Qaharmanmen kezdesý

Biz Raqymjan aǵamyzdy batyr retinde erekshe maqtan etemiz. Kindik qany tamǵan qazir­gi Aqmola oblysynyń Selı­no­grad aýdanyna qarasty Qabanbaı aýylyna kelýi biz úshin mártebe bolatyn. Jerlesteriniń qaharmanmen kezdesýi eldiń rýhyn kóterip, erekshe bir kóńil kúı syılaýshy edi. 
О́tkende fotoalbomdy aqtaryp otyryp, batyr ómirine qatysty tarıhı sýretke kózim tústi. Osydan tup-týra 41 jyl buryn Rahymjan aǵamyz jerlesterimen – soǵys jáne tyl ar­dagerlerimen kezdesýden soń sýretke túsken edi. Sýrett­e 30 sáýir 1976 jyl dep tańba­lanyp­ty. 
Mádenıet úıindegi kezdesýden soń Raqymjan aǵamyz Aǵa­nas aýylyna at basyn bu­ryp, orta mektepte jınalǵan aýyl tur­ǵyndarymen, mektep oqýshylarmen kezdesý ótkizdi. Batyr aǵamyzdyń sol kezdesýde aıtqany áli esimde.
«Tórt jyl boıy qııan-keski surapyl soǵysta ot pen jalyn keshken aǵalaryńnyń biri retinde aıtarym: ákeler dańqyn qasterleńder, maıdangerlerdiń joryq joldarynyń batyrlyq shejiresin terip, qaharman keńes jaýyngerleriniń óshpes erligin ónege tutyńdar! Osy ónege senderdi erlikke, batyrlyqqa baýlıdy, tańǵajaıyp nurly ómir ornatý jolyndaǵy kúres­terde jeńiske jetkizedi», degen bolatyn Raqymjan aǵa.
Jeńis merekesi qarsa­ńynda batyr Raqymjan Qoshqar­baev­tyń ómirinen syr shertetin fotosýretti «Egemen Qazaqstan» oqyr­mandaryna usynýdy jón kórdim.

Erden ABAEV,
tyl ardageri, Selınograd aýdanynyń qurmetti azamaty
Aqmola oblysy