Qazaqstan Respýblıkasy Úkimetiniń qaýlysy №513

2011 jylǵy 13 mamyr    Astana, Úkimet Úıi Qazaqstan Respýblıkasy Úkimetiniń 2007 jylǵy 28 maýsymdaǵy №544 qaýlysyna tolyqtyrýlar men ózgerister engizý týraly Qazaqstan Respýblıkasynyń «Lısenzııalaý týraly» 2007 jylǵy 11 qańtardaǵy jáne «Avtomobıl kóligi týraly» 2003 jylǵy 4 shildedegi zańdaryna sáıkes Qazaqstan Respýblıkasynyń Úkimeti qaýly etedi: 1. «Jolaýshylar tasymaldaý jónindegi qyzmetti lısenzııalaý erejesin jáne oǵan qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2007 jylǵy 28 maýsymdaǵy № 544 qaýlysyna mynadaı tolyqtyrýlar men ózgerister engizilsin: 1) kórsetilgen qaýlymen bekitilgen Jolaýshylar tasymaldaý jónindegi qyzmetti lısenzııalaý erejesinde: 1-tarmaq «17 qańtardaǵy» degen sózderden keıin «jáne «Avtomobıl kóligi týraly» 2003 jylǵy 4 shildedegi» degen sózdermen tolyqtyrylsyn; 2-tarmaqtaǵy «temir jol, teńiz, ózen kóligimen» degen sózder alynyp tastalsyn; 3-tarmaqtyń birinshi abzasy «kóligimen» degen sózden keıin «qalaaralyq, oblysaralyq, aýdanaralyq (qalaaralyq, oblysishilik) jáne halyqaralyq qatynastarda avtobýstarmen, mıkroavtobýstarmen» degen sózdermen tolyqtyrylsyn; 5-tarmaq mynadaı mazmundaǵy 4) tarmaqshamen tolyqtyrylsyn: «4) jolaýshylardy qalaaralyq, oblysaralyq, aýdanaralyq (qalaaralyq, oblysishilik) jáne halyqaralyq qatynastarda avtobýstarmen, mıkroavtobýstarmen tasymaldaý.»; 9-tarmaqta: «barlyq qajetti qujattarmen qosa» degen sózder «osy Erejeniń 7 jáne 8-tarmaqtarynda kórsetilgen qujattardy qosa» degen sózdermen aýystyrylsyn; mynadaı mazmúndaǵy ekinshi bólikpen tolyqtyrylsyn: «Lısenzııany jáne (nemese) lısenzııaǵa qosymshany berý týraly sheshimdi qabyldaý merzimi lısenzıardyń qoldanystaǵy zańnama men normatıvterde belgilengen sanıtarlyq qaǵıdalarǵa sáıkes jolaýshylardy tasymaldaýǵa avtobýstar men mıkroavtobýstardyń sáıkestigi týraly kýálandyratyn memlekettik sanıtarlyq-epıdemıologııalyq qadaǵalaý organynyń sanıtarlyq-epıdemıologııalyq qorytyndysyn alýyn qamtıdy.»; 14-tarmaqtaǵy ekinshi sóılem alynyp tastalsyn; 2) kórsetilgen qaýlymen bekitilgen jolaýshylar tasymaldaý jónindegi qyzmetke qoıylatyn biliktilik talaptary: mynadaı mazmundaǵy bólimmen tolyqtyrylsyn: «qalaaralyq, oblysaralyq, aýdanaralyq (qalaaralyq, oblysishilik) jáne halyqaralyq qatynastarda avtobýstarmen, mıkroavtobýstarmen: 1) Qazaqstan Respýblıkasynyń Úkimeti bekitken «Avtokólik quraldarynyń qaýipsizdigine qoıylǵan talaptar» tehnıkalyq reglamenti men «Jolaýshylar tasymaldary boıynsha avtokólik qyzmetteri. Jalpy tehnıkalyq sharttar» 1040-2001 QR ST talaptaryna sáıkes keletin jeke menshik quqyǵyna jatatyn, jalǵa berý sharty negizinde nemese ózge de zańdy negizderde avtobýstar men mıkroavtobýstardyń; 2) avtobýstar men mıkroavtobýstarda tahograftardyń jene olardy Salystyryp tekserý týraly tıisti sertıfıkattyń; 3) avtobýstar men mıkroavtobýstar ıeleriniń azamattyq-quqyqtyq jaýapkershiligin mindetti saqtandyrý shartynyń jáne tasymaldaýshynyń jolaýshylar aldyndaǵy azamattyq-quqyqtyq jaýapkershiligin mindetti saqtandyrý sharttarynyń, sondaı-aq tasymaldaýǵa usynylatyn barlyq jyljymaly quramǵa memlekettik tehnıkalyq baıqaýdan ótkizý týraly qoldanystaǵy kýálikterdiń; 4) jeke tulǵa úshin — tıisti sanattaǵy júrgizýshi kýáliginiń ne zańdy túlǵa úshin - tıisti sanattaǵy júrgizýshi kýáligi bar júrgizýshiler quramynyń; 5) jeke menshik quqyǵynda nemese ózge de zańdy negizderde tasymaldaýshyǵa tıesili jóndeý-óndiristik bazasynyń ne uıymmen (-darmen) jasasqan qyzmetter kórsetý týraly sharttyń; 6) avtobýstar men mıkroavtobýstarǵa reıs aldyndaǵy tehnıkalyq baıqaý jáne júrgizýshilerge reıs aldyndaǵy (aýysym aldyndaǵy) medısınalyq baıqaý júrgizý úshin qyzmetter men bilikti personaldyń ne osyndaı qyzmetti júzege asyratyn tıisti uıymdarmen sharttardyń; 7) tasymaldardy júzege asyrý qaýipsizdigi úshin jaýapty tulǵany belgileı otyryp, buıryq kóshirmeleriniń bolýyn qamtıdy.». 2. Osy qaýly alǵashqy resmı jarııalanǵan kúninen bastap kúntizbelik jıyrma bir kún ótken soń qoldanysqa engiziledi. Qazaqstan Respýblıkasynyń  Premer-Mınıstri    K.MÁSIMOV.