Judyryqtaı júrekke em jasaıdy

Keshe Memleket basshysy Nursultan Nazarbaev elor­dadaǵy Ulttyq ǵylymı kar­dıohırýrgııalyq orta­lyq pen jańa balabaqshany aralap kórdi. Elbasy bıylǵy Joldaýynda «Halyq densaýlyǵy – Qa­zaq­stan­nyń óziniń strategııalyq maq­sattaryna jetýdegi taby­sy­nyń ajyramas quramdas bóligi» dep atap ótken edi. 180 orynǵa ar­nalǵan kardıohırýrgııalyq or­talyq zaman talabyna saı eken. Prezıdent kardıohırýr­gııa­lyq ortalyqtaǵy ıntervensııa­lyq kardıologııa bóliminiń, jú­rekti kateterızasııalaý zerthana­sy­nyń, operasııalyq zaldardyń jáne jan saqtaý bóliminiń jumy­symen tanysty. Ortalyqtyń negizgi qyzmeti ınnovasııalyq medısınalyq teh­nologııalardy qoldana otyryp, joǵary mamandandyrylǵan kar­dıo­logııalyq jáne kardıohırýr­gııa­lyq kómek kórsetýge baǵyt­tal­ǵan. Sonymen qatar, kardıohırýrgııa, ıntervensııalyq kardıohırýrgııa salalarynda naý­qas­tarǵa ambýlatorııalyq tekserýden bastap, joǵary maman­dan­dyrylǵan kómek kórsetýge, keshendi ońaltýǵa deıingi ǵylymı-aǵartý jumysymen de aına­ly­sady. Buǵan qosa, respýblıkalyq mekeme aımaqtyq kardıologııa­lyq jáne kardıohırýrgııalyq or­ta­lyqtar men bólimderge ádis­te­melik-uıymdastyrý jáne keńes berý kómekterin kórsetedi. Kar­dıo­hırýrgııalyq ortalyq baza­syn­da 2011-2014 jyldar araly­ǵynda qazirgi zamanǵy dıag­nos­tı­kalyq zert­teý­lerdi qoldanyp, týabitken jáne keıin paıda bolǵan syrqattardy hırýr­gııa­lyq emdeý boıynsha 20-ǵa jýyq ınno­va­sııalyq medısınalyq tehnolo­gııa­lar­dy engizý josparlanǵan. Bul aı­týly keshen turǵyndar den­saýlyǵyn saqtaýdyń úzdik ha­lyqaralyq úlgileri men ǵy­lymı tájirıbeler úılesim taba­tyn kardıologııa salasyndaǵy ulttyq brend­ke aınalatyny shúbásiz. Elbasy ortalyqtyń dáriger­leri­men jáne stýdenttermen áń­gimeleskende, ózi­niń densaýlyq saq­taý salasyna jasap jatqan qam­qorlyǵyn alǵa tartyp, 5-6 jyl buryn mundaı úlken keshen týraly aıtýdyń ózi artyq kó­rinetinin jetkizdi. Memlekettiń isteıtin jumysy eldiń densaýlyǵyn kóterý. Basty maqsat – halyq densaýlyǵy, ha­lyq amandyǵy. Eldiń astanasy bolǵannan keıin elor­daǵa osyn­daı alty úlken keshen sa­lyn­dy deı kelip, birinshi orynda bolyp kel­gen júrek-qan tamyrlary aý­rýla­rynyń azaıyp, ólimniń sıregenin atap ótti. Sonymen birge, jeti oblysta jú­rekke operasııa jasalyp jatqanyn, oǵan qajetti zamanaýı qural-jabdyq­tar­dyń alyn­­ǵanyn, bilikti dárigerlerdi shet elde oqytý jumysynyń júıe­li júr­gi­zilgenin tilge tıek etip, aq halatty abzal jandarǵa júregi aýyrǵan adamdarǵa arashashy bolý úlken baqyt ekenin atap ótti. Endigi jerde qaterli isik aýrý­laryna da úlken mán beriletinin, shilde aıynan bastap dáriger­lerdiń aılyǵy ósetinin aıtty. Elbasymen áńgime kezinde bó­lim meń­gerýshileri, bilikti maman-ǵalymdar D.Gorbýnov, T.Lesbekov jáne ózge de dárigerler Memleket basshysynyń os­yn­daı qam­qorlyǵyna ózderiniń dán rı­za­­lyǵyn bildirdi. Sondaı-aq Prezıdent aralap kórgen «Balaqaı» balabaqshasy men «Ádemi-aı» balalar damytý ortalyǵy da ýaqyt ólshemine jaýap beretini birden baı­qalady. Balabaqsha ǵımaratynyń jal­py aýmaǵy 4518 sharshy metr. Keshen 4 qabattan turady: 1-2-shi qabat­tary – «Balaqaı» balabaqshasyna tıesili bolsa, 3-qabatta «Ádemi-aı» balalar da­mytý ortalyǵy or­nalasqan. Birinshi qa­batta ja­tyn oryndar, oıyn oınaıtyn bólmeler bar. Budan basqa shaǵyn býfet, zerthanalyq sýmen jab­dyq­talǵan basseın, jeke dýsh, sport zal, mý­zy­ka­lyq jáne jat­ty­ǵýǵa arnalǵan zaldar jumys isteıdi. Balabaqsha qazaq tili, aǵyl­shyn tili, ózin-ózi taný, ádisker, dá­rigerlik pýnkt, kınozal, IZO stýdıoǵa arnalǵan bólmelermen jabdyqtalǵan. Keshenniń qury­lysy kezinde eń ozyq tehnologııa men ekologııalyq taza materıaldar paıdalanylǵan. Biz osy Ulttyq ortalyqtyń basqar­ma tóraǵasy Iýrıı Pıany sózge tart­qanymyzda, ol elimiz boıynsha qazir 13 500 eresek adam jáne 2 500-ge tarta bala ashyq júrekke kardıohırýr­gııa­lyq operasııa jasaýǵa muqtaj ekenin, 2010 jyly 4 myńnan astam, onyń ishinde 1 500-ge jýyq balaǵa osyndaı operasııa jasal­ǵa­nyn tilge tıek etti. Aldaǵy ýaqytta el úmit artyp otyrǵan bul me­dısınalyq mekemede ár jyly 3 myńǵa deıin operasııa jasaý josparlanyp otyr. Onyń ishinde 2 500 operasııa úlken adam­darǵa, 500-ge jýyǵy bala­lar­ǵa jasalady. О́tken 20 jyl ishinde elimiz boıynsha júrekke operasııa jasaý 11,7 esege artty, dedi. Al osy ortalyqtyń ashy­lýy­na Tarazdan arnaıy kelgen jú­rek-qan ta­myr­lary aýrýynyń bil­giri, akademık Seıithan Joshy­baev, mundaı ultqa qajet dúnıeni ótken ǵasyrdyń 80-jyl­darynda ashýǵa talpynǵan edik. Endi, mine, sol maqsatqa Elbasy Nursultan Nazarbaevtyń qajyrly eńbeginiń ar­qasynda qol jetkizip otyrmyz. Osy ortalyqtyń basqarma tór­aǵa­sy Iýrıı Pıa meniń shákirtim, óte bilikti maman. Qazir elimiz boıynsha 4 respýblıkalyq jáne 7 óńirlik ortalyq, 9 kardıo­hırýr­gııalyq bólim jáne 23 angıo­grafı­ka­lyq zerthana jumys isteıdi. Osylar­dyń báriniń jumy­syn osy Ulttyq ortalyq arqyly úılestirip otyrsaq degen nıettemiz. Ony at sabyltyp As­tanaǵa kelmeı-aq ınternet júıesi, telemedısına arqyly júzege asyrýǵa bolady. Tikeleı telekonferensııa ótki­zý de oıda bar. Meniń muny aıtyp oty­rýdaǵy maqsatym, ob­lystardaǵy mekemelerde bul jer­degi qural-saıman­dardyń bári bar dep aıta almasaq kerek. Sol sebepten de elimiz boıynsha jú­rek-qan tamyrlary aýrýyn emdeý, aldyn alý máseleleri boıynsha osy Ulttyq ortalyq altyn diń­gek bolsa, utarymyz az bolmasy anyq, dedi. Súleımen MÁMET.