«Eır Astana» óz ushaqtaryn ulttyq nyshandarmen naqyshtaıdy

«Eır Astana» áýe kompanııa­sy Qazaqstan Táýelsizdiginiń 20 jyldyǵyna oraı 10 áýe kemesin ulttyq nyshandarmen jáne «Qa­zaqstan Táýel­siz­digi» men «Ka­zakhstan Independence» jazýla­ry­men áshekeılegeli otyr. Eli­miz­diń álemdegi ımıdjin damy­týǵa jáne memleket ómirinde mańyzdy oqı­ǵaǵa sheteldikterdiń nazaryn aýdarýǵa baǵyttalǵan bul shara 2011 jyldyń sońyna deıin jalǵaspaq. Sonymen biregeı tamasha dızaınmen «Boıng 767» jáne «Eır­bas A320» ushaqtary naqysh­ta­la­­tyn bolady. Ushaqtardyń fıý­zelıajyna mereıtoı beınelemesin salý úshin ylǵaldylyqqa, ýl­tra­kúl­­gin sáýlelerge jáne jo­ǵary temperatýra quby­lýla­ry­na tótep beretin, arnaıy ser­tıfıkattalǵan, ózi jelimdeletin plenkalar qoldanylady. Árbir áýe kemesin markerleýge 10 saǵat shama­syn­da kerek bolǵandyqtan jáne bul jumys jos­parlanǵan ushýlar arasyn­daǵy úzilisterde ǵana jasaly­na­tyndyqtan, mereıtoı naqyshta­ryn jap­sy­­rý úderisi 2011 jyl­dyń qyrkúıeginde aıaqtalady. Qazaqstan Táýelsizdiginiń 20 jyldyǵy beınelemesimen áshe­keı­lengen ushaqtar 23 ishki jáne 31 halyqaralyq baǵyttardaǵy reısterdi júzege asyrady. Reti kelip turǵanda, «Eır Astana» áýe kompa­nııasy táýligine ortasha alǵanda 6093 jolaý­shy­ny tasıtynyn aıta ketelik. Aınash ESALI, Almaty.