Bas qalalar baýyrlastyǵy

24-27 maýsym kúnderi Astanada Ankaranyń má­de­nıet kúnderi ótti. Túr­kııa parlamentiniń ókil­de­ri, ártister men  mý­zy­kant­tar, shyǵarmashylyq ujymdardan quralǵan Túr­kııa delegasııasyn el­ordaǵa Ankara qala­sy­nyń meri Melıh Gokchek bas­tap keldi. Ankaranyń Mádenıet kún­deri barysynda 25 maý­sym kúni elorda ákimdiginde Astana qalasynyń ákimi Imanǵalı Tasmaǵambetov An­ka­ra qa­la­synyń meri Melıh Gokchekti qabyldady. Kezdesý ba­ry­syn­da eki memleket astana­la­ry arasyndaǵy ekij­aqty yn­tymaqtastyq baǵyttary tal­qylandy. Búginde Astana men Ankara arasyndaǵy ekijaqty qarym-qatynastyń negizin saý­da-ekonomıkalyq ynty­maq­tas­tyq, bilim berý, medısına, sáýlet óneri, ındýstrııa salasyndaǵy ózara araqatynas qurap otyr. Sonymen qatar taraptar yntymaqtastyq baǵytta­ryn odan ári keńeıtýge, tikeleı baıla­nys­tardyń kóbeıýine jáne ekonomıkanyń perspektıvti salalaryna ınvestısııa tar­­týǵa múddeli. Biraq kez kelgen iskerlik áriptestik rýhanı jáne mádenı qundy­lyqtardyń ortaqtyǵyna súıengen adamgershilik baılanystarǵa negizdeletini aqı­qat. Astanaǵa túrik delegasııasyn bastap kelgen Ankara qalasynyń meri Melıh Gokchek ekijaqty yntymaqtastyqty atap ótip, sońǵy 10 jylda jetken jetistikterge toqtaldy. «Biz Qazaqstandy ózimizdiń baıyrǵy Otanymyz, Astanany ózimizdiń baıyrǵy qalamyz, Elordamyz dep bilemiz. Qazaq halqyn tek dosymyz ǵana emes, baýyrymyz dep bilemiz. Ár kelgen saıyn kóp ózgeristerdi baıqap júrmin. Bul ózgeristerge qyzyǵa da qyzǵana qaraımyn. Záýlim ǵımarattar men jasyl jelek qalanyń shyraıyn kirgizip, naǵyz álemdik deńgeıdegi qalaǵa teńdestirip otyr», dedi ol. О́z kezeginde Astana qa­lasynyń ákimi Imanǵalı Tasmaǵambetov sońǵy 10 jyl ishinde Astanada túrik aǵaıyndarymyzdyń isker kompanııalary 50-den astam iri ǵımarattar salǵanyn atap ótti. Onyń aıtýynsha, bas qalanyń ishki ónimin eki úlken sektor, qurylys jáne shaǵyn bıznes quraıdy. Al qury­lys salasyndaǵy jetistikterde Túrkııa kompanııalarynyń úlesi zor. «Kóptegen úlken jobalardy, atap aıtqanda, elek­tr­qýat,  jylý jáne kólik salalary baǵy­tyn­daǵy jobalardy iske asyrý jolyn­damyz. Sondyqtan aldymyzda ortaq ister kóp, menińshe túrik kompanııalary min­detti túrde osyny iske asyrýda óz úles­terin qosady. Bıylǵy jyl bizdiń jas memleketimiz úshin erekshe jyl. О́ıtkeni táýelsizdigimizge jıyrma jyl. Osy 20 jyldyǵymyzdy qurmettep, Táýel­sizdigimizdi qurmettep arnaıy osyn­daı shara uıymdastyryp otyrǵa­ny­ńyz úshin sizge dán rızashylyǵymdy bildirgim keledi», dedi Imanǵalı Nurǵa­lı­uly. «Bizdiń qarym-qatynas tek ekono­mıka salasynda bolmaýy tıis. Sonymen qatar, mádenı qarym-qatynasymyz joǵa­ry bolý kerek. Sebebi, biz bir elmiz, tilimiz, dinimiz, dilimiz bir», dep ataı kele, I.Tasmaǵambetov Astanadaǵy Ankaranyń mádenıet kúnderi eki el halqy ara­syndaǵy gýmanıtarlyq yntymaqtas­tyq­ty damytýǵa úlken úles qosatynyna senimdi ekenin alǵa tartty. «Túrkııanyń Qazaqstanǵa, ásirese, Nursultan Nazar­baev­qa degen erekshe súıispenshilikteri bar. Túrkııada Nursultan Nazarbaevqa qa­la­nyń ortalyǵynda eskertkish ornat­tyq. Bul osy eki el arasyndaǵy jaqsy qarym-qatynasty kórsetedi. Sonymen qatar, N.Nazarbaev myrzanyń eki medalin taǵý qurmetine ıe boldym. Sondyqtan osylardyń barlyǵy bizdiń qarym-qaty­nasymyz qandaı deńgeıde ekenin kór­setip tur dep oılaımyn», – dedi Ankara meri Astana ákimdiginde ótken kezdesý barysynda. Ankaranyń Astanadaǵy mádenı kún­de­riniń resmı ashylýy «Qazaqstan» or­ta­lyq konsert zalynda jalǵasty. Oǵan Túrkııanyń óner sheberleri, shyǵar­ma­shy­lyq ujymdary men belgili túrik án­shisi, tenor daýysty Ferhad Gýcher qa­tysty. Dili men dinin joǵaltpaǵan túrik baýyrlarymyzdyń óneri kópshilikti súı­sintti. Aldymen halyqaralyq deńgeıde tanymal «Fonged» bı ansambli toby  túrik tarıhyn bı qoıylymymen beınelep berse, Ferhad Gýcher myrza qazaq ánderin shyrqady. «Juldyzym» men ha­lyq áni «Qamajaı», Elbasynyń «Úsh qo­ńyry» túrik baýyrlarymyzdyń óńdeýin­de óte áserli shyqty. Bul kúni «Han shatyr» saýda-oıyn-saýyq ortalyǵynda da Ankara ártisteri ónerlerin pash etti. Al jeksenbi kúni Astana qalasynyń ákimi Imanǵalı Tasmaǵambetov pen Ankara meri Melıh Gokchek «Atatúrik» eskertkishine gúl shoǵyn qoıdy. Sondaı-aq delegasııa ókilderi «Yunus Emre Foundation» túrik mádenı ortalyǵynda aǵash otyrǵyzdy. Kez kelgen eldi el etetin onyń dini men dili, mádenıeti, salt-dástúri, ádet-ǵurpy. Qoldarynan taspıǵyn tastamaı erkin kósile bılegen túrik baýyr­lary­myz dili men tilinen ajyramaǵandyǵyna osy merekelik konsertinde kýá boldyq. Túrik baýyrlar elimizdiń táýelsizdigine arnalǵan keshke qatty daıyndalyp kelgenge uqsaıdy. Osylaısha, Astanada ótken Ankara mádenıet kúnderi baýyr­las­tyqty, tarıhı tamyr birligin, qala­lar dostyǵyn taǵy bir márte pash etti. Venera TÚGELBAI.