«Artemıs» baǵdarlamasy aıasynda tórt astronavt Aıdyń arǵy betin zerttep, sýretke túsirý úshin jiberilgen bolatyn.
Ǵalymnyń aıtýynsha, mundaǵy mıssııalardyń basty maqsaty – Aı betinde bolyp jatqan tabıǵı prosesterdi tereńirek túsiný.
Negizgi ǵylymı baǵyttardyń biri – Aı betine túsetin soqqylardy zertteý. Iаǵnı, ártúrli aspan deneleri Aıǵa qanshalyqty jıi qulaıdy jáne olardyń áseri qandaı – osy suraqtarǵa jaýap izdelýde, - deıdi ǵalym.
Onyń sózinshe, bul zertteýler tek Aıdy ǵana emes, jalpy Kún júıesindegi prosesterdi túsinýge múmkindik beredi.
Sondaı-aq ǵalym adamzattyń Aıǵa qaıta bet burýyn tarıhı oqıǵa dep baǵalaıdy.
«Buǵan deıin «Apollon» baǵdarlamasy arqyly amerıkalyqtar Aı betine qonǵan. Keıin bul baǵyttaǵy jumystar uzaq ýaqyt toqtap qaldy. Qazir bul zertteýler qaıta jandanyp otyr. Bul – ǵarysh salasyndaǵy úlken serpilis, deıdi ol.
Bekdáýlet Shúkirǵalıev Qazaqstanda da Aıdy zertteýge qatysty jobalar bar ekenin atap ótti.
«Qazirgi tańda Fızıka-astronomııa ınstıtýty men ǵylymı uıymdar Aıdy aınalyp júretin teleskop jobasyn ázirleýde. Eger bul baǵdarlama aldaǵy onjyldyqta iske assa, Qazaqstan úshin jańa ǵylymı múmkindik ashylady, deıdi astrofızık.
Onyń aıtýynsha, mundaı jobalar eldiń ǵylymı áleýetin arttyryp, halyqaralyq deńgeıdegi zertteýlerge jol ashady.
Qasym-Jomart Toqaev Donald Trampty «Artemıda-2» mıssııasynyń tabysty oryndalýymen quttyqtady
