Túnde atylǵan oq depýtattyń ómirin jalmady

Oblys aýmaǵynda úlgili aýyl sanalatyn Novoselskoe turǵyndary qatygez qaraqshy­lyq shabýyldyń kýási boldy. Túnde atylǵan oq Aqmola oblystyq máslıhatynyń depýtaty, jergilikti «Klımenko 1» JShS dırektory Aleksandr Klımenkonyń ómirin qıyp ketti. Atbasar aýdanynyń prokýrory Qaıyrbek Omarovtan tergeý amaldarynyń alǵashqy nátı­jeleri týraly tómendegideı derek aldyq: «Alek­­sandr Davydovıch aýdan ortalyǵynan zaıyby Tatıana Anatolevnamen birge úıine tún­gi on ekiler shamasynda oralǵan, – deıdi ol. Áıelin esik al­dynda túsirgen dırektor qalyp­tasqan ádetimen aýyldy aralap shyǵýǵa ketedi. Osy kezde jan­túrshigerlik oqıǵa oryn alǵan. Erli-zaıyptylar kottedjderin úptep júrgen urylardy úrkitip jiberse kerek. Betperdeli eki qaraqshy tabaldy­ryqtan attaǵan áıeldi uryp-soǵyp, baılap tastaıdy. Qyl­mys­kerler kózge túsip turǵan altyn bu­ıymdaryna tıispegenine qaraǵanda, tek qana aqsha izdegeni baıqalady. Esesine onyń myl­ty­ǵyn tabady. Qylmyskerler úıine alańsyz kirgen otaǵasyn keýdeden atyp óltirgen. Áıeli­niń aıtýynsha, odan keıin, eshteńe bo­l­maǵandaı, taǵy da aqsha izdeýin jalǵastyrǵan. Sóıtip úı ıeleriniń «Mazda» kóligimen izin jasyrǵan. Keıin anyqtal­ǵanyn­daı, urylar JShS keńsesine de túskeni belgili boldy. – Oblystyq máslıhattyń depýtattyǵyna eki ret saı­lan­ǵan abyroıly azamat jýyrda maǵan kelip, 3 shilde kúni atap ótiletin 60 jyldyq toıyna shaqyrý qaǵazyn tapsyrǵan edi. Al, búgin, sársenbi kúni ony jerlep otyrmyz, – deıdi Atbasar aýda­nynyń ákimi Rýslan Áýbákirov. Eńbek jolyn óz aýylynda qurylys ýchaskesiniń jumysshysy bolyp bastaǵan ol osy eldi uıystyryp turǵan aby­roıly basshy dáre­jesine kóterildi. О́ndiristi nóldik sıklmen qaıta jańǵyrtty. Aýyl klýbyn, sport keshenin, balalar baqshasyn salyp, atqarýshy organnyń balansyna ótkizdi. Boks mektebi jumys istep tur. Belsendi ómir saltyn ustan­ǵan Aleksandr Davydovıchtiń qaıǵyly qazasy barshamyzǵa batady. Qazir qandy oqıǵaǵa qatysty QR QK 96- babynyń 2-bólimimen qylmystyq is qozǵalyp, arnaıy tergeý toby jumys isteýde. Baqbergen AMALBEK, Aqmola oblysy.