Jýrnalısterge arnalǵan Prezıdent marapattary

Keshe Aqordada Memlekettik hatshy Qanat Saýdabaev Qazaqstan Res­pýblıkasy Prezıdentiniń BAQ salasyndaǵy syılyqtary men grant­taryn tapsyrdy. Marapattaý rásimin jýrnalısterdi tól merekelerimen qut­tyq­taýdan bas­taǵan Memlekettik hatshy odan ári El­basy Nur­sul­tan Nazarbaevtyń basshy­ly­ǵy­men Qazaqstan táýelsizdik alǵan 20 jylda ǵasyrlarǵa bergisiz úl­ken je­ńisterge jetkenin atap ótti. Tatýlyq pen turaqtylyq­tyń tal besigine aına­lyp, tórt­kúl dúnıe túgel moıyndaǵan elimiz bedeldi halyqaralyq uıym­darǵa tóraǵalyq etýge de qol jetkizdi. Esil­diń boıyna ásem astana salyp, ony ǵalamdyq aýqym­daǵy sheshimder qabyl­da­na­tyn mańyzdy ortalyqqa aı­nal­dyr­dyq. Burynǵy Keńes el­deriniń ishinde alǵashqy bolyp eýropalyq uıymnyń alqaly sam­mıtin ót­kizdik. Astana men Al­maty qala­larynda qysqy Azıa­da oı­yn­daryn qabyldap, jarqyn jeńiske jettik. Kúni keshe Shanhaı Yn­tymaq­tastyq Uıymynyń mereı­toıly basqo­sýyn joǵary deń­geı­de ótkize aldyq. Búgin IKU-ǵa tóraǵa bolyp saılandyq. Osy­nyń bárinde Elbasynyń salı­qaly saıasatymen qatar búkil otandastary­myz­dyń, sonyń ishin­de sizderdiń de eń­bekterińiz zor, dedi ol marapattaý rási­mine jı­nalǵan jýrnalısterge. Odan ári Qanat Bekmyrzauly jýrnalısterge El­basynyń syılyqtary men granttaryn jyl saıyn tap­syrý ıgi dástúrge aınal­ǵanyn, bıyl ol 15-shi ret berilip otyr­ǵa­nyn atap ótti. Alaıda bıylǵy jıy­ny­myz­dyń jóni jyldaǵy­dan bólek, joly erekshe. О́ıt­keni, búgingi tap­sy­ry­latyn syı­lyqtar men granttar táý­elsizdi­gimizdiń 20 jyldyǵy qarsańynda tabys etilgeli otyr. Sizder el senimin aby­roımen aqtap, mem­leketimizdiń táý­el­siz­digin nyǵaı­týy­na, ósip-órken­deýi­ne ólsheý­siz úles qosyp kelesizder, dedi ol. Odan ári Q.Saýdabaev búgingi kúni Qazaqstanda BAQ erkindigi men bos­tandyǵyna tolyq qol jetkeni týraly aıtty. Oǵan gazet-jýrnaldarmen qatar tele-radıo arnalardyń jyl sanap kó­beıip kele jatqany aıǵaq bola alady. Sonyń ishinde bıyl memlekettik tilde habar taratatyn «Mádenıet» arnasy, al kelesi jyly «Bilim» arnasy iske qo­sylatyn bolady. Bul salanyń da­mýyn Memleket basshysynyń ózi erekshe qa­daǵalap otyr. Bú­gin­gi shara da sonyń aıqyn aıǵa­ǵy dep bilgen jón, dedi Memlekettik hatshy. Odan ári Prezıdenttiń marapattaý týraly О́kimi oqylyp, Qanat Saýdabaev syılyqtar men granttardy atalǵan adam­darǵa tap­syrdy. Pre­zı­dent­tiń bı­ylǵy syılyqtary «Panorama» gazeti bas redaktorynyń oryn­ba­sary Asqar Áýkenovke, Qazaq­stan jýrnalıs­tı­kasy akade­mııa­synyń prezıdenti Sa­ǵymbaı Qo­zybaevqa, «Argýmenty ı fakty Kazahstan» gazetiniń bas re­daktory Sergeı Kýzovnıkovqa, reseılik saıasatta­nýshy jáne pýblısıst Iýrıı So­lo­zo­bovqa jáne «Shalqar» radıosy bas re­dak­torynyń orynbasary Bolatbek Tó­lep­bergenge tapsyryldy. Elbasy granttary Ulttyq bas­pasóz klýbynyń vıse-prezıdenti Mark Aısbergke, «Egemen Qazaqstan» gazetiniń sholýshy­lary Álısultan Qulanbaı men Jaqsybaı Samratqa, «Habar» agent­ti­giniń Almaty oblysy boı­ynsha menshikti tilshisi Tileý­qa­byl Myńjasarǵa, «Kazahstanskaıa pravda» gazeti saıasat bóli­miniń redaktory Maksım Shımanskııge, «Arqa ajary» gazetiniń shyǵar­mashylyq ujymyna, «Zań gazeti» men «Iýrıdıcheskaıa gazeta» gazetteriniń shy­ǵarmashylyq ujymdaryna tabys etildi. Marapattaý rásiminde Prezı­denttiń Alǵysy da jarııalanyp, arnaýly qur­met hattary tabys etildi. Ony «Al­ma­ty aqshamy» gazetiniń densaýlyq jáne áleý­mettik sala bóliminiń meńgerý­shisi Nur­ja­mal Baısaqalova, «Alash aına­sy» ga­zetiniń bas redaktory Serikbek Janbolat, «Aıqyn» gazetiniń tilshisi Gúl­bar­shyn Sabaeva, «Dostyq-Drýj­ba» jýrna­lynyń bas redaktory Zeınekúl Seısenova, «Egemen Qazaqstan» gazeti­niń Shyǵys Qa­zaqstan oblysyndaǵy Semeı óńi­ri boıynsha tilshisi Dáýlet­qazy Seı­senuly, «Qazaqstan» telear­na­syndaǵy «Qazaqtyń 100 áni» televı­zııalyq baǵ­dar­lamasynyń jáne «Karavan» gazetiniń  shy­ǵar­mashylyq ujym­dary aldy. Marapattaý rásimi aıaqtalǵan soń Mem­le­kettik hatshy Q.Saýdabaev nag­rad­talǵandardyń bárin quttyqtap, olar­men eskertkish sý­retke tústi. Biz de bıyl Prezıdent mara­patyn alǵan úsh birdeı áriptesi­miz Á.Qulan­baı, J.Samrat jáne D.Seısenulyn qut­tyqtap, olarǵa shyǵarmashylyq jańa tabystar tileımiz. Berik SADYR.