Notarıattyq qyzmet jetildiriletin boldy

Parlament Májilisiniń Tóraǵasy Oral Muhamedjanovtyń jetekshiligimen ótken palatanyń sársenbi kúngi jalpy oty­rysynda birqatar zań jobalary maquldandy. Áýeli «Qa­zaq­stan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» Zań jobasy birinshi oqylymda talqyǵa tústi, dep habarlady osy palatanyń baspasóz qyzmeti. Ádilet mınıstriniń oryn­ba­sa­ry Ámirhan Amanbaev baıandama jasap, Zańnama jáne sot-quqyq­tyq reforma komıtetiniń múshesi Zaǵıpa Balıeva qosymsha túsinik bergen osy zań jobasymen zııat­kerlik menshik quqyǵy másele­le­rin retteıtin qoldanystaǵy zań­na­malyq aktilerge ózgerister men tolyqtyrýlar engizý kózdelgen. Azamattyq kodekske engizilip otyrǵan ózgerister ártúrli taýar­lardy, jumystardy jáne qyz­met­terdi daralandyrý qural­da­ry­­nyń tirkeý basymdyǵyn zań­na­malyq deńgeıde retteýge baǵyt­talǵan. О́ıtkeni, qazirgi tańda bir-birine uqsas nemese aralasyp ketken birdeı taýar tańbalary men fırmalyq ataýlardy tirkeý barysynda máseleler týyndaı­dy. Budan basqa, jobaǵa sáıkes kez kelgen tulǵa ýákiletti organǵa taýar tańbalarynyń paıdala­ny­l­­maýyna baılanysty ony jaram­syz dep taný týraly qarsylyq berýge quqyly bolyp tabylatyn taýar tańbalaryn paıdalanbaý máseleleri boıynsha zańnamalyq aktilerdiń normalaryn birdeı qoldaný kózdelip otyr. Qazaqstan Respýblıkasynyń Bú­­kilálemdik saýda uıymyna (BSU) kirýi sharttarynyń biri ulttyq zań­namanyń normalaryn Uıym sheń­be­rinde jasalǵan          Zııatkerlik menshiktiń saýda aspektileri boıynsha (TRIPS) kelisim­niń talap­tary­na sáıkes keltirý bolyp tabylady. Osyǵan baılanysty «Taýar tań­balary, qyzmet kórsetý tań­ba­lary jáne taýar shyǵarylǵan jerlerdiń ataý­lary týraly» Zań­ǵa engizilip otyrǵan ózgerister men tolyqtyrýlar taýar tań­ba­la­ry men geografııalyq kórset­kish­­terdi tirkeý basymdyǵyn retteıtin normalardy jetildirýge jáne zańna­ma­ny halyqaralyq quqyq normalarymen úılestirýge ba­ǵyt­talǵan. Zań jobasy birinshi oqylymda maquldandy. Kelesi kezekte Ujymdyq qaýip­sizdik týraly shartqa qaty­sýshy memleketter arasyndaǵy hattamany bekitýdi kózdeıtin eki zań jobasy qara­lyp, tolyqtaı maquldandy. Zań jo­ba­larynyń maqsaty týraly Qorǵa­nys mı­nıs­triniń orynbasary Áset Qur­manǵalıev baıandama jasady. Ha­lyqaralyq ister, qorǵanys jáne qaýipsizdik komıtetiniń múshesi Erjan Isaqulov qosymsha túsi­nik berdi. Sondaı-aq «Notarıat týraly» Zańǵa ózgerister men tolyqtyrý­lar engizýdi qarastyratyn zań jo­basy talqylandy. Bul zań jo­basy no­ta­rıattyq qyzmetti memlekettik retteýdi jetildirý jáne sybaılas jem­qor­lyqqa jaǵdaı jasaıtyn bir­qatar normalardy alyp tastaý maqsatynda ázirlen­gen. Osyny eskergen depýtattar birqatar talqy­laýdan soń zań jobasyn maquldaý kerek dep sheshti. Sondaı-aq «Qazaqstan Res­pýb­lıka­synyń keıbir zańnama­lyq aktilerine ekologııalyq má­se­leler boı­yn­sha ózgerister men tolyqtyrýlar engizý týraly» zań jobasy ekinshi oqylymda talqy­ǵa shyǵaryldy. Má­jilistiń Eko­lo­gııa máseleleri jáne tabıǵat paıdalaný komıtetiniń múshesi, jumys tobynyń jetekshisi Vladımır Nehoroshev baıandama jasap, zań jo­basy týraly jan-jaq­ty maǵlumat berdi. Zań joba­sy­nyń birinshi oqylymda qabyl­dan­ǵan birqatar normalarynyń re­daksııasy naq­ty­lanyp, jetildirilgen. Zań jobasy ekinshi oqylymda maquldandy.