Jyly shyraıly júzdesýler

Keshe Memleket basshysy Nursultan Nazarbaev Islam Yntymaqtastyǵy Uıymy Syrtqy ister mınıstrleri keńesi­niń 38-shi sessııasy aıasynda birqatar ekijaqty kezdesýler ótkizdi. Prezıdent IKU Bas ha­t­shy­sy Ekmeleddın Ihsanoǵlymen kezdesti. Taraptar ekijaqty ynty­maq­tastyqty odan ári damytý jáne nyǵaıtý máselelerin, sondaı-aq IKU SIMK 38-shi sessııasynyń kún tártibin talqylady. – Biz Prezıdent myrzamen Is­lam Konferensııasy Uıymy­nyń bolashaq qyzmetin talqy­la­dyq. Bıylǵy jyly Qazaqstan Uıymnyń tóraǵasy boldy. Biz jemisti ózara is-qımylǵa senim artamyz. Osy tarıhı kezdesýge daıyndyqtyń joǵary deńgeıi biz­diń qanshalyqty tabysty yn­ty­maqtastyqta ekenimizdi kór­setti. Endi bizde jańa ıdeıalar, jańa jobalar, tipti jańa em­ble­ma paıda boldy. Biz qazir IKU janynan adam quqyqtary jó­nin­degi komıssııanyń qurylýy úshin jumys isteýdemiz jáne bul As­ta­na­daǵy kezdesýdiń taǵy bir negizgi jetistiginiń biri bolmaq, – dedi E.Ihsanoǵly. *  *  * Memleket basshysy Halyq­aralyq álem ınstıtýtynyń pre­zıdenti Tere Red-Lar­sen­men kezdesti. Kezdesý barysynda ekijaqty yntymaqtastyq máseleleri, son­daı-aq IKU SIMK 38-shi ses­sııa­synyń kún tártibi talqylandy. – Joǵary Mártebelimen kezdesýimiz kezinde men Prezıdentke jaqynda ǵana ózimniń Sınga­pýr­dyń negizin qalaýshy Lı Kýan Iý-men kezdeskenimdi aıttym. Sıngapýr – bul naǵyz ǵalamat el. Jáne Lı Kýan Iý, osy eldiń lıderi – sıngapýrlyq keremettiń negizin qalaýshy. Men Memleket basshysyna, Qazaqstan sońǵy 20 jyl ishinde damýdyń tań­ǵa­lar­lyq qarqynyn kórsetken ǵajap el bolyp tabylatynyn aıttym. Qazaqstan lıderi – qazaqstandyq keremettiń qurýshysy. Astana­nyń kóshelerimen júrip ótip, sońǵy 20 jyl ishinde paıda bol­ǵan tańdanarlyqtaı ári adam nan­ǵysyz ózgeristerdi óz kózińmen kórýge bolady, – dep atap ótti T.Red-Larsen. *  *  * Memleket basshysy Bilim,   ǵylym jáne  mádenıet máse­le­leri  jónindegi  Islam  uıy­my­nyń (ISESKO) bas dırektory  Ábdel-Ázız  Ben Osman  Ál-Týeıdjrıdi qabyldady. Á.Ál-Týeıdjrı Memleket bas­shysyna osy uıymnyń joǵa­ry nagradasy – «LSESCO Shield» altyn belgisin ıslam ynty­maq­tastyǵyn nyǵaıtýǵa, ıslam ále­min damytýǵa jáne jahandyq deń­geıde gýmanıtarlyq qundy­lyq­tardy alǵa jyljytýǵa qos­qan asa úzdik úlesi úshin tapsyrdy.