Elshilik esigin ashty

Keshe Syrtqy ister mınıstri Erjan Qazyhanov Qa­zaq­stanǵa resmı saparmen kelgen Serbııa Respýb­lı­ka­sy­nyń Memlekettik hatshysy Ivan Mrkıchpen kezdesti. Kezdesý barysynda taraptar eki eldiń arasyndaǵy ekono­mı­kalyq yn­ty­maqtastyqtar, má­denı-gýma­nı­­tar­lyq baıla­nys­­tardy damytý másele­le­riniń ózekti máseleleri boı­ynsha pikir almasty. Sonymen birge úkimetaralyq komıssııa­nyń oty­rysynda qaralýǵa tıisti máse­lelerdi talqylady. Onyń negizgi baǵyttaryn 2010 jyldyń qazan aıynda Qazaq­stan Prezıdenti Nur­sultan Nazarbaev pen Serbııa Prezıdenti Borıs Tadıch sońǵynyń As­ta­naǵa resmı saparmen kelgen jo­lyndaǵy ekijaqty kezdesýde anyq­taǵan edi. Sol saparynda Elbasy N.Nazarbaev pen B.Tadıch Astanada Serbııa Res­pýblıkasynyń elshiligin ashý týraly kelisimge de qol jetkizgen bolatyn. Keshe, Syrtqy ister mınıstri E.Qa­zyhanovpen bolǵan kezdesýden shyqqan soń Ser­bııanyń Memlekettik hatshysy Ivan Mrkıch sol tap­syrmany oryn­daýǵa kelgenin de málim etti. Elshilik Serbııa men Qa­zaq­stan arasyndaǵy berik baıla­nysqa dáneker bolar degen senimdemiz, dedi ol jýrnalısterge. Keshe keshkilik osy Elshi­liktiń saltanatty ashylý rásimi boldy. Ol elordadaǵy qymbat qonaqúılerdiń biri «Redıs­son­da» esigin ashty. Jaqsybaı SAMRAT.