Jurtty tartqan aq otaý

Astananyń irgesindegi Nura aý­da­nynyń ortalyǵy áli Kıevka ataýy­nan arylmaı kele jat­qany­men zatynda jańarý bar ekendigi ańǵarylady. Táýelsizdikpen birge túlegen qazaqy qalyptaǵy beınesi erekshelene túsý­de. Aımaqtyń eń ádemi eldi mekeni ekenin aıǵaqtaı­tyn kesin-kelbetin sońǵy jyldar­daǵy ulttyq naqyshty sáý­let­­ten­dirýler odan saıyn jarqyratyp, kóz tartqyzady. Solar­dyń qata­ryn­da kıiz úı úlgisinde dóńge­len­tip salynǵan qymyzhana ǵımaraty syrtqy kórkimen de, ishki sánimen de bólek kórinip turatyn boldy. Bul jergilikti jurttyń kópten bergi tilegi edi. Bir ýaq Qulanótpes shóbi men sýynyń ıisi ańqyǵan sary qymyzdy sapyrtyp, áńgime-dúken quryp, baıaǵy babalardaı kóńil jelpintý endi sony qalaý­shy janǵa jeńil. Izendi aýlynan kúnine jetkizilip turatyn qasıetti sýsyn men jeńsik taǵam túrleri qolma-qol kelýshiler aldyna tartylady. Osyndaı oryndy aldynda ózderinde ashqan «Ot­qan­jar» JShS jetekshisi Qanat Otarbaevtyń aýdan orta­lyǵynda da bireýiniń ýyǵyn tigý oıda júrgen maqsaty bolatyn. Sáti túsip, eldiń mereıli merekesi jylyndaǵy syı retinde usynylýy tur­ǵyn­dardy súısintti. Astana men Qaraǵandyǵa shyǵaberis kóshe tórin­degi aq otaýda jyl boıy qymyz úzilmeıdi. Aıqyn NESIPBAI,   Qaraǵandy oblysy.