Skotland-Iаrd basshylary otstavkaǵa ketti

Amerıkalyq medıamagnat Rýpert Merdokqa qarasty, qyzmetkerleri Ulybrıtanııanyń qara­paıym azamattary men belgili qaıratkerleriniń telefondaǵy áńgimelerin tyńdaıdy degen kúmán týdyryp otyrǵan News of the World tabloıdy tóńiregindegi daý-janjal órshı túsýde. Osy oqıǵalar aıasynda London polısııasy qazirdiń ózinde óziniń ekinshi basshysynan aıyryldy. Bul joly polısııa bastyǵynyń orynbasary Djon Ieıts otstavkaǵa ketti. Onyń aldynda Skotland-Iаrd basshysy Pol Stıvenson osyndaı sheshim qabyldaǵan bolatyn. Osydan az ýaqyt buryn qaıta bastalǵan tergeý málimetteri boıynsha, basylym jýrnalısteri Koroldiktiń 3,7 myńǵa jýyq turǵyndarynyń áńgimelesýlerin tyńdaǵan kórinedi. Eki basshynyń adaldyǵy men kásibıligi esh kúmán týdyrmaıdy, biraq News of the World qyzmetkerleri men London polısııasy tóńiregindegi kúmándar 2012 jylǵy Olımpıada qarsańynda ofıserler jumysyna keri áser etýi múmkin, dep málimdegen London qalasynyń meri B.Djonson. О́z anasynyń úıine soqtyǵysty Shveısarııanyń Shaffhaýzen kan­tonyndaǵy Oberhalaý kom­mýnasynyń turǵyny ushaqpen óz anasynyń úıin kelip soqqan. Jumyssyz júrgen ınjener-elektrık ári áýesqoı ushqysh Konrad Shmıdt tórt oryndyq jeńil ushaqty prokatqa alǵan kórinedi. Mashınanyń jarylýynan úı birden otqa oransa da Konradtyń anasy Rozmarı Shmıdt eseńgirep qalǵany bolmasa, ajaldan aman qalypty. Sóıtse ol jarylys bolǵan sátte podvalda júrgen kórinedi. Úıindi astynan áıeldi kórshileri alyp shyqqan. 44 jastaǵy Konrad Shmıdt eki jyldan beri júıke aýrýymen aýyratyn kórinedi. Áriptesterin jaqtap shyqty «Alfa» qyzmetiniń ardagerleri Lıtvada qý­da­laýǵa túsken ózderiniń burynǵy komandıri, taıaýda ǵana Lıtva ókimetiniń suraýy boıynsha Avstrııada qamaýǵa alynǵan Mıhaıl Golovatovqa qatysty málimdeme jasady. Málimdeme avtorlary Lıtva jaǵynyń taǵyp otyrǵan aıyp­taryn «oǵashtyq» retinde teriske shyǵarýda. Aıta ketý kerek, arnaıy bólimshe jaýyngerleri men desantshylaryna 1991 jy­ly Vılnıýste oryn alǵan oqıǵalarǵa qatysty aıyp ta­ǵyl­ǵan bolatyn. Al «Alfa» ardagerleri bolsa lıtvalyq saıa­sat­kerler tarıhty ózderiniń kóksegen nıetterine oraı qa­sa­qana burmalap,  Reseıden jaýdyń beınesin qalyptastyryp otyr degen qarsy syn aıtýda. Sóz oraıynda Avstrııa ókimeti­niń Golo­vatovty Lıtvaǵa berýden bas tartyp, qamaýdan bosat­qa­nyn jáne onyń elden ketýine ruqsat bergenin de aıta ketý qajet. Iri ýran ken orny ashyldy Úndistannyń ońtústiginde ashyl­ǵan ýran ken ornynyń qory álem­degi eń irilerdiń biri bolyp taby­lady, dep málimdegen eldiń ıadrolyq energetıka departamentiniń ókili Shrıkýmar Banerdjı. Banerdjıdiń aıtýynsha, Andra Pradesh shtatyndaǵy Týmalapallı kenishindegi dáleldengen ken qory 49 myń tonna ýrandy quraıdy. Sheneýnik atap kórsetkendeı, sońǵy baǵalaýlar boıynsha ýchaskedegi ken qyrtysynyń jalpy kóleminiń 150 myń tonnaǵa jetýi múmkin. Týmalapallı ken ornyna qatysty jumystar ústimizdegi jyldyń sońyna deıin bastalady dep kútilýde. Qazirgi ýaqytta Úndistan AES-te búkil óndiriletin elektr qýattary kóleminiń 3 paıyzǵa jetpeıtin mólsherin ǵana óndiredi. 2050 jylǵa qaraı el ókimeti ol kórsetkishti 25 paıyzǵa deıin jetkizýdi kózdep otyr. Qantógiske ulasqan qaqtyǵys Qytaıdyń Shyńjań-uıǵyr avtonomııaly aýdanyn­da polısııamen bolǵan qaqtyǵys saldarynan 20 adam qaza tapty, dep habarlady Frans-Press agenttigi. Osy agenttiktiń qýdalaýda júrgen uıǵyr belsendileri tobyna silteme jasaı otyryp habarlaýynsha, qaza tapqan­dar­dyń bári uıǵyrlar kórinedi. Búkilálemdik uıǵyr kongresi uıymynyń aıtýy boıynsha, polıseıler Hotan qalasyna taıaý jerde 14 adamdy ólimshi qylyp sabap, 6 adamdy atyp óltir­gen. Tártipsizdikter uıǵyrlardyń óz týysqandaryn túrme­ler­den bosatýdy talap etip, polıseılerdi kepildikke alýǵa tal­py­nys jasaýyna baılanysty oryn alǵan kórinedi. Nátı­jesinde 70 adam tutqynǵa alynǵan. Lıvııa men aqsh arasyndaǵy kelissóz Lıvııa basshysy Mýamar Kadda­fı­diń ókilderi men AQSh-tyń arnaıy tulǵalary Týnıs aýmaǵynda betpe-bet kelissózder júrgizgen. Lıvııa úkimetiniń ókili Mýssa Ibragım­niń aıtýynsha, bul elder arasyndaǵy qa­rym-qatynastardy talqylaýdyń tek birinshi satysy ǵana. AQSh memlekettik departamentiniń ókili Kaddafı delegasııasymen kezdesý faktisin rastaǵan, biraq onyń bir ǵana  maqsatpen – Lıvııa kósemine otstavkaǵa ketýi jónin­de naqty talap qoıý maqsatymen ótkenin atap kórsetken. Sondaı-aq, memdepartament budan keıingi jerde eshqandaı kezdesýdiń josparlanyp otyrmaǵanyn da habarlaǵan. Vengrııa sotynyń sheshimi Vengrııa soty Vızental ortalyǵy 1942 jyly Serbııanyń Novı-Sad qalasynda 1,2 myń evreılerdi, serbter men syǵandardy óltirýge qatysy bar dep aıyptaǵan Shandor Kepırony aqtap shyqty. 97 jastaǵy vengr Shandor Kepıro isine qatysty sot ústimizdegi jylǵy mamyr aıynda Vengrııa astanasy Býdapeshte bastalǵan bolatyn. Sottyń Kepırony aqtaý týraly sheshimin zalda otyrǵandar dý qol shapalaqtaýmen qarsy alypty. Al nasıstik qylmyskerlerdi izdestirýmen aına­ly­satyn Vızental ortalyǵy bul sot prosesi nasıstik qylmyskerlerge qatysty eń sońǵy jáne eń shýly pro­sesterdiń biri bolady dep úmittengen kórinedi. Internet materıaldary negizinde ázirlendi.