Ákim esep berdi. El ne dedi?

 – Elbasynyń bıylǵy Joldaýy – 2020 jylǵa deıingi atqarylatyn naqty mindetterdi aıqyndaýymen jáne qoǵam ómiriniń barlyq salasyn qamtyǵanymen erekshelendi, – dep bastady sózin Serik Ábikenuly. Búgingi esep berý jıynynda ótken jylǵy jumystarǵa keńinen taldaý jasaýmen qatar, qundy qujattan týyn­daıtyn baǵdarly jumystarǵa jáne ony jurtshylyqqa jetkizýdegi mindetterge nazar aýdarý qajettigin alǵa tartty. Jalpy alǵanda, respýblıka óńirleri­niń áleýmettik-ekonomıkalyq damý kór­set­­kishteri boıynsha Almaty oblysy aldyńǵy shepten kórinip keledi. Ol tutas­taı alǵanda jumyssyzdyqtyń aldyn alý, turǵyn úı, tutyný baǵalarynyń ındeksi men bıýdjet­tik salyqtar men túsim­der kó­lemi, negizgi kapıtalǵa tartyl­ǵan ınves­tı­sııa, ınnova­sııa­lyq bastama­lar men sportty damytý, taǵy basqa ná­tı­jeler boıynsha qol jetken jetistik­ter­men ólshe­nedi. Buǵan qosa, jyl qory­tyn­dysynda ónerkásip óniminiń kólemi 289,8 mlrd. teńgeni qurap, aǵymdaǵy jyly 293,2 mlrd. teńgeniń ónimin óndirý jos­parlanǵan. Nátıjesinde salada 60 jańa ónerkásip nysany paıdalanýǵa berilip, 16 kásiporyndy keńeıtý esebinen 2,5 myńnan astam jańa jumys orny ashylsa, bul halyqtyń áleýmettik máseleleriniń oń sheshilýine yqpal etken. Aýyl sharýa­shy­lyǵynyń jalpy ónimi esepti kezeńde 219,8 mlrd. teńge bolyp, óńir jurtshy­lyǵyn azyq-túlik ónimderimen jetkilikti qamta­masyz etýge qol jetkizilipti. Oblys ekonomıkasynda shaǵyn jáne orta kásipkerliktiń alatyn orny erekshe. Salada 235 myń adam eńbek etip, óndiril­gen ónim kólemi men kórsetken qyzmet túri 180,9 mlrd. teńgeni quraǵan. Bıýdjet­ke tıisinshe 12,4 mlrd. teńge salyq jáne basqa da tólemder túsipti. Atalǵan salada­ǵy jobalarǵa qomaqty qarjy bólingeni jaqsy iske dem bergen. Aǵymdaǵy jyly atalǵan salada 185 mlrd. teńgeniń ónimi óndirilip, halyqqa sapaly qyzmet kórsetý boljansa, onyń tııanaǵyn keltirý jumys­tary búginnen qolǵa alynýda. Qazirgi kez­de óńir halqyna saýda, qoǵamdyq tamaq­tan­dyrý jáne qyzmet kórsetýde 12,8 myń nysan qyzmetin usynyp, bólshek saýda kólemi 94,6 mlrd. teńgeni qurap otyr. Baǵanyń negizsiz ósýine jol bermeý, tuty­ný­shyny sapaly azyq-túlik túrleri­men qamtamasyz etý máseleleri jiti nazarda deýge bolady. О́ńirdiń damýy negizgi kapıtalǵa tar­tyl­­ǵan ınvestısııa kólemimen ólshenetini aıan. Osyǵan oraı onyń kólemi 310 mlrd. teńgege jetip, baǵdarlama boıynsha 12,7 mlrd. teńge bolatyn 303 joba iske asyryl­ǵan jáne 20 myń jumys orny ashylǵan. Oblys ákimi muny naqty derektermen dáıek­­tedi. Mem­lekettik turǵyn úı