Almatydaǵy Abaı oqýlary

Almaty qalasy ákimdi­giniń Tilderdi damytý, mura­ǵattar jáne qujattama bas­qarmasy, Halyqaralyq «Abaı» qory jáne Qazaq­stan Jazýshylar odaǵy birlesip qazaqtyń kemeńger uly, oıshyl hám gýmanıst, bar­sha adamzatqa ortaq tul­ǵa Abaı Qunanbaevtyń týǵan kúnine arnalǵan dástúrli «Abaı oqýlaryn» ótkizdi. Memlekettik til sıasatyn júrgizý jáne Abaı shyǵarma­shylyǵyn nasıhattaý arqyly qoǵamdyq kelisim men rýhanı birlikti nyǵaıtý, otansúı­gish­tik sezimge tárbıeleý, son­daı-aq qazaqtyń ulttyq má­denıeti­ne, ónerine, áde­bıeti­ne degen kópshiliktiń yqyla­syn art­tyrý nıetinde uıym­dastyry­latyn bul shara bıyl Abaı atyndaǵy opera já­ne balet teatrynyń al­dyn­da boldy. «Abaı oqýlaryna» zııaly qaýym ókilderi, resmı qyzmet­kerler, ǵalymdar men aqyn-jazýshylar, óner qaıratker­le­ri, qoǵamdyq uıymdardyń je­tekshileri, buqaralyq aqpa­rat quraldarynyń tilshileri, stýdent jastar men mektep oqýshy­lary qatysty. Is-shara qonaq­tary hakim Abaıdyń ádebı shyǵarmashylyq murasy týraly oı-pikir tyńdap, Abaı óleń­derin mánerlep oqyǵan jastar­dyń ónerlerine, qazaq­tyń ha­lyq ánderi men kúı­lerine tánti boldy. Qanat ESKENDIR, Almaty.