Bilim kókjıegindegi ózara yqpaldastyqtar

Jýyrda Reseı Federasııasynyń astanasy Máskeý qala­syn­da halyqaralyq ǵylymı-tehnıkalyq ortalyqtyń Baǵdar­laý­shylar keńesiniń 53-shi májilisi bolyp ótti. Atalmysh sharaǵa elimizdiń atynan Qazaqstan Respýblıkasy Bilim jáne ǵylym mınıstri Baqytjan Jumaǵulov qatysty. Jıyn ba­rysynda mınıstr álemdik ǵylymı-tehnıkalyq úderister­diń jetistikteri jaıly sóz qozǵap, TMD elderi arasyndaǵy atal­mysh ba­ǵyttyń qarqynymen oı bólisti. Májiliste HǴTO jobalarynyń iske asyrylý nátıjeleri tal­qylandy. Sondaı-aq, kóp qyrly ǵylymı-tehnıkalyq uıymdy qurý qajettiligi týraly da sóz boldy. Eń bastysy, 2011 jylǵy turaqty damýdy josparlaý máseleleri qarastyryldy. Qazaqstan Respýblıkasy Bilim jáne ǵylym mınıstri Baqytjan Jumaǵulov О́ńdeý jáne jańa tehnologııalardy kommersııalandyrý ortalyǵyn damytý qoryn aralap shyqty. Onda «Skolkov» qorynyń obektilerinde bolyp, qazaqstandyq jáne reseılik ǵalymdardyń ǵylymı jetistikterine baılanysty oı-pikirlermen tanysty. Sondaı-aq, ol RF Bilim jáne ǵylym mınıstri A. Fýrsenkomen kezdesip, bilim, ǵylym jáne ınnovasııa salasyndaǵy eki jaqty yntymaqtastyq máselelerin talqylady. «Egemen-aqparat».