsirgen Orynbaı BALMURAT.