Oqıǵa bylaı bolǵan edi. Semeı qalasyndaǵy Beregovaıa-72 mekenjaıy boıynsha sý qubyrlaryn qosatyn kameranyń ishinde eki er adam qondyrǵylardy gazben dánekerlep otyrady. Kenet áldebir aqaý oryn alyp, aýa tarylyp, gazben ýlanǵan, olardyń tynys alýy qıyndaı bastaıdy. Qudyq ishinde jumys istep otyrǵan, olar shamalary kelgenshe kómekke shaqyryp, jan daýystarymen aıqaılaıdy. Dál osy sátte sol qubyrdyń qasynan Erjan Sadyqov ótip bara jatqan edi. Kóp oılanyp, tolǵanbastan Erjan birden kómekke umtylady. Dereý eki jigitke kómek kórsetip, olardy qubyrdan alyp shyǵady. Sóıtip, álgi eki azamatqa dereý alǵashqy medısınalyq járdem de kórsetedi. Onyń beıbit kúndegi osy erligi týraly habardar bolǵan bólim komandırleri áskerı qyzmetkerdi marapatqa usyndy. Erjan Sadyqovqa «Erligi úshin» medali tabystalyp, tótenshe jaǵdaıdy kórsetken kómegi úshin Alǵys hatpen de marapattady.
– Qazaqstanda týyp-óstim. Osyndaı elim bolǵanyn men maqtan tutamyn, – deıdi Erjan Sadyqov. – «Otan – ottan da ystyq» degen, týyp ósken, kindik qanyń tamǵan jeriń, atamekenińe jeter ne bar?! Sol atamekenińde ómir súrip jatqan otandastaryńa qajet kezinde kómek qolyn sozý, árıne, basty paryz dep esepteımin. Adam ómiri qashan da qymbat. О́mirge ǵashyqtyq – bul adamnyń rýhanı deńgeıiniń bıiktigin kórsetedi. Erjan Sadyqov shyn máninde Otanyna adal qyzmet etýshi, halyqtyń qalaýly azamattarynyń biri. Árıne, osyndaı uldary bar eldiń eńsesi bıik.
Raýshan NUǴMANBEKOVA
Semeı
Sýretti túsirgen avtor
