Negizgi qaǵıdatqa keliser degen úmit bar

AQSh Prezıdenti Barak Obama Qazan qalasynda bolatyn kezdesý aldynda Ázerbaıjan prezıdenti I.Alıev jáne Armenııa prezıdenti S.Sargsıanmen telefon arqyly sóılesip, olardy Taýly Qarabaq problemasyna baılanysty ózara  kıkiljińdi beıbit jolmen retteýge shaqyrdy. Qazan qalasynda eki eldiń basshylary Reseı Federa­sııasynyń Prezıdenti D.Medvedevtiń qatysýymen kezdesý ótkizedi. EQYU-nyń Taýly Qarabaq problemasyn retteýge baılanysty qurylǵan Mınsk tobyna múshe – AQSh, Reseı jáne Fransııa elderiniń basshylary bul kezdesýden úlken úmit kútýde. Olar osy kezdesýde kıkiljińge qatysýshy elderdiń basshylary problemany retteýdiń negizgi qaǵı­dattary týraly qujatqa qol qoıar degen úmitte. QYTAI INFLIаSIIаNY QURYQTAI BASTADY Sońǵy kezde Qytaıdaǵy ınflıasııa quryqtaýǵa kónbeı bara jatyr, degen habar shyǵa bastaǵan edi. Osyǵan baılanysty QHR Premer-mınıstri Ven Szıabao birinshi kezektegi qajetti taýarlar baǵasynyń ósimin toqtatýǵa qol jetkizildi dep jarııalady. «Bizdiń qolǵa alǵan áreketimiz óziniń jemisin bere bastady.  Jyldyń aıaǵyna deıin ınflıasııa quryqtalatyn bo­lady, dedi ol. Budan buryn Qytaıda ınflıasııa deńgeıi sońǵy 34 aıda bolmaǵan kólemge jetkenin, sonyń ishinde azyq-túlik taýarlarynyń baǵasy 11,7 paıyzǵa qymbat­ta­ǵany aıtylǵan edi. KADDAFIDI QÝDALAÝDYŃ JAŃA TÚRI Lıvııanyń burynǵy syrtqy ister mınıstri, BUU-daǵy turaqty ókili Muhammed Shalgam Mýammar Kaddafıdi kóp bolsa eki-úsh aptadan keıin elden qashyp shyǵatyn shyǵar dep málimdegen. Burynǵy mınıstr onyń Belorýssııadan saıası baspana suraýy múmkin ekenin de aıtqan. Oppozısııa jaǵyna shyqqan adam ne demeıdi desek te, Trıpolıge jasalyp otyrǵan sońǵy kezdegi qysymdarǵa qaraǵanda, bul sózdiń jany bar sııaqty. Qazir onda oppozısııalyq kúshter jasyryn áreketter jasaýǵa kóshipti. Al AQSh Senaty B.Obama ákimshiligine Lıvııadaǵy soǵys áreketterin bir jylǵa deıin sozýǵa kelisimin berdi. BES MYŃ JYL BURYNǴY QAZYNA Jýyrda Egıpet pen Japonııa ar­heo­logtary Heops pıramı­dasy­nyń túbindegi 4,5 myń jyl boıy saq­tal­ǵan sarkofagty ashý úshin alǵashqy plıta­syn aldy. Úsh buryshty eki sarkofag ákten jasal­ǵan osyndaı 40 plıtamen jabylǵan eken. Olar alǵash ret 1955 jyly tabylǵan. Sol kezde zert­teý­shiler onyń bireýin ashyp, ishinen lıvan samyrsynynan jasalǵan ladıany tapqan eken. Onyń 1224 bólshegin qurastyrýǵa 10 jyl ýaqyt ketken. Ekinshi sarkofagta da ladıa jatqany radar arqyly anyqtalǵan.  Alynǵan al­ǵashqy plıtadan keıin-aq onyń sheti kórinip jatqan. Al­ǵash­qy ladıanyń bıiktigi – 43, eni – 6 metr bolǵan, mynaý da sodan kem emes kórinedi. TÚRKIIаDA TAǴY DA ORYS TÝRISTERI ZARDAP ShEKTI Túrkııada taǵy bir avtobýs apaty bolyp, 24 adam zardap shekti. Antalıa kýrortty provınsııasynda bol­ǵan bul apat ta orys týrısterimen baılanysty bo­lyp otyr. Basqa avtobýsqa soǵylysqan mıkroav­tobýs­tyń jolaýshylary reseılik týrıster bolǵan kórinedi. Zardap shekkenderdiń bári jaqyn mańdaǵy aýrýha­na­larǵa jetkizilgen. Reseı Federasııasynyń Antalıadaǵy bas konsýldyǵy zardap shekkenderdiń jaıyn anyqtap, kó­mek­ter jasap jáne olardyń elindegi týystarymen baıla­nysý jumystaryn júrgizip jatyr. AQSh QARÝYN IRANǴA SATQANDAR AQSh Fransııanyń Aerotechnic kom­­panııasyn, onyń prezıdenti men kommersııalyq dırektoryn Iranǵa ame­­­rıkalyq qarý-jaraqty satqany úshin aıyptap ot­yr. Bul kásiporyn AQSh-tyń áskerı tik­ushaqtary men ıstrebıtelderine arnalǵan jaraq­tar­­­­dy satyp alyp, ony zańsyz jolmen Iranǵa ót­kiz­gen dep aıyptalýda. Bul is boıynsha AQSh, Fransııa, Birikken Arab Ámir­lik­teri jáne Iranda ornalasqan barlyǵy 5 kásiporyn aıyp­ta­lyp otyr. AQSh-tyń Djordjııa shtatynyń soty osy kásip­or­yndardyń basshy qyzmetterindegi 7 adam  birlesip, AQSh-tyń múddesine qarsy qylmys jasaǵan dep aıyptaýda. Biraq olar­dyń ekeýi qazir AQSh aýmaǵynan tys jerde júrgen kórinedi. QYSQA QAIYRYP AITQANDA: Ýkraınanyń burynǵy premer-mınıstri Iý.Tımoshenkony Kıevtiń Pechorskıı aýdandyq soty Reseımen aradaǵy gaz kelisimine baılanysty jaýapqa shaqyrdy. Sotqa kelgen Tımo­shen­kony jaqtastary da, qarsylastary da qarsy alyp, eki toptyń arasynda kıkiljiń bolǵan. Venesýelada sottalǵandar bir túrmeni basyp alyp, polısııa shabýyl jasasa da, tótep berip otyr. Keshe ǵana olar polısııa shabýylynan qaza bolǵan tórt sottalýshynyń máıitin dalaǵa shyǵaryp, polısııanyń qolyna berdi. Al ózderi áli beriler emes. Belorýssııada prezıdent A.Lýkashenkonyń ar-namysyna til tıgizgen A.Pochobýt degen jýrnalıstke sot prosesi júrip jatyr. Keshe prokýror ony úsh jylǵa bas bostandyǵynan aıy­rýdy surady. A.Pochobýt Belarýs azamaty bolǵanymen, Polsha gazetiniń qyzmetkeri bolyp isteıdi eken. AQSh-tyń Alıaska shtatynan 102 shaqyrym jerde mag­nıtýdasy 7,4 ball bolatyn jer silkinisi boldy. Onyń epısentri jer qoınaýynyń 40 shaqyrymynda ekeni anyqtalǵan. AQSh-tyń geologııalyq qyzmetteri sýnamı bolý qaýpi bar ekenin joqqa shyǵarmaıdy. Internet materıaldary negizinde ázirlendi.