Anyqtalǵandaı, kýrer tapsyrysty tapsyrý kezinde ózin dóreki ustap, tapsyrys berýshini ádeıi janjalǵa ıtermelegen. Ol tapsyrys berýshini «meniń qarnym ashyp tur» degen sózdi aıtýǵa májbúrlegen, áıtpese tapsyrysty bermeıtinin aıtyp qorqytqan.
Kýrerdiń arandatýshylyq áreketteri taraptar arasynda sózge kelýge sebep bolǵan. О́z kezeginde tapsyrys berýshi janjal barysynda beıádep sózder qoldanǵan.
Is materıaldaryn qaraý nátıjesi boıynsha oqıǵaǵa qatysýshylar Qazaqstan Respýblıkasynyń Ákimshilik quqyq buzýshylyq týraly kodeksiniń 434-baby 1-bóligi («Usaq buzaqylyq») boıynsha ákimshilik jaýapkershilikke tartyldy.
Almaty qalasynyń Mamandandyrylǵan aýdanaralyq ákimshilik sotynyń qaýlysymen olardyń árqaısysyna 20 AEK (86 500 teńge) mólsherinde aıyppul túrinde ákimshilik jaza taǵaıyndaldy.
Jaýapkershilikke tartý janjalǵa qatysýshylardyń quqyqqa qaıshy áreketterine baılanysty júzege asyryldy.
Almaty qalasynyń prokýratýrasy azamattardy memlekettik organdardyń resmı aqparatyna súıenýge jáne burmalanǵan málimetterdi taratýdan bas tartýǵa shaqyrady.
«Kórineý jalǵan aqparat taratý zańnamada belgilengen jaýaptylyqqa ákep soǵýy múmkin», dep eskertti qalalyq prokýratýra.
