Kókónis baǵasy edáýir arzan bolady

Jahandyq daǵdarys eńseril­gendikten onyń áserin seıiltýge bel býǵan halyq ta qa­jyrly is-qımyl tanytyp, ár kúnge eseli eńbekterin arnaýda. Kóktemnen bastalǵan qarbalas­ osyǵan dálel. Desek te, áýeli onyń lebi ká­sip­kerlerge tıdi. Osy tusta kásip­oryn men sharýa­shylyq­tar­dyń ilgerilegen kásip­terin da­my­týǵa memleket der sá­tinde qoldaý kór­setkeninen ju­mys júıesi bu­zyl­mady. Shildeniń shilińgir aptabyna qa­ramastan dıqandar kóńili kóte­rińki. Onyń sebebi bar. «Bız­nes­tiń jol kartasy-2020» baǵdarla­masy men «Damý» qory arqyly kásipkerlerge qolaıly jaǵdaı tý­ǵyzylǵanynan jumystyń ta­my­ryna qan júgirip, erekshe yn­ta týdy. Sharýalar alǵan nesıe­niń bir bóligin memleket óteı­tin­dikten qazirgi ahýaldary qanaǵat­tanarlyq. Osyndaı kó­mek­ke ke­nelgenderdiń qatarynda «Qanat» sharýa qojalyǵy bar. Jalpy, tutynýshy surany­syn zertteý arqyly tabysqa je­týdiń  mańyzdylyǵyn jergilikti jerdegiler jaqsy biledi. Sodan bolar jer-anaǵa degen peıilderi men kóńilderi jaqsy. Máselen, kókónis ósirýdi kásip etken «Qa­nat» sharýa qojalyǵy 2001 jyly qurylǵan. Sodan bergi kezeńde olar gektar berekeliligin artty­rýǵa erekshe nazar aýdarypty. О́tken jyly atalǵan baǵdar­la­ma­nyń bastalǵanyn estip, qujat­taryn jınastyryp, tıisti oryn­d­arǵa tapsyrǵan. Nátıjesinde baǵdarlamanyń birinshi baǵytyna sáıkes dep tanylǵan qojalyq ekinshi dárejeli bankten qomaqty nesıe alady. Jańa jospar qury­lyp, ujym bolyp, birneshe jy­lyjaı, 44 gektar jerge kókónis egedi. Sondaı-aq, tirshilik kózi sanalǵan sý shyǵarý úshin 130 metr tereńdikten uńǵyma qazǵan. Endi móldir sý atqylap, aryqty boılap, syldyraı aǵyp jatyr. Almaqtyń da salmaǵy bar demekshi, sharýa basshysy endi nesıeni qalaı óteımin dep bas qatyrmaıdy. Nesıeniń jartysyn memleket ótep keledi. Kásipker mundaı kómektiń aýyl sharýa­shy­lyǵy úshin úlken qoldaý ekendigin maqtanyshpen aıtady. – Bankten 14 paıyzben nesıe aldym. Onyń 7 paıyzyn memleket tólep otyr. Demek, kókónis baǵasy edáýir arzan bolady, deıdi «Qanat» sharýa qojalyǵynyń basshysy Ánýarbek Sarǵaldaqov. Kókónis ósirýdiń ózindik qı­yn­dyǵy men mashaqaty bar. Sa­baǵy názik óskindi balasha mápe­lemese bolmaıdy. Jemis-jıdek alqabyn kútip-baptaýǵa jergilikti turǵyndar tartylǵan. Tynym­syz tirliktiń arqasynda sharýa qojalyǵy ótken jyly 200 tonnadan astam kókónis ósirip, ón­imdi Almaty qalasy men tal­dy­qorǵandyqtar ıgiligine  aınal­dyr­ǵan. «Qanat» sharýa qoja­ly­ǵy sııaqty kásibin damytatyn­dar­ǵa «Bıznestiń jol kartasy-2020» baǵdarlamasy arqyly qoldaý ta­batynyn ózgeler de túsingen. – Kásipker aldymen ekinshi dárejeli bankterdiń kelisimin al­ǵannan soń ákimshilikke baǵdarla­ma aıasynda sýbsıdııaǵa ótinish jazady. Aımaqtaǵy úılestirý keńesinen ótken qujat mınıstrlikke túsedi. Barlyǵy 30 kún ishinde sheshimin taýyp, «Damý» qory, kásipker, bank arqyly úsh jaqty kelisim jasalady, deıdi kásipkerlikti damytý qorynyń menedjeri Erkebulan Qanataı áńgime arasynda. Ana sheti men myna shetine kóz jetpeıtin alqapta kókónistiń túr-túri jaıqalady. Dıqandar da kúnniń ystyǵyna qaramastan kú­tip-baptaý jumystaryn jalǵas­ty­rýda. Kásibin dóńgeletip, sha­rýa­shylyǵyn keńeıtýge múmkin­dik alǵan Ánýarbektiń aldaǵy jospary da jetkilikti. 1500 tonna ónim saqtaıtyn qoımasyn eko­logııalyq taza tabıǵı kókóniske toltyrý. Osy maqsatqa jetýdegi basshynyń alǵashqy qadamy sátti deýge bolady. О́nim kólemin kúzde 600 tonnaǵa jetkizý úshin ter tógýde. Kúmisjan BAIJAN, Almaty oblysy.