foto: Denys Shapovalov/iStockphoto
Sheksizdikke sozylǵan shólder – oıysy jınaqy, shytyrmanǵa qumar saıahatshylar úshin shabyt kózi. Únsizdik, jalǵyzdyq pen mınımalıstik sulýlyqqa ıe bul qurǵaq aımaqtarda árbir saıahatshy erekshe tájirıbe alady.
Materıaldyń avtory – 25 jyldan beri álemniń ár túkpirin aralap júrgen saıahatshy-jýrnalıst Sara Marshall. Ol «Árkim ómirinde bir ret bolsa da barýy kerek top 10 shóldi» oqyrmandardyń nazaryna usyndy. Olardyń qatarynda:
1. Sahara, Afrıka;
2. Atakama, Chılı;
3. Namıb, Namıbııa;
4. Antarktıda;
5. Vadı Rým, Iordanııa;
6. Kalaharı, Ońtústik Afrıka;
7. Gobı, Mońǵolııa;
8. Kolorado platosy, AQSh;
9. Mańǵystaý, Qazaqstan;
10. Empty Quarter (Rýb’ al-Halı), Arabııa túbegi kirdi.
Aıta keteıik, avtor maqalasynda Mangystau óńirin Kaspıı jaǵalaýyndaǵy geologııalyq ǵajaıyptarǵa toly meken retinde sıpattaıdy. Ásirese Ústirt jazyǵyndaǵy Bozjyra shatqalynyń alyp áktasty shyńdary men ózgeshe landshaftyna erekshe toqtalǵan. Onyń aıtýynsha, bul aımaq – týrıstik ınfraqurylym endi damyp kele jatqan, sondyqtan qazir barsań, tabıǵattyń tumsa sulýlyǵyn kópshiliksiz tamashalaýǵa múmkindik bar baǵyttardyń biri.
Osylaısha, Mańǵystaýdaǵy Bozjyra shatqaly álemdik deńgeıdegi biregeı tabıǵı baǵyt retinde halyqaralyq BAQ nazaryn taǵy bir márte aýdardy.
2026 jyly qaıda baramyz? Týrızm mınıstrligi mádenı-týrıstik is-sharalar kúntizbesin jarııalady
