Igilikti jobalar

On besinshi Peterbýrg ha­lyq­aralyq ekonomıkalyq fo­rý­my aıasynda Qazaqstan elshisi Zaýytbek Turysbekov  reseılik jáne sheteldik birqatar kom­pa­nııalardyń basshylarymen kezdesti. Mysaly, ataqty «Mechel» ashyq aksıonerlik qoǵamy dırektorlar keńesiniń tór­aǵa­sy I.V.Zıýzınmen jáne kom­pa­nııa­nyń  memlekettik organdarmen is-qımyl jónindegi birinshi vıse-prezıdenti V.Trıgýbkomen áńgimelesken kezde   ózara yn­ty­maqtastyqtyń  jáne Qazaq­stan aýmaǵynda birlesken pers­pektıvaly  jobalardy iske asy­rýdyń máseleleri tal­qylandy. Elshiliktiń «Nur Otan» jáne «Edı­naıa Rossııa» partııalary­nyń qoldaýymen qolǵa alǵan Rjev-Vıazma shaıqasynyń mu­ra­jaıyn qurý jolyndaǵy qyz­meti týraly baıandap, «Mechel» basshylyǵyn osynaý ıgilikti jobaǵa qatysýǵa shaqyrdy. Al Memlekettik Ermıtaj basshylyǵymen kezdesý kezinde birlesken ǵylymı ekspedısııa­lar men zertteýler,  kórmeler, murajaı qyzmetkerleriniń biliktiligin arttyrý kýrstaryn  uıymdastyrý, arnaýly áde­bıet­termen almasý sala­syn­daǵy yntymaqtastyqtyń jaıy áńgime boldy. Suhbattasý ba­rysynda Túrkistan qalasynda­ǵy «Áziret Sultan»  tarıhı-mádenı murajaıynyń bazasyn­da Memlekettik Ermıtaj qo­ryn­daǵy eksponattardy ekspo­zısııalaý  jóninde ýaǵdalas­tyq­qa qol jetti. Eger sátin salyp, osy ýá­de­les­tik oıdaǵydaı  júzege asyp jatsa, onda kezinde Qoja Ahmet Iаsaýı kesenesi úshin ar­naıy tapsyryspen HIV ǵa­syr­da altyn men kúmis qosyp ja­salǵan áıgili shyraqsham – shy­raǵdan jurtshy­lyq­tyń naza­ry­na usynylyp, bu­rynǵy qut­ty mekeninde qaıta tóbe kór­setip qalýy ábden   múm­kin.  So­nymen birge, kezdesýde Or­ta­lyq Azııadaǵy kóshpeli ha­lyq­­tardyń ortaǵasyrlyq máde­nıetimen baılanysty basqa da eksponattardy kóbirek kórsetý  jaıyna  nazar aýdaryldy. Elshiniń Sankt-Peterbýrgke sapary ádettegideı  osy qalada turatyn otandastarmen kezdesýge ulasty. Elshi jınal­ǵan­dardy Qazaqstan Prezıdenti – Elbasy N.Á.Nazarbaevtyń  bı­yl­ǵy halyqqa Joldaýynyń negizge erejelerimen tanysty­ryp,  elimizdiń ekonomıkalyq-áleýmettik jáne ındýs­trııa­lyq-ınnovasııalyq damý jetistikterimen  tanystyrdy. Serikqalı BAIMENShE, «Egemen Qazaqstan» – Máskeýden.