baǵdar­la­masymen 561,4 myń sharshy metr turǵyn úı paıdalanýǵa berilse, jyl aıaǵyna 610 myń sharshy metr kólemindegi turǵyn úıdi sapaly bitirý kózdelgen. Munyń ózi kezekte turǵandardyń suranysyn qanaǵat­tan­dyrýǵa baǵyttalǵan júıeli jumys. Búginde kópshi­likti alańdatqan úleskerler máselesin sheshý maqsatynda oblys aýma­ǵynda 3971 úleskerdi quraıtyn 20 nysan­nyń, 13 turǵyn úı kesheniniń máselesi oń sheshimin tapqany jınalǵandardan oń baǵasyn aldy. Daǵdarys saldaryn eńserýdiń tıimdi sharalary Elbasynyń bastamasymen júze­ge asyrylǵan “Jol kartasynda” qaralǵan. “Aýyz sý” aımaqtyq baǵdarlamasy boıyn­sha 2009 jyly sýmen jabdyqtaý júıesin­degi 52 nysannyń qurylysy men qaıta jón­deý jumystaryna 3,4 mlrd. teńge jum­salypty. Bıyl 62 nysanda jumys júrgizi­lip, oǵan 3,8 mlrd. teńge qarastyrylsa, onyń teń jartysyna jýyǵy osy jylda paıdalanýǵa beriletini de júıeli jumys nátıjesi ekenin kóremiz. Qashanda jolaýshyny jol synaıtyny anyq. Avtokólik joldaryn kútip ustaý men jóndeýge 10,0 mlrd. teńge bólinip, 478 sha­qyrym jol jóndelse, 729 eldi meken tu­raqty avtobýs qatynasymen qamtylypty. Elbasynyń Joldaýynda energetıka­lyq táýeldilikti azaıtý kún tártibine ótkir qoıy­lyp, naqty tapsyrma berilgen. О́ńir­de sý jáne jel energetıkasy baǵdarlama­sy negi­zinde Eskeldi aýdanynda qýaty 4,4 megavatt Qaratal GES-i iske qosylsa, jalpy qýaty 13,4 megavatt 3 shaǵyn GES bıyl salynady dep kútilýde. Al, 2012 jyly paıdalanýǵa beriletin 300 megavat­tyq Moınaq GES-iniń qurylysy qyzý qarqyn alsa, Balqash jylý elektr stansa­sy­nyń birinshi kezeńi 2014-2016 jyldary iske qosylady dep josparlanǵan. О́ńir qorjyny salyq jáne basqa da bıýdjetke túsetin mindetti tólemder arqy­ly tolyǵady. О́tken jyly ol 118 mlrd. teń­geni qurap, baıypty baǵdarlamalardyń tolyq júzege asýyna múmkindik beripti. Halyq­ty jumyspen qamtý baǵytyndaǵy qol­­ǵa alynǵan jumystar nátıjesinde 2009 jyly 39,2 myń jumys orny ashylsa, áleý­mettik kómekke jergilikti bıýdjetten bólin­gen 4,9 mlrd. teńge tıimdi paıda­la­nylyp, kóptegen kúrmeýi qıyn másele­ler­diń tııa­na­ǵy keltirilgeni baıandamada naqty taratyldy. Densaýlyq saqtaý júıesin qarjylan­dyrýǵa esepti kezeńde qomaqty qarjy qaralyp, halyqqa kórsetiletin alǵashqy medısınalyq-sanıtarlyq járdem sapasy ósken. О́tken jyly jumys istep turǵan aýrýhanalarda bólimsheler, 2 emhana ashy­lyp, aýyldyq jerlerde 24 medısınalyq pýnkt dárigerlik ambýlatorııa retinde qaıta qurylyp, zamanaýı jabdyqtarmen qamtamasyz etilgen eken. Joldaýda atap kórsetilgendeı, búldir­shin­derdi mektepke deıingi bilim berý meke­me­lerimen qamtý deńgeıi jaqsaryp, 12 bala­baqsha, 83 shaǵyn ortalyq ashylyp, 1260 oryndyq jańa 4 mektep paıdalanýǵa berilgen. Sońǵy jyldary oblys ortaly­ǵynda aýdandardyń mádenı kúnderin ót­kizý, qala men jol boılaryna qymyz­hana­lar ashý keńinen óristetilip, qoǵamdyq uıym­­dardyń jumysyna qoldaý kór­setilýde. Qoǵamdaǵy basty baǵyt salamatty ómir salty desek, oblys sportshylary 2009 jyly halyqaralyq jáne respýblıkalyq jarystarda 644 medal ıemdense, onyń 243-i altyn. Osylaısha 515 sportshy sporttyń ár túrinen respýblıkanyń ulttyq qurama komandalarynyń sapynda ekenin jetkizgen oblys ákimi ótken jyly aýyr atletıkadan álem chempıonatynda tórt birdeı ziltemirshi – Zýlfııa Chın­shanlo, Maııa Maneza, Svetlana Podo­bedova jáne Vladımır Sedov Jetisý jeri­niń ǵana emes, Qazaqstannyń abyroıyn asyryp, altynnan alqa taqqanyn maq­tanyshpen ortaǵa saldy. Jıynǵa qatysqan Parlament Senaty­nyń depýtaty, “Nur Otan” halyqtyq-demo­kratııalyq partııasy Sybaılas jem­qor­lyq­qa qarsy kúres jónindegi qoǵamdyq keńestiń tóraǵasy Oralbaı Ábdikárimov, senatorlar Núsipjan Nurmanbetov, Nur­lan Súleı­menov, Májilis depýtattary – Sát Toqpaq­baev, Ýálıhan Qalıjan, Dınar Nóketaeva, Kerimtaı Bıjanov, Úsen­geldi Medeýov sııaqty halyq qalaý­ly­larynyń aralasýymen óńir­degi elektr qýatyna táýel­dilik oń sheshil­se nur ústine nur bolar edi, dep jatty jeti­sýlyqtar. Sonymen qatar, qurylys salasynda júrgizilgen tekserý barysynda keıbir merdi­ger uıymdardyń tıisti talaptar men ereje­lerdi saqtamaý faktileri kezdesken. Mundaı keleńsizdikti túbegeıli túzep, qurylys sapasyna qoıylatyn talaptardy arttyrý qajettigi de alǵa tartyldy. Qury­lystyń ishki jumysyna múmkin­diginshe jergilikti materıaldardy paıdalaný jónindegi jumysty óristetý máselesi de naqtylandy. Baıandamashy, sonymen birge agrarlyq-ındýstrııalyq ártaraptandyrý arqyly eńbek ónimdiligin arttyrý men aýyl sharýa­shylyǵy ónimderin óńdeý, jańa jabdyqtar men tehnologııalardy paıda­laný búgingi basty mindetter qatarynda atalyp, qoǵam­dyq tártipti saqtaý, zańsyzdyqqa jol ber­meý atalǵan sala basshylaryna mindetteldi. Qoǵamnyń basty baılyǵy – adamǵa qamqorlyq jasaý, bilim berý, densaýlyq saqtaý, áleýmettik qorǵaý sapasyn jaq­sartý jónindegi tapsyrmalardyń oryn­dalýy basty mindet ekendigi aıtyldy. Osylardyń qatarynda balalardy mektep­ke deıingi mekemelermen qamtýǵa baǵyt­tal­­­ǵan arnaıy “Balapan” baǵdarlamasy, 12 jyldyq oqý modeline kóshý, aýrýdyń aldyn alý, salamatty ómir saltyn nası­hattaý da bar. Bul ár deńgeıdegi ákimder jumysynyń sandyq kórsetkishi­men emes, azamattardyń senimimen aıqyndalatyny alǵa tartyldy. Jıynda baıandama boıynsha jarys­sózge shyqqan “Qazaqstan-Koreıa” dostyq qoǵamy oblystyq uıymynyń tóraıymy Klara Han memlekettik tilde maıyn tamyza sóılep, oıyn “Berekeni kókten tileme, birligi mol kópten tile”, degen támsilmen órbitti: – Men qarapaıym káris qyzymyn. Qazaqstanda týyp, bilim alyp, elim úshin eńbek ettim,– dedi ol óz sózinde. – Qazir eńbek demalysynda bolsam da halqymmen birge bolýdy qalaımyn. Kimniń bolsa da júreginde týǵan jerge, Otanǵa degen sezim bolady. Sol sezimmen oblysymnyń taby­sy­na, ekonomıkasynyń órkendegenine qýana­myn. Munyń bári – táýelsizdiktiń arqasy, el birliginiń nátıjesi. Elbasy jyl saıynǵy Joldaýynda osy qundy­lyqtarǵa erekshe mán beredi. Memleket basshysy Nursultan Ábishuly –el múddesin murat tutqan bilgir kóshbasshy. Oblystyń ákimi Serik Úmbetov qoǵamdyq uıymdar men bıliktiń birlese jumys jasaýyna árdaıym kóńil bóledi. Nátı­jesinde Jetisý jeri birligi men yntymaǵy jarasqan ólke retinde tanylyp otyr. Ile aýdany Qaroı aýyldyq okrýginiń ákimi Vıktor Porotıkov shırek ǵasyrlyq qyzmetinde aýyldyń órkendeýi baǵytyn­daǵy jumysyn júıelegenin ortaǵa saldy: –Kópshiligimiz aýyldan shyqtyq. Keńes­­tik kezeńde aýyldyq keńestiń tór­aǵasy bolsam, táýelsizdik jyldarynda aýyl ákimimin. Aýylda halyqqa 18 túrli qyzmet kórsetiledi. Internet, depýtat­tardyń, “Nur Otan” partııasynyń qabyl­daý bólmeleri, halyqqa qyzmet kórsetý ortalyǵy ashylǵan. Aýylǵa “kógildir otyndy” jetkizý úshin bıýdjetten qarjy bólinip, bul jumys bastalyp ketti. Mádenıet úıinde ártúrli úıirmeler jumys istep tur. Aýdanda aýyz sý, jylý júıeleri kúrdeli jóndeýden ótkizilip, 11 aýyldy kóriktendirý máseleleri sheshimin tapty. Munyń bári Elbasynyń daǵdarysqa qarsy baıypty baǵdarlamasynyń nátıjesi ekenin atap aıtqym keledi. Serik Ábiken­uly ótken jyly okrýgte bolyp, halyqpen kezdesken kezinde eldi mekendegi ózge de máselelerge mán berilýi kerektigin aıtqan bolatyn. Osy baǵyttarda jumystanyp jatyrmyz, – dedi. Budan keıin jaryssózge Eńbekshiqazaq aýdanyndaǵy “Adal” aksıonerlik qoǵamy­nyń atqarýshy dırektory Seısehan Sma­ǵulov, “Hılnıchenko ı K” koman­dıttik serik­testiginiń tóraǵasy, oblystyq máslı­hattyń depýtaty Vıktor Hılnı­chenko, Aqsý aýdan­dyq ardagerler uıymy­nyń tóraǵasy Nurbek Qasymbekov, Pan­fılov aýdany B.Nazym atyndaǵy orta mektep dırektory Sanııam Zýlıarova, oblystyq “Jetisý” tele­arna­synyń qyzmetkeri Aızada Jaqsy­bekova, taǵy basqalar sóılep, esepti kezeń­degi óńirdegi qolǵa alynǵan jumystarǵa toqtaldy jáne oblys ákiminiń esepti kezeń­degi jumysyna qanaǵattanarlyq degen baǵa berdi. Oblys ákimi Serik Úmbetov jıynǵa qatysqandardan túsken jol jóndeý, aýyz sý, turǵyn úı máselesine baılanysty qo­ıyl­ǵan suraqtarǵa naqty jaýap qaıtardy. Tipti, kóptegen saýaldar jıyn ústinde sheshimin taýyp jatty. Esep berý basqosýyna Qazaqstan Respýblıkasy Prezıdenti Ákimshiliginiń memlekettik ınspektory Qýatjan Ýálıev qatysty. Kúmisjan BAIJAN. Almaty oblysy. О́ŃIR AHÝALY OŃALYP KELEDI “Syr – Alashtyń anasy” dep Elbasy aıdar taqqan óńirdiń búgingi bet-beınesi aıtarlyqtaı ózgerdi desek, asyra aıtqandyǵymyz bolmas. Bizdiń bulaı paıymdaýymyzǵa oblys ákimi Bolatbek Qýandyqovtyń oblystyq máslıhattyń keńeıtilgen sessııasynda oblys jurtshylyǵy aldynda bergen esebi men shyǵyp sóıleýshiler, usynys-pikir aıtýshylar men saýal tastaýshylardyń aıtqandary aıqyn aıǵaq bolsa kerek. Erkin ÁBIL. – Elbasynyń ótken jylǵy tarıhı Joldaýyndaǵy qaǵıdattardy júzege asyrýdy basty maqsat tutqan Syr óńirindegi qoǵamdyq ómirdiń barlyq salalarynda oń ózgerister boldy, – dep baıandama jelisin bastaǵan oblys ákimi Syr aımaǵynda atqarylǵan aýqymdy sharalardy egjeı-tegjeıli baıan etti. Ákim baıandamasynyń negizine nazar salar bolsaq, “Jol kartasy” baǵdar­lama­syna oraı respýblıkalyq jáne jergilikti bıýdjetten 8,4 mlrd.teńge qarjy qaralyp, 231 ınvestısııalyq joba júzege asyrylǵan. Osynyń nátıjesinde 11 myńǵa jýyq jańa jumys oryndary ashylyp, 3 myńnan astam adam áleýmettik jumys oryndaryna ornalasqan. Al, jastar tájirıbesi boıynsha 2 myńǵa jýyq adam jumysqa tartylsa, mamandardy kásibı daıarlaý jáne qaıta daıarlaý boıynsha 4 myńnan astam jumyspen adam qamtylǵan. Qyzylorda oblysynyń negizgi salasy – ónerkásip ótken jyly 587 mlrd. teńgeniń ónimin óndirse, osynyń 93 paıyzy taý-ken ónerkásibi úlesine tıedi. Jalpy quny 30 mlrd.teńgeni quraıtyn 9 jańa óndiris orny iske qosylyp, 775 jumys orny ashylǵan. Barlyq qarjy kózderi arqyly shaǵyn kásipkerlik sýbektileri 9,1 mlrd. teńgege qarjylan­dyrylǵan. Aıta ketý kerek, Elbasynyń tikeleı qoldaýy men baqylaýynda turǵan mańyzdy joba–“Qyzylorda qalasynyń jylý-energııa kózderi jáne turǵyn úı sektoryn ilespe gazǵa kóshirý” jobasynyń birinshi kezeńi aıaqtalyp, ekinshi kezeńi toqtaýsyz júrgizilýde. Syr – aýyl sharýashylyqty aımaq. Sodan da ótken jyly aýyl sharýashy­lyǵy daqyldarynyń egis kólemi 156 myń gektarǵa jetkizilip, 33,0 mlrd.teńgeniń ónimi óndirilgen. Al, Syr jeriniń basty daqyly – kúrish egisiniń kólemi 10 myń gektarǵa ulǵaıyp, onyń árbir gektary­nan 42,9 sentnerden