Jetistikter az emes

Densaýlyq saqtaý mınıstri Salıdat Qaıyrbekova jumys saparymen Aqmola oblysynda boldy. Onda ol oblystyń medısınalyq qoǵamdas­ty­ǵymen kezdesý ót­kizip, «Salamatty Qa­zaqstan» memlekettik baǵdar­la­ma­sy, Biryńǵaı ulttyq densaýlyq saq­taý júıesiniń (BUDSJ) engizilý barysy jóninde áńgi­me­lesip, qol jetkizilgen jetistikter men qıyn­shy­lyqtar, olardy sheshý joldaryn talqylady. Osy arada aıta ketken jón, BUDSJ engizý qorytyndylary jobanyń pasıentke baǵdarlanǵanyn naqty aıqyndap berdi. Iаǵnı medısınalyq uıymdardy erkin tańdaý qaǵıdasyna baılanysty turǵyndardyń barlyq toptary úshin medısınalyq kómektiń qoljetimdiligi artty. Oblysta 22 myńnan astam adam tańdaý quqyǵyn paıdalanyp, josparly negizde aýrýhanaǵa jatqan. Olardyń 47%-yn aýyl turǵyndary quraıdy, aza­mat­tardyń 79%-y óz óńirinde emdelse (45%-y aýyl turǵyndary), 6% ózge óńirlerdi jón kórgen. Osylaısha, erkin tańdaý qu­qy­ǵyn kóbinese aýyl turǵyndary paıdalanyp otyr deýge bolady. О́ńirde joǵary mamandandyrylǵan medısınalyq kómek (JMMK) damı bastady deýge bolady. Nátıjesinde medısına salasyndaǵy joǵary tehnologııalyq jetistikter paıdalany­lyp, Kókshetaý qalasynda 2 aýrýhanada engizilgenin de aıta ketsek, aǵymdaǵy jyldyń birinshi jartyjyldyǵynda 13 jańa tehnologııalar boıynsha 377 naýqas em alypty. Oblysta tuńǵysh ret stasıonarlarda erte qalpyna keltirý jáne medısınalyq ońaltý tehnologııalary engizilse, aǵymdaǵy jyldyń birinshi jartyjyldyǵynda medısınalyq kómektiń 6 beıini boıynsha 1858 naýqas emdelip shyǵypty. О́ńirde stasıonarly almastyrýshy kómek salasy da qar­qyndy damýda. Eger 2009 jyly kúndizgi stasıonarlarda 10229 naýqas emdelse, bıylǵy birinshi jartyjyldyqta ol kórsetkish 22647-ge jetken. Biz budan medısınalyq kómektiń qolje­timdiligi jáne bıýdjet qarajatyn tıimdi paıdalaný qamtamasyz etilip otyrǵanyn kóremiz. 2011 jyldan bastap ambýlatorııalyq-emhanalyq deńgeıde BUDSJ ekinshi kezeńin engizý bastalǵany ózimizge belgili. Ol skrınıngtik baǵdarlamalardy keńeıtý, qosymsha meıirbıke qyzmetterin endirý, bastapqy medısınalyq-sanıtarlyq kómek­tiń áleýmettik baǵdarlanǵan úlgisin engizý, alys eldi meken­derdiń turǵyndary úshin jumylǵysh medısınanyń qolje­timdiligin qamtamasyz etýdi kózdeıtinin de aıta ketken jón. Sondaı-aq, mınıstr osy jumys sapary barysynda úkimet­tik emes uıymdar ókilderiniń qatysýymen Pasıentterdiń quqyqtaryn qorǵaý jónindegi óńirlik qoǵamdyq keńestiń kezekti otyrysyn da ótkizdi. Ol onda Qazaqstanda densaýlyq saqtaý salasyna úlken kóńil bólinip otyrǵanyn, elimizdiń densaýlyq saqtaý júıesin qarjylandyrý kólemi 2004 jyldan beri tórt eseden astam ósip, 2011 jyly 633 mlrd. teńgeden asqanyn aıtty. Sonymen qatar, mınıstr qoǵammen keri baılanystyń ma­ńyz­dylyǵyna toqtala kelip, úkimettik emes uıymdardyń ókil­derin ózara yntymaqtastyqty belsendi etýge shaqyrdy. Oty­rysta aıtylǵan barlyq usynystar men eskertpeler boıynsha mindetti túrde tıisti sheshimder qabyldanatynyna sendirdi. Jáne óz densaýlyqtary úshin azamattardyń ortaq jaýapkershiligin kúsheıtpeı, sapaly ilgerileýshilikke qol jetkizý múmkin emestigin atap ótti. «Egemen-aqparat».