Analardy ardaqtaıyq

Meniń qolyma qalam alýyma Ońtústik Qazaqstan oblystyq máslıhatynyń depýtaty Qudaıbergen Erjannyń ótinish-haty sebep bolyp otyr. Hatta ótinish ıesi Elbasymyz N.Á.Nazarbaevtyń asa zor maq­sat­kerlikpen júrgizip kele jat­qan belsendi áleýmettik saıasa­ty­nyń arqasynda analardyń qoǵam­daǵy ahýalynyń jaqsara túske­nin, sonyń aıǵaǵy retinde «Qa­zaqstan Respýblıkasynyń memlekettik nagradalary týraly» Za­ńyna ózgerister engizilip, alty jáne jeti bala týyp, ósirgen ana­larǵa 2010 jyldyń 1 qańtarynan bastap tıisinshe «Kúmis alqa» jáne «Altyn alqa» alqalary berilip jatqanyn, bul sharanyń elimizdegi demografııalyq ahýal­dy jaqsarta túsetinin aıta kele, kóp balaly analarymyzdy osy nagradalarǵa usyný barysynda týyndap otyrǵan keıbir kemshi­lik­terdiń bar ekendigine de nazar aýdarady. Atap aıtqanda, «Qazaqstan Respýblıkasynyń memlekettik nagradalary týraly» Zańyna sáıkes, «Altyn alqa» alqasy­men nagradtaý osy ananyń jetinshi balasy bir jasqa jetken jáne basqa balalary tiri bolǵan rette, «Kúmis alqa» alqasymen alty bala týǵan jáne tárbıelep ósirgen analar altynshy balasy bir jas­qa jetken jáne basqa balalary tiri bolǵan rette nagradtalady dep kórsetilgen. Al, osy ýaqytqa deıin alty ne­mese jeti bala týyp, ósirgen­men, sol balalardyń bireýi nemese ekeýi bir jasqa jáne odan úl­ken jasqa tolǵannan keıin, tipti ózderi otaý quryp, bala-shaǵa­la­ly bolǵannan keıin qaıtys bol­ǵan otbasyndaǵy analar atalǵan nagradalarmen marapattalý qu­qy­ǵynan aıyrylyp otyr. Osyn­daı analardyń sany Ońtústik Qazaqstan oblysy, Shardara aýda­nynyń ózinde 200-den astam ekenin eskersek, atalǵan jaǵdaı eli­mizdiń kez kelgen óńirlerinde qa­lyptasyp otyr deýge bolady. Ana úshin bala týyp, tárbıe­leý qanshalyqty qıyn ári jaýap­ty is bolsa, kóp balaly ana ataný úlken baqyt, al taǵdyr taýqymeti sol balalarynyń bireýinen nemese ekeýinen aıyrsa, bul ana úshin oryn tolmas aýyrtpashylyq áke­le­tini anyq. Al, alty nemese jeti bala týǵan ana sol balalarynyń bireýinen nemese ekeýinen aıy­rylyp qalsa da, analyq bory­shyn barynsha atqarǵanyn eskersek, ol ananyń júrek jarasyn sál de bolsa jeńildeter edi. Joǵaryda aıtylǵandardyń ne­gizinde el Úkimeti Otany­myz­daǵy demografııalyq jaǵdaıdy jaqsartý jáne kóp balaly ana­lardy áleýmettik qoldaý maqsa­tyn­da atalǵan sanattaǵy analar­dyń qaıtys bolǵan balalaryn qosqanda alty nemese jeti bala týyp, ósirgenin rastaıtyn qujat­tary bolsa, olarǵa da basqa analarmen qatar kóp balaly ana mártebesin berip, «Kúmis alqa» jáne «Altyn alqa» alqalarymen marapattaýdy kózdeıtin tıisti ózgeristerdi «Qazaqstan Res­pýb­lıkasynyń memlekettik nagra­da­lary týraly» Zańyna engizýge yqpal etse, saýapty is atqarǵany bolar edi. Qýanysh AITAHANOV, Senat depýtaty.