kúrish jınalǵan. Bul kórsetkish elimizdiń kúrish daqyl­daryna degen suranystaryn tolyq qam­tamasyz etýge múmkindik beredi. Sońǵy úsh jylda aımaqtyń aýyl sharýashyly­ǵyndaǵy máshıne-traktor parki 30 paıyz­ǵa jańalansa, ótken jyly 232 aýyl sharýashylyǵy tehnıkalary alynǵan. Oblys ákiminiń aıtýynsha, tórt túlik mal basy da jyl sanap ósip keledi. Esepti kezeńde respýblıkalyq jáne jergilikti bıýdjet qarjylary esebinen 48 bilim berý ǵımarattarynyń qurylys­tary júrgizilýde. О́tken jyly respýb­lıkalyq bıýdjet qarjysy esebinen qurylysy júrgizilgen 11 mekteptiń 6-ýy iske qosylsa, jergilikti bıýdjet esebinen 25 mekteptiń, 11 balabaqshanyń, Jańa­qorǵan aýdany, Talap aýylyndaǵy 300 oryndyq balalardyń jazǵy tynyǵý lageri salyna bastady. 2009 jyly jo­ǵaryda aıtqan mektepterdiń 5-ýi, bala­baqshalardyń 11-i iske qosylyp, qalǵan qurylystar qarqyndy júrgizilý­de. Sondaı-aq, Aral qalasynda respýb­lı­kalyq bıýdjet esebinen salynyp jatqan sporttyq-saýyqtyrý kesheniniń qury­lysy taıaý ýaqytta aıaqtalmaq. Qyzyl­orda qalasynda jergilikti bıýdjet esebi­nen 400 myń dana kitap qory bar oblys­tyq kitaphana paıdalanýǵa berilip otyr. Syr aımaǵynda kólik ınfraqury­lymyn damytýda da sony serpilis bary baıqalady. Naqtylaı aıtar bolsaq, ótken jyly jergilikti mańyzdaǵy joldar­dyń 1480 shaqyrymyna aǵymdaǵy, 316 shaqyrymyna ortasha, 90 shaqyry­myna kúrdeli jóndeý júrgizilgen. Son­daı-aq, Jańaqorǵan aýdanynan Túrkistan qalasyna baratyn tóte ishki jol jóndeý­den ótip, paıdalanýǵa berildi. Qyzyl­orda qalasy turǵyndary 129 kósheniń kúrdeli jáne ortasha jóndeýden ótkizilgenine dán rızashylyqtaryn bildirýde. Aımaq turǵyndaryn aıaq sý jáne sapaly aýyz sýmen qamtamasyz etýde de kósh ilgerileýshilik bar. О́tken jyly sapaly aýyz sýmen qamtamasyz etý maq­satynda 57 joba iske asyrylsa, turǵyn­dardy aıaq sýmen qamtamasyz etý maq­satynda 167 shaqyrymdy quraıtyn 27 kanal men 7 shaqyrymdyq 2 sý qashyrtqy­laryna tazalaý jumystary júrgizilgen. Sondaı-aq, kólemi 2,6 myń gektardy quraıtyn 19 myńǵa jýyq otbasynyń úıirgelik jerlerine aıaq sý jetkizilgen. Oblys ákimi B.Qýandyqov óziniń el aldyndaǵy esepti baıandamasynda aımaqtaǵy bilim berý, densaýlyq saqtaý, mádenıet, sport salalarynda atqarylǵan aýqymdy jumystar men alda turǵan mindetterdi de egjeı-tegjeıli baıan etti. Syr jerinde “Mádenı mura” baǵdar­lamasy aıasynda ótken jyly tarıhı jáne mádenı eskertkishterdi qalpyna keltirýge basa mán berildi. Sonyń nátıjesinde Búkildúnıejúzilik týrıstik uıymynyń Bas assambleıasy atqarý keńesi músheleri men 70 shaqty memleket mınıstrleriniń Baıqońyr ǵarysh aılaǵy men Qorqyt Ata memorıaldyq keshenine kelýi Syr aımaǵynyń abyroıyn asqaqtatyp, Úkimet tarapynan joǵary baǵa aldy. Osy bir ıgilikti is-shara arqa­synda Ispanııanyń Madrıd qalasynda 35 jyl boıy taǵaıyndalyp kelgen “Týrızm, qonaq úı bıznesi jáne gastrono­mııa” nomınasııasy boıynsha altyn júldeni Qyzylorda oblysy ıelendi. Aral teńiziniń keleshegi Elbasy nazarynda ekeni barshańyzǵa málim bolsa kerek. Elbasynyń tikeleı qoldaýymen “SARATS” jobasynyń 1-shi kezeńi aıaqtalyp, Kishi Aral qaıta oralyp kele jatyr. “Aqlaq” sý tospasy iske qosylyp, 30 myń gektarǵa jýyq jerdi alyp jatqan kólder sýǵa tolyp, shalǵyndyq, jaıylymdyq jerler aıasy keńeıip-aq keledi. Búgingi tańda kólderdi túgendeý jumystary júrgizilip, aımaqta balyq sharýashylyǵyn órkendetýdiń 2010-2020 jyldar aralyǵyn qamtıtyn baǵdarlama ázirlenýde. Oblys ákimi esepti baıandamasynda qaı sala jumysy bolsa da jan-jaqty baıan etti. Onyń esebinen aımaqtyń ekologııalyq ahýaly, úkimettik emes uıymdarmen jumys, quqyq qorǵaý organdarynyń qyzmeti, memlekettik til men buqaralyq saıasat týraly derekter de qaǵys qalǵan joq. –             “Jumyla kótergen júk jeńil” deıdi halyq danalyǵy. Elbasynyń Joldaýyn júzege asyrý, ekonomıkalyq daǵdarystardy eńserý kezinde narǵa júk bolar aýyr salmaqty birge kóterisip, qıyndyqtardy birge bólisip, halyqtyń seniminen shyǵa bilgen oblystyń búkil eńbekkerlerine alǵysym men qurmetimdi bildirgim keledi, – degen oblys ákimi Syr aımaǵynda aǵymdaǵy jyly atqarylar sharalar da shashetekten ekenin búkpesiz aıtty. Qaı jyldan bolsa da úlken úmit kúte­tin Qazaqstan halqy bıylǵy jyly da tarıhı oqıǵanyń kýási boldy. El­basy­­nyń “Jańa onjyldyq – jańa eko­nomıkalyq órleý – Qazaqstannyń jańa múmkindikteri” atty Qazaqstan halqyna Joldaýy jarııa etildi. Joldaý­da ın­dýstrııalyq damý – jańa onjyl­dyq­taǵy múmkindik, elimizdiń damýy úshin jańa múmkinshilik ekeni taıǵa tańba basqandaı atap kórsetildi. Osy baǵytqa oraı Syr elinde aımaqtyń ındýstrııa­landyrý kartasyna ınvestısııalyq jobalardy engizý shuǵyl túrde qolǵa alynbaq, ıaǵnı aldaǵy besjyldyqta 300,0 mlrd.teńgeni quraıtyn 90-ǵa jýyq joba iske asyrylmaq. Elbasynyń Joldaýynda ártaraptan­dyrýdyń eń mańyzdy segmentiniń biri – agroónerkásip kesheni ekeni aıtyldy. Onyń damýy úsh baǵytta – eńbek ónim­diliginiń ósýi, eldiń azyq-túlik qaýipsiz­digin qamtamasyz etý, eksporttyq múmkin­dikterdi birinshi kezekte damytý baǵyttarynda órbýi tıis. Osyǵan baı­­lanysty agroónerkásip kesheni salasyn­da eńbek ónimdiligin eki esege ulǵaıtý basty nazarǵa alynyp otyr. Búgingi kúni aımaqtyń óńirlik ın­dýstrııa­landyrý kartasyna aýyl sharýashylyǵy salasy boıynsha jalpy quny 14,7 mlrd.teńgeni quraıtyn 39 joba usynylǵan. Bul jobalardyń ishinde 2010 jyly 15 joba, onyń ishinde el Úkimetiniń nazarynda turǵan jalpy quny 3,2 mlrd.teńgeni quraıtyn 3 iri joba iske asyrylmaq. Barlyq balalar mektepke deıingi tárbıemen jáne oqytýmen qamtylýy qajettigi jónindegi Elbasy tapsyrma­syna sáıkes aǵymdaǵy jyly 8 memle­kettik, 15 jeke menshik balabaqsha, 28 mektep janyndaǵy shaǵyn ortalyq ashý josparǵa enip otyr. Sonymen qatar, bıylǵy jyldyń 1 qyrkúıegine Qazaly, Syrdarııa, Jańaqorǵan aýdandary men Baıqońyr, Qyzylorda qalalaryndaǵy jańa úlgidegi 1200-1248 oryndyq mek­tepter paıdalanýǵa berilmek. Bıylǵy jyly “Qazatom­ónerkásip” Ulttyq kom­panııasynyń qoldaýymen Qyzylor­da­da qalalyq perzenthana qurylysy bastaý almaq. Munan soń oblys ákimi Elbasy Jol­daýynda aıtylǵan buqaralyq deneshy­nyq­tyrý, týrızmdi damytý, “Mádenı mura” baǵdarlamalaryna, halyqty áleý­mettik qorǵaý, “Jol kartasy” baǵdar­lamasy men Uly Jeńistiń 65 jyldyǵyn atap ótýge, eldi mekenderdi abattan­dyrýǵa basa mán beriletinin kóldeneń tartyp, bul baǵyttarda atqarylatyn basqa da sharalardy sanamalap berdi. – О́tken jyly Elbasy Syr aımaǵyna kelgen saparynda “Búgingi Syr boıynda serpilis bar”, dep aımaqta atqarylyp jatqan jumystarǵa oń baǵa berýi barshamyzǵa úlken mindetter men jaýapkershilik júkteıdi. Elbasynyń bizge artyp otyrǵan úlken senimin syrboıylyqtar minsiz aqtaıdy degen oıdamyn, – degen ákim esebin ornyqty paıymmen tujyrymdady. Parlament Senatynyń depýtaty B.Dospambetov Syr aımaǵynda sońǵy jyldary atqarylyp jatqan jumys­tardyń asa aýqymdy ekenin aıtyp, óńir halqyn Elbasy Joldaýynda aıtylǵan mindetterdi bir kisideı birlikpen oryn­daýǵa shaqyrdy. Parlament Májilisiniń depýtaty S.Áıimbetov búginde aýyl turǵyn­dary­nyń ahýaly áldeqaıda jaqsarǵanyn tilge tıek etse, eńbek ardageri Y.Qalıev oblys ákiminiń esebine oń baǵa berip, óziniń oıyndaǵy usynys-pikirlerin ortaǵa saldy. Oblys ákiminiń esepti jıynynda sondaı-aq oblystyq máslıhat hatshysy N.Qudaıbergenov, oblystyq máslıhat depýtaty I.Tilepov, ǵalym N.Myń­jasarov shyǵyp sóılep, ákim qyzmetin oń baǵalady. Jıyn sońynda B.Qýandyqov oblys turǵyndary men jergilikti máslıhat depýtattary tarapynan túsken suraq­tarǵa jaýap berdi. Oblys ákiminiń esepti jıynyna Qazaqstan Prezıdenti Ákimshiliginiń memlekettik ınspektory A.Dúısebaev, Parlament depýtattary Q.Baımahanov, J.Asanov, J.Súleımenov qatysty. Qyzylorda oblysy.