Pavlodar oblystyq orman sharýashylyǵy jáne janýarlar dúnıesi aýmaqtyq ınspeksııasynyń habarlaýynsha, bul tehnıkalar úsh tonnaǵa deıin sý tasymaldaı alady ári jol talǵamaıdy. Avtokólikter órt kezinde dóńgelekterdi sýlap otyrý júıesimen jáne órtti júrip kele jatyp ta sóndirý múmkindigimen jabdyqtalǵan.
«Memleket basshysynyń tapsyrmasyna sáıkes, 2023 jyldan bastap órtke qarsy jabdyqtardy jańǵyrtý baǵdarlamasy iske asyrylyp jatyr. Baǵdarlamanyń maqsaty – orman jáne tabıǵatty qorǵaý mekemeleriniń materıaldyq-tehnıkalyq bazasyn tolyq jańartý, sondaı-aq órt qaýipsizdigin kúsheıtý. Atalǵan baǵdarlama aıasynda Baıanaýyl memlekettik ulttyq tabıǵı parkine orman órtin sóndirýge arnalǵan jańa 8 tehnıka tabystaldy. Bul zamanaýı tehnıka órttiń aldyn alý men jedel áreket etý múmkindikterin arttyrady», dep habarlady ınspeksııadan.
Eske sala keteıik, Baıanaýyl memlekettik ulttyq tabıǵı parki - elimizde alǵash ashylǵan parkterdiń biri. Aýmaǵy 68 myń gektar. Byltyr mekemeniń qurylǵanyna 40 jyl toldy